Aleke Nu Siwo Ŋu Míebuna Do Ka Kple Nuteƒewɔwɔ?

Míeɖenɛ fiana be míewɔa nuteƒe na Yehowa, menye le nya siwo míegblɔna kple nu siwo míewɔna me ko o, ke boŋ le nu siwo ŋu míebuna hã me. (Ps 19:14) Eya tae Biblia de dzi ƒo na mí be míanɔ nu nyui siawo ŋu bum: nu siwo katã nye nyateƒe, nu siwo katã dze na bubu, nu siwo katã le dzɔdzɔe, nu siwo katã le dzadzɛ, nu siwo katã dze na lɔlɔ̃, nu siwo katã ŋu woƒoa nu nyui le, nu siwo katã nye nuwɔna nyui kple nu siwo katã dze na kafukafu. (Flp 4:8) Ele eme be menye ɣesiaɣie míate ŋu axe mɔ na susu manyomanyowo be woagage ɖe tame na mí o. Gake ɖokuidziɖuɖu ate ŋu akpe ɖe mía ŋu míaɖe wo ɖa le susu me eye míabu nu nyuiwo boŋ ŋu ɖe wo teƒe. Ne míewɔa nuteƒe le nu siwo ŋu míebuna mea, akpe ɖe mía ŋu be míawɔ nuteƒe le míaƒe nuwɔnawo hã me.—Mr 7:​21-23.

Le mawunyakpukpui siawo dometɔ ɖe sia ɖe tea, ŋlɔ nuŋububu si wòle be míatsri ɖi:

Ro 12:3

Lk 12:15

Mt 5:28

Flp 3:13