Etenuŋɔŋlɔ

a Eva hiã be Kristotɔ kɔdzidɔwɔla aɖewo nabu afisi ame ƒe ŋusẽ se ɖo le dɔwɔƒe ƒe nya sia ŋu. Ŋusẽ anɔ Ðɔkta si wòate ŋu aŋlɔ atikewo na dɔnɔ aɖe alo agblɔ dɔdamɔnuwo nɛ. Gake ne dɔnɔa megbe dɔdamɔnua o hã la, aleke ɖɔkta Kristotɔ, si simee ŋusẽa le nagblɔ be woado ʋu na ame alo aɖe fu na amee, le esi wònya nusi Biblia gblɔ le nya mawo ŋu? Le nusi to vovo na esia la, ŋusẽ ma tɔgbe manɔ dɔnɔdzikpɔla si woxɔ ɖe kɔadzi si o. Esi wòle eƒe dɔdasiwo wɔm la, ɖɔkta ate ŋu abia tso esi be wòado ame aɖe ƒe ʋu akpɔ le susu aɖe ta alo wòakpɔ dɔnɔ aɖe si va woɖe fua nɛ la gbɔ. Le ɖekawɔwɔ me kple kpɔɖeŋu si dze le Fiawo II, 5:17-19 me la, ate ŋu aƒo nya ta be esi menye ye simee ŋusẽa le be yeaɖe gbe woado ʋu na ame alo aɖe fu na ame o ta la, yeate ŋu ayi kpekpeɖeŋu nana amegbetɔwo ƒe dɔa dzi ana kpekpeɖeŋu bubuwo dɔnɔ la. Gake ele kokoko be wòabu eya ŋutɔ ƒe dzitsinya ŋu, be ‘wòazɔ le Mawu ƒe ŋku me le dzitsinya nyui me.’—Dɔwɔwɔwo 23:1.