Wò Ŋku Nenɔ Fetu La Dzi!

1. Ne ŋkunɔwo gakpɔ nu la,

’Ye tokunɔ’o gase nu la,

Esi gbegbe ƒo se nyuie la,

’Ye tɔʋu ŋɔ tso tagba la;

Ne xɔdrɔ̃’o ti kpo abe zi,

’Ye ku ƒe nugbegblẽ nu yi​—

Yayraɣi siawo nava kpɔ,

Ne wò ŋku le fetu la dzi.

2. Ne aɖetututɔ ƒo nu,

Ŋusẽ ɖo ame tsitsi ŋu,

Nuku bɔ ɖe anyigba dzi,

Nu nyuiwo le dzidzim ɖe ’dzi;

Ne ɖeviwo dzi ha vivi,

Dzidzɔ kple ŋutifafa li,

Àkpɔe woafɔ kukuawo hã,

Ne wò ŋku le fetu la dzi.

3. Amegãxi kple alẽvi,

Nyinɔ kpakple sisiblisi​—

Ŋutsuvi dzaa ye akplɔ wo,

Ðevi la ƒe gbe woaɖo to.

N’aɖatsiwo katã nu yi,

Vɔvɔ̃, vevesese nu yi;

Nunana nyui siawo nàkpɔ,

Ne wò ŋku le fetu la dzi.