Dzɔ Wò Dzi Ŋu

1. Dzɔ wò dzi ŋu wu nu’o katã;

Tsri nu vɔ̃ ɖe sia ɖe.

Mawu dzroa dzia me hekpɔna

Ame si koŋ míenye.

Dzi la ate ŋu able mí,

Ana be míatra mɔ.

’Ya ta tsɔ susua mla wò dzi,

Ne nànɔ Mawu gbɔ.

2. Dzra wò dzi ɖo nàdi Mawu

Nàdo gbe ɖa vevie.

Kafui ɣesiaɣi, da ’kpe nɛ,

Nàʋu wò dzi me nɛ.

Nu si’o Yehowa fiaa mí la,

Mina míawɔ wo dzi.

Míanye nuteƒewɔlawo

Aɖo toe ɣesiaɣi.

3. Ðe susu vɔ̃ ɖa le dzi me;

Susu nyateƒe ŋu.

Mawu ƒe Nya naʋã wò dzi

Ale be nàsẽ ŋu.

Míeka ɖe edzi be Mawu

Lɔ̃a nuteƒewɔla.

’Ya ta subɔe kple dzi blibo,

Nànye exɔlɔ̃ ɖaa.