Dzi Nenɔ Ƒowò Ne Amewo Tsi Tre Ðe Ŋuwò

Xlẽ Yeremiya 38:​1-13 be nàsrɔ̃ nyagblɔɖila Yeremiya kple Ebed-Melek ƒe dzinɔameƒo.

Bu nudzɔdzɔ bliboa ŋu. Aleke dzi nɔ Yeremiya ƒo wòɖe gbeƒã Yehowa ƒe gbedeasia na amewo? (Yer. 27:​12-14; 28:​15-17; 37:​6-10) Aleke ameawo wɔ nui?—Yer. 37:​15, 16.

Ku nu me yi ŋgɔe. Nu kae ameawo di be Yeremiya nawɔ? (jr 26-27 ¶20-22) Ku nu me nànya ale si blemavudowo le kple ale si wozãnɛ. (it-1-E 471 [it-1-F 483]) Aleke nèsusu be Yeremiya anɔ sesem le eɖokui me esi wotsɔe de vudo si me ba le la me? Aleke Ebed-Melek ɖu vɔvɔ̃ dzi hewɔ nu dzinɔameƒotɔe?—w12 5/1 31 ¶2-3.

De dzesi nufiameawo. Bia ɖokuiwò be:

• ‘Nu kae ŋutinya sia fiam tso ale si Yehowa kpɔa esubɔla wɔnuteƒewo tae ŋu?’ (Ps. 97:10; Yer. 39:​15-18)

• ‘Nɔnɔme kawo mee wòahiã be dzi nanɔ ƒonye?’

• ‘Aleke mana dzi nanɔ ƒonye geɖe wu be mawɔ nu dzɔdzɔe ne amewo tsi tre ɖe ŋunye gɔ̃ hã?’ (w11 3/1 30)a