Ale Si Míaɖee Afia Be Míenye Nusrɔ̃la Vavãwo

1. Ne Kristotɔ vavã’o míenye la,

Ekema míaɖe lɔlɔ̃ ’fia.

Dziƒo fiasedede nyui sia tso;

Enana be míesrɔ̃a Kristo.

Lɔlɔ̃ vavã sia Kristo ɖe fia

Be wòtsɔ eƒe agbe na.

Mina míasrɔ̃ kpɔɖeŋu si wòɖo;

Míanye eƒe nusrɔ̃lawo.

2. Lɔlɔ̃ vavã nu metsina o;

Míaɖee afia ’me gbɔdzɔwo.

Míenyi lɔlɔ̃fe l’amewo ŋu,

Eya ta míakpe ɖe wo ŋu.

’Fi kae lɔlɔ̃ sia tɔgbi gale,

Tsɔ wu mía nɔviwo dome?

Mina míaka ɖe mía nɔviwo dzi;

Mina míazɔ lɔlɔ̃mɔa dzi.