Mawusubɔla Ƒe Gbedodoɖa

1. Mía Fofo Fiagã si le dziƒo,

Woakafu wò ŋkɔ gã yi mavɔ me.

Wò amenuvevewo li ɖaa.

Ɛ̃, woanɔ anyi tegbetegbee,

Ɛ̃, woanɔ anyi tegbee.

Wò’amenuveve li ɖaa.

2. Oo Mawu, na míalɔ̃ nyateƒea.

Kpe ɖe mía ŋu míawɔ wò lɔlɔ̃nu.

Wò sededewo ko dzi míawɔ,

Ne míadi wò alẽ xɔasiawo;

Ne míadi wò alẽawo,

Wò sedede’o dzi míawɔ.

3. Nunya si tso dziƒo dim míele;

Oo, ɖo to mí; lɔlɔ̃ nayɔ mía me.

Lɔlɔ̃, nublanuikpɔkpɔ míafia,

Akpe ɖ’ame’o ŋu woanya Mawu;

Akpe ɖe wo ŋu woanyae.

Lɔlɔ̃ vavãtɔ míafia.