Ðe Yehowa Ðasefowo Dea Bubu Subɔsubɔha Bubuwo Ŋua?

Míewɔa Biblia ƒe aɖaŋuɖoɖo si nye be ‘míabu ame ɖe sia ɖe ƒomevi’ la dzi, metsɔ le subɔsubɔdzixɔse si le wo si me o. (1 Petro 2:​17) Le kpɔɖeŋu me, Yehowa Ðasefo akpe alafa geɖewoe le dukɔ aɖewo me. Ke hã, míedzea agbagba be míaƒoe ɖe dziɖulawo alo setɔwo nu be woaɖo asi subɔsubɔha bubuwo dzi alo axe mɔ ɖe woƒe subɔsubɔdɔwo nu o. Eye míedzea agbagba be míana setɔwo nawɔ sewo atsɔ azi míaƒe nuwɔnawo kple subɔsubɔdzixɔsewo ɖe nuto siwo me míele la me tɔwo dzi o. Ke boŋ míewɔa nu ɖe amewo ŋu abe ale si tututu míedi be woawo hã nawɔ nu ɖe mía ŋui ene.​—Mateo 7:12.