15. Aleke Dawid ɖe eƒe kaka ɖe Yehowa ƒe tameɖoɖowo dzi fiae?

¹⁵ Le Hiob ƒe ku megbe ƒe siwo ade alafa ade kple abe ƒe akpe ɖeka ene do ŋgɔ na Yesu ƒe anyigba vava la, Dawid ɖe eƒe kaka ɖe xexeme yeyea dzi fia. Egblɔ le psalmowo me be: “Amesiwo kpɔa mɔ na Yehowa la, woanyi anyigba la dome. Ekpɔtɔ vie ko ame vɔ̃ɖi la maganɔ anyi o, . . . Ke ame ɖihiãwo anyi anyigba la dome, eye dzi adzɔ wo ɖe ŋutifafa gbogbo la ŋuti. Ame dzɔdzɔewo anyi anyigba la dome, eye woanɔ edzi tegbee.” Dawid ƒoe ɖe mía nu le mɔkpɔkpɔ like si le esi ta be: “Ðo ŋu ɖe Yehowa ŋu, . . . Yehowa ƒe nu nenyo ŋuwò, eye wòana nusi wò dzi di la wò.”—Psalmo 37:3, 4, 9-11, 29.

22. Nukata wòle be míaɖo ŋu ɖe Yehowa ŋu?

²² Le xexe yeyea me la, ameƒome anukwaretɔwo akpɔ Romatɔwo 8:21 me vava be: “Woaɖe nuwɔwɔ la ŋutɔ hã tso gbegblẽ ƒe kluvinyenye la me ayi ɖe mawuviwo ƒe ŋutikɔkɔe ƒe ablɔɖe la me.” Woakpɔ gbedodoɖa sia si Yesu fia eyomedzelawo ƒe emevava be: “Wò fiaɖuƒe nava! Woawɔ wò lɔlɔ̃nu le anyigba dzi, sigbe alesi wowɔna le dziƒo ene!.” (Mateo 6:10) Eyata ɖo ŋu ɖe Yehowa ŋu bliboe elabena eƒe ŋugbedodo si mado kpo emevava o ye nye be: “Ame dzɔdzɔewo anyi anyigba la dome, eye woanɔ edzi tegbee.”—Psalmo 37:29.