-
Yehowa Wɔ Ŋkɔ Nyui aɖe na EɖokuiYesaya ƒe Nyagblɔɖi—Enye Kekeli na Ameƒomea Katã II
-
-
11. (a) Nukata Yehowa ahe ‘hlɔ̃biaŋkeke’ vɛ? (b) Amekawoe nye ‘amesiwo woxɔ na’ le blema, eye woawoe nye amekawo egbea?
11 Yehowa yi edzi ɖe nusita eya ŋutɔ wɔ dɔ sia la me be: “Meɖo nye hlɔ̃biagbe ɖe ta me, eye [amesiwo mexɔ na, “NW”] ƒe ƒe la ɖo.” (Yesaya 63:4)b Yehowa koe kpɔ mɔ abia hlɔ̃ amesiwo gblẽa nu le eƒe amewo ŋu. (Mose V, 32:35) Le blema la, Yudatɔ siwo kpe fu le Babilontɔwo ƒe asi mee nye ‘amesiwo woxɔ na.’ (Yesaya 35:10; 43:1; 48:20) Le míaƒe ɣeyiɣia me la, woawoe nye amesiamina susɔeawo. (Nyaɖeɖefia 12:17) Woxɔ na wo tso alakpasubɔsubɔ ƒe aboyo me, abe wo tɔ blematɔwo ke ene. Eye abe Yudatɔ mawo ke ene la, woti amesiaminawo, kple woƒe zɔhɛ ‘alẽ bubuawo’ yome eye wotsi tre ɖe wo ŋu. (Yohanes 10:16) Eyata Yesaya ƒe nyagblɔɖia na kakaɖedzi Kristotɔ siwo li egbea be Mawu ade asi nyawo me akpe ɖe wo ŋu le Eƒe ɣeyiɣi ɖoɖi dzi.
-
-
Yehowa Wɔ Ŋkɔ Nyui aɖe na EɖokuiYesaya ƒe Nyagblɔɖi—Enye Kekeli na Ameƒomea Katã II
-
-
b Ate ŋu anye be nyagbɔgblɔ “amesiwo mexɔ na ƒe ƒe” la kee nye ɣeɣiɣi si woyɔ be “hlɔ̃biagbe” la. De dzesi alesi wozã nyagbɔgblɔ mawo tɔgbe le nya si ɖi esia me le Yesaya 34:8.
-