Nu Kae Nàwɔ Le Ƒe Si Me Ku Ði?

Kadodo kplikplikpli le xɔse kple kakaɖedzi dome. Le kpɔɖeŋu me, ne míexɔ Yehowa dzi se vevie la, ana míaka ɖe edzi be akpɔ mía ta eye wòalé be na mí. (Ps 23:1, 4; 78:22) Esi nuɖoanyi sia ƒe nuwuwu le aƒe tum ta la, míenya be Satana ƒe amedzidzedzea anɔ fievo dom ɖe edzi. (Nyɖ 12:12) Nu kae akpe ɖe mía ŋu?

MIKPƆ VIDEO SI NYE NU KAE NÀWƆ LE ƑE SI ME KU ÐI? EYOME MIAÐO BIABIA SIAWO ŊU:

1. Mɔ ka nue míele abe “ati” si ŋu woƒo nu tsoe le Yeremiya 17:8 ene le?

2. “Dzoxɔxɔ” siwo vana la dometɔ aɖee nye ka?

3. Nu kae dzɔ ɖe ‘atia’ dzi, eye nu ka tae?

4. Míaƒe nu ka domee Satana di be yeagblẽ?

5. Mɔ ka nue míele abe ame siwo ɖoa yameʋu zi geɖe ene le?

6. Nu ka tae wòle be míayi edzi aka ɖe kluvi nuteƒewɔla kple aɖaŋudzela la dzi, eye aleke woado ale si míeka ɖe edzii la akpɔe?

7. Nu ka tae wòle be míayi edzi aka ɖe Biblia ƒe mɔfiamewo dzi togbɔ be amewo aɖu fewu le mía ŋu hã?