-
Wò Subɔsubɔ Si Tso Luʋɔ Blibo Me Dzea Yehowa ŊuGbetakpɔxɔ—1997 | October 15
-
-
16. (a) Aleke wòdzɔe be Yesu va kpɔ ahosi dahe aɖe ƒe nudzɔdzɔ teƒe? (b) Ho nenie nye ahosia ƒe gakuawo?
16 Le ŋkeke ʋee aɖewo megbe, le Nisan 11 lia dzi la, Yesu nɔ gbedoxɔa me ŋkeke bliboa katã, afisi wobia nya tso eƒe ŋusẽ ŋu eye wòɖo biabia sesẽ siwo ku ɖe adzɔxexe, tsitretsitsi, kple nya bubuwo ŋu le. Ebu fɔ agbalẽfialawo kple Farisitɔwo elabena ‘womia ahosiwo ƒe aƒewo,’ tsɔ kpe ɖe nu bubu siwo wowɔna ŋu. (Marko 12:40) Azɔ Yesu nɔ anyi, edze ƒã be enɔ Nyɔnuwo ƒe Xɔxɔnu, afisi nudzɔɖaka 13 nɔna le Yudatɔwo ƒe kɔa nu. Enɔ afima sẽ henɔ ŋku lém ɖe nu ŋu esi amewo tsɔ woƒe nudzɔdzɔwo nɔ dadam ɖe eme. Kesinɔtɔ geɖe va, ɖewohĩ wo dometɔ ɖewo bua wo ɖokui ame dzɔdzɔewoe, eye wowɔnɛ be amewo nakpɔ yewo gɔ̃ hã. (Tsɔe sɔ kple Mateo 6:2.) Yesu ƒe ŋku va nɔ nyɔnu ɖeka aɖe koŋ ŋu. Amegbetɔ dzro mate ŋu akpɔ nu ɖedzesi aɖeke le nyɔnua alo eƒe nunanaa ŋu o. Gake Yesu si te ŋu nyaa nusi le ame bubuwo ƒe dzime la nya be “ahosi dahe” ye wònye. Enya ga home si tututu wòdzɔ hã—“lepta eve . . . siwo ƒe home enye hoka eve.”b—Marko 12:41, 42.
-
-
Wò Subɔsubɔ Si Tso Luʋɔ Blibo Me Dzea Yehowa ŊuGbetakpɔxɔ—1997 | October 15
-
-
b Gaku siawo dometɔ ɖesiaɖe nye lepta si nye Yudatɔwo ƒe gaku suetɔ kekeake si woɖuna ɣemaɣi. Lepta eve sɔ kple ŋkeke ɖeka ƒe fetu ƒe akpa 1/64. Le Mateo 10:29 ƒe nya nu la, ne Roma-gaku (si sɔ kple lepta enyi) le ame si la, ate ŋu aƒle atsutsurɔe eve, si nye xevi siwo ƒe asi bɔbɔ wu si ame dahewo tsɔ ɖaa nui. Eyata ahosi sia da ahe nyateƒe, elabena ga si ƒlea atsutsurɔe ɖeka la ƒe afã koe nɔ esi, si made nuɖuɖu zi ɖeka nu o.
-