Afi Kae Yehowa Ðasefowo Kpɔ Woƒe Ŋkɔ Tsoe?

Biblia gblɔ be Mawu ƒe ŋkɔ ŋutɔŋutɔe nye Yehowa. (2 Mose 6:3; Psalmo 83:​19) Ðasefo nye ame si gblɔa nyateƒenya aɖe si dzi eya ŋutɔ ka ɖo bliboe.

Eya ta míaƒe ŋkɔ Yehowa Ðasefowo dea dzesi mí be míenye Kristotɔwo ƒe ƒuƒoƒo aɖe si ɖea gbeƒã nyateƒe si ku ɖe Yehowa, ame si nye nuwo katã Wɔla la ŋu. (Nyaɖeɖefia 4:​11) Míeɖea gbeƒã na amewo to míaƒe agbenɔnɔ kple nu siwo míesrɔ̃ le Biblia me la dzi.​—Yesaya 43:​10-12; 1 Petro 2:12