KRISTOTƆWO ƑE AGBENƆNƆ
Dze Agbagba Nàɖu Wò Dzodzrowo Dzi
Esi míede blibo o taa, ele be míadze agbagba ɣesiaɣi be míaɖu míaƒe dzodzrowo dzi. Ne míewɔa nu sia nu si dzro mí la, ate ŋu ana míaƒe nu magadze Yehowa ŋu o. Le kpɔɖeŋu me, ame aɖewo ɖe mɔ woƒe lɔlɔ̃ na nuɖuɖu, nudodo, kple mlɔƒe vu tsyɔ woƒe lɔlɔ̃ na Mawu dzi. Ame aɖewo hã ɖia kɔ na woƒe gbɔdɔdɔ ƒe dzodzrowo le mɔ siwo tsi tre ɖe Mawu ƒe dzidzenuwo ŋu nu. (Ro 1:26, 27) Eye bubuwo hã wɔa nu gbegblẽ si wo hatiwo ɖo na wo, le esi wodi be yewoadze wo ŋu ta.—2Mo 23:2.
Nu kae míawɔ be míaɖu míaƒe dzodzrowo dzi? Ele be míadze agbagba ana míaƒe susu nanɔ nu siwo adze Yehowa ŋua wɔwɔ ŋu. (Mt 4:4) Azɔ hã, ele be míaɖe kuku na Yehowa be wòakpe ɖe mía ŋu. Nu ka tae? Elabe enya nu si nyo na mí, eye enya ale si yeaɖi kɔ na míaƒe dzodzro siwo sɔ.—Ps 145:16.
MIKPƆ VIDEO SI NYE MÈGATSƆ ATAMANONO GBLẼ WÒ AGBE DOMEE O, EYOME MIAÐO BIABIA SIAWO ŊU:
Nu ka tae ame aɖewo noa atama?
Nu kae atamanono ate ŋu agblẽ le ŋuwò?
Nu ka tae atamanono tẽe alo enono to mɔ bubuwo dzi menyo o?—2Ko 7:1.
Àte ŋu aɖu atamanono ƒe dzodzroa dzi!
Ne ame aɖe di be nàno atama alo be enono ma wòa, nu kae nàte ŋu awɔ be nàganoe o?