Etenuŋɔŋlɔ

a Biblia gɔmeɖeɖe aɖewo zã nya “Lucifer” si dze le Yesaya 14:12, si gɔme ame aɖewo se be enye mawudɔla si va zu Satana Abosam la ƒe ŋkɔ. Ke hã, Hebrigbe me nya si gɔme woɖe be Lucifer la fia “ame si le keklẽm.” Nu si ŋu wonɔ nu ƒom tsoe le afi sia la fia be, menye Satana ƒe nya gblɔm wonɔ o, ke boŋ eku ɖe Babilontɔwo ƒe fiaƒome si Mawu abɔbɔ ɖe anyi le esi wodo wo ɖokui ɖe dzi ta la ŋu. (Yesaya 14:4, 13-20) Eya ta nyagbɔgblɔ “ame si le keklẽm” la nye alɔmeɖenya si wogblɔ ɖe Babilon fiaƒomea ŋu esi wòmu vɔ megbe.