Lɔlɔ̃ Ƒe Kpɔɖeŋu Si Mawu Ðo

1. Yehowa Mawu ɖo kpɔɖeŋu nyui ɖi

Si míasrɔ̃,

Si míasrɔ̃.

Lɔlɔ̃ kpɔɖeŋu, bene wòafia mɔ mí

Míanɔ egbɔ,

Míanɔ egbɔ.

Ɛ̃, mina míazɔ Mawu ƒe mɔ nyuia dzi;

Mɔ tɔxɛ wònye, eʋãa mí míewɔa nyui;

Enye mɔ si naa ŋutifafa nɔa ’nyi.

Enye lɔlɔ̃,

Mawu nye lɔlɔ̃.

2. Ne míezɔ mɔ sia, míalɔ̃ mía nɔviwo

Tso dzi me,

Tso dzi me.

Ɛ̃, míanɔ ŋudzɔ ahado ŋusẽ wo

Nu sia nu me,

Nu sia nu me.

Ana míatsɔ vodada suewo ake.

Míase veve ɖe wo nu tso dzi me ke.

Ekema míasrɔ̃ Mawu ƒe nɔnɔme;

Afia lɔlɔ̃,

Nɔviwo lɔlɔ̃.

3. Míelɔ̃ mía Mawu; míasubɔ eya ko

Ɣesiaɣi,

Ɣesiaɣi.

Eƒe sewo dzi míawɔ kple dzