3. Nu kae Yehowa dina tso exɔlɔ̃wo si?

Yehowa lɔ̃ amewo katã, gake “tsi metoa eya kple nu dzɔdzɔe wɔlawo dome o.” (Lododowo 3:32) Yehowa dina tso exɔlɔ̃wo si be woadze agbagba awɔ nu si nyo le ye ŋkume eye woaƒo asa na nu si yebuna nu gbegblẽ. Ame aɖewo sena le wo ɖokuiwo me be yewomate ŋu awɔ nu sia nu si Yehowa di tso yewo si la gbeɖe o eye yewomate ŋu aƒo asa na nu gbegblẽ ɖe sia ɖe o. Ke hã, Yehowa nye nublanuikpɔla. Exɔa ame sia ame si lɔ̃ eyama tso dzi me hewɔa eƒe ŋutete ɖe sia ɖe be yeadze Eŋu.—Psalmo 147:11; Dɔwɔwɔwo 10:34, 35.

Ame sia ame dina be ye xɔlɔ̃wo nanye ame siwo ɖia anukware. Yehowa hã dina be ye xɔlɔ̃wo nanye anukwareɖilawo. Gake esia menɔa bɔbɔe le xexe sia si me anukwaremaɖimaɖi bɔ ɖo la me o. Ne míeɖia anukware le nuwo katã me la, viɖe kawoe dona tso eme?

1. Nu kae nye susu vevitɔ si tae wòle be míanye anukwareɖilawo?

Ne míeɖia anukware na amewo la, míeɖenɛ fiana Yehowa be míelɔ̃e eye míedea bubu eŋu. Bu nya sia ŋu kpɔ: Yehowa nya nu sia nu si ŋu míebuna kple nu sia nu si míewɔna. (Hebritɔwo 4:13) Ɣesiaɣi si míeɖi anukware la, edea dzesii, eye esia doa dzidzɔ nɛ. Eƒe Nya, Biblia, gblɔ be: “Yehowa nyɔa ŋu ameflula, ke tsi metoa Eya kple nu dzɔdzɔe wɔlawo dome o.”—Lododowo 3:32.

2. Nu siwo me míaɖi anukware le gbe sia gbe la dometɔ aɖewo ɖe?

Yehowa di be ‘míato nyateƒe na mía nɔewo.’ (Zakariya 8:16, 17) Nu kae esia fia? Efia be, míeɖale nu ƒom na míaƒe ƒometɔwo, dɔwɔhatiwo, mía nɔvi Kristotɔwo, alo dziɖuɖumegãwo o, míedaa alakpa na wo loo alo flua wo o. Ame siwo ɖia anukware la mefiaa fi o, eye womebaa ame o. (Xlẽ Lododowo 24:28 kple Efesotɔwo 4:28.) Eye woxea adzɔ ɖe sia ɖe si wòle be woaxe. (Romatɔwo 13:5-7) Le nu siawo kple ‘nu bubuwo katã me la, míeɖia anukware.’—Hebritɔwo 13:18.

3. Ne míeɖia anukware la, viɖe kawoe dona tso eme?

Ne amewo nya mí be míeɖia anukware la, wokana ɖe mía dzi. Ewɔnɛ hã be le hamea me la, ame sia ame sena le eɖokui me be yele dedie, abe ale si wònɔna le ƒome si me lɔlɔ̃ le ene. Eye dzitsinya nyui nɔa mía si. Azɔ hã, míaƒe anukwareɖiɖi ate ŋu aɖo “atsyɔ̃ na Mawu, mía Xɔla, ƒe nufiafia,” eye ana ame bubuwo nadi be yewoava subɔ Yehowa.—Tito 2:10.

SRƆ̃ NU BUBUWO

4. Anukwareɖiɖi dzea Yehowa ŋu

Mixlẽ Psalmo 44:21 kple Malaki 3:16, eye miadzro biabia siawo me:

• Nu ka tae mesɔ kura be míasusu be míate ŋu aɣla nane ɖe Yehowa o?

