Etenuŋɔŋlɔ

a Esi Biblia ŋuti nunyala Gordon D. Fee nɔ nu ŋlɔm tso nya si Paulo gblɔ be “lɔlɔ̃ la gbɔa dzi blewu, eƒe dɔme nyona” ŋu la, eŋlɔ be: “Le Paulo ƒe nufiafia me la, [dzigbɔgbɔ blewu kple dɔmenyonyo] tsi tre ɖi na mɔ eve siwo Mawu wɔ nu kple amegbetɔƒomeae (tsɔe sɔ kple Rom. 2:4). Le mɔ ɖeka nu la, Mawu ƒe dzidodo lɔlɔ̃tɔe dze le alesi meɖe dziku ɖe amegbetɔ ƒe aglãdzedze ŋu enumake o me; le mɔ bubu nu la, wokpɔa eƒe dɔmenyonyo le nublanuikpɔkpɔ gbogbo si wòɖe fia me. Eyatae nya si Paulo gblɔ le lɔlɔ̃ ŋu la dze egɔme kple nya eve siwo wòtsɔ ɖɔ Mawui me, eya amesi to Kristo dzi ɖee fia be yenye ɖokuidziɖula kple dɔmenyotɔ na amesiwo wòle be Mawu nadrɔ̃ fɔbuʋɔnui.”