3. Aleke nàwɔ akpɔ ɣeyiɣi atsɔ anɔ Biblia xlẽm?

Ðe wòsesẽna na wò be nàkpɔ ɣeyiɣi atsɔ anɔ Biblia xlẽma? Aleae wòle le mía dometɔ geɖe gome. Dze agbagba ‘nàwɔ wò ɣeyiɣi ŋu dɔ le mɔ nyuitɔ nu.’ (Efesotɔwo 5:16) Àte ŋu awɔ esia ne èɖo ɣeyiɣi aɖe koŋ ɖi na Biblia xexlẽ gbe sia gbe. Ame aɖewo ɖoe be yewoanɔ Biblia xlẽm ŋdi kanyaa. Ame bubuwo xlẽnɛ emegbe le ŋkekea me, ɖewohĩ le ŋdɔnuɖuɣiwo. Ame aɖewo hã xlẽa Biblia le zã me hafi mlɔa anyi. Ɣekaɣie asɔ na wò wu?

3. Na Biblia nafia mɔ wò

VIDEO: Na Biblia Me Gɔmeɖosewo Nafia Mɔ Wò (5:54)

• Nu kae nye tiatiawɔblɔɖe?

• Nu ka tae Yehowa na tiatiawɔwɔ ƒe ablɔɖe mí?

• Nu kae wòna mí be wòakpe ɖe mía ŋu míawɔ míaƒe tiatiawɔblɔɖea ŋu dɔ le mɔ nyuitɔ nu?

Mixlẽ Efesotɔwo 5:15, 16 be miakpɔ Biblia me gɔmeɖose aɖe. Eyome, midzro biabia siwo gbɔna me. Aleke nàte ŋu awɔ wò “ɣeyiɣi ŋu dɔ le mɔ nyuitɔ nu” ale be . . .

• nànɔ Biblia xlẽm edziedzi?

• nànye srɔ̃ŋutsu nyui alo srɔ̃nyɔnu nyui, dzila nyui, viŋutsu nyui alo vinyɔnu nyui?

• nànɔ hame ƒe kpekpewo dem?

2. Nu ka tae wòle vevie be míaɖɔ ŋu ɖo le ɣeyiɣi agbɔsɔsɔme si míezãna ɖe modzakaɖeɖe ŋu la gome?

Ne nu si míetia be míatsɔ aɖe modzaka la sɔ nyuie hã la, ehiã be míaɖɔ ŋu ɖo be míagazã ɣeyiɣi ɖe eŋu fũu akpa o. Ne menye nenema o la, míagakpɔ ɣeyiɣi ɖe nu siwo le vevie wu la ŋu o. Biblia de dzi ƒo na mí be ‘míawɔ míaƒe ɣeyiɣi ŋu dɔ le mɔ nyuitɔ nu.’—Xlẽ Efesotɔwo 5:15, 16.

4. Wɔ wò ɣeyiɣi ŋu dɔ nyuie

VIDEO: Nu Kawoe Xɔa Wò Ɣeyiɣi? (2:45)

• Le videoa me la, togbɔ be menye nu gbegblẽ aɖekee nɔviŋutsua kpɔna tsɔ ɖea modzakae o hã la, nu kae nye eƒe kuxia?

Mixlẽ Filipitɔwo 1:10, eye miadzro biabia sia me:

• Aleke mawunyakpukpui sia akpe ɖe mía ŋu míatso nya me le ɣeyiɣi agbɔsɔsɔme si míazã ɖe modzakaɖeɖe ŋu la ŋuti?