• Ne esesẽ na mí be míato nyateƒe gake míeto nyateƒe la, aleke nèsusu be Yehowa sena le eɖokui me?

5. Ði anukware ɣeawokatãɣi

VIDEO: Nu Kawoe Nana Míekpɔa Dzidzɔ?—Dzitsinya Dzadzɛ (2:32)

Mixlẽ Hebritɔwo 13:18, eye miadzro nyabiase siwo gbɔna me. Aleke míate ŋu aɖi anukware . . .

• le ƒomea me?

• le dɔme alo suku?

• le go bubuwo me?

6. Anukwareɖiɖi ɖea vi na mí

Ɣeaɖewoɣi la, ate ŋu adze abe anukwareɖiɖi made mía dzi o ene. Gake mlɔeba la, eva dzena kɔtɛ be anukwareɖiɖi ye nye nu nyuitɔ si wòle be míawɔ. Mixlẽ Psalmo 34:12-16, eye miadzro biabia sia me:

• Aleke anukwareɖiɖi aɖe vi na wòe?

1. A. Ne srɔ̃tɔwo ɖia anukware na wo nɔewo la, woƒe srɔ̃ɖeɖea lia ke

2. B. Dɔtɔwo kana ɖe woƒe dɔwɔla siwo ɖia anukware la dzi

3. D. Dziɖuɖuteƒenɔlawo kpɔa ŋudzedze ɖe dumevi siwo ɖia anukware la ŋu

NU SIWO MÍESRƆ̃

Yehowa di be ye xɔlɔ̃wo naɖi anukware ɣesiaɣi le woƒe nuƒoƒo kple nuwɔna me.

Numetoto

• Nu siwo me míaɖi anukware le la dometɔ aɖewo ɖe?

• Nu ka tae mesɔ kura be míasusu be míate ŋu aɣla nane ɖe Yehowa o?

• Nu ka tae nàdi be yeaɖi anukware ɣeawokatãɣi?

KU NU ME TSO NYATIA ŊU

Aleke dzilawo ate ŋu afia wo viwo be woanye anukwareɖilawo?

Nye Nyateƒetola (1:44)

Ne míewɔa míaƒe ŋugbedodowo dzi la, viɖe kawoe dona tso eme?

Wɔ Wò Ŋugbedodowo Dzi Ne Nàxɔ Yayrawo (9:09)

Ne wowɔa adzɔ siwo míexena ŋu dɔ le mɔ gbegblẽ nu la, ɖe wòle be míaganɔ exema? Àkpɔ ŋuɖoɖoa le nyati sia me.

“Ðe Wòle Be Nàxe Adzɔa?” (Gbetakpɔxɔ, September 1, 2011)

Nu kae na nu fitifiti wɔla aɖe trɔ eƒe agbenɔnɔ eye wòva zu anukwareɖila?

“Mesrɔ̃e Be Yehowa Nye Mawu Nublanuikpɔla Si Tsɔa Nu Vɔ̃ Kena” (Gbetakpɔxɔ, May 1, 2015)

2. Aleke Yehowa ase le eɖokui me le ame siwo ƒomevi míedzea xɔlɔ̃e ŋu?

Menye ame sia ame koe Yehowa tiana be wòanye ye xɔlɔ̃ o. Biblia gblɔ be: “Tsi metoa Eya kple nu dzɔdzɔe wɔlawo dome o.” (Lododowo 3:32) Aleke Yehowa ase le eɖokui me ne míedze xɔlɔ̃ ame siwo melɔ̃ eyama o? Ate ɖe edzi ŋutɔ! (Xlẽ Yakobo 4:4.) Gake Yehowa akpɔ dzidzɔ eye wòana míanye exɔlɔ̃ ne míetsri hadede vɔ̃wo eye míete ɖe eyama kple ame siwo lɔ̃e la ŋu kplikplikpli.—Psalmo 15:1-4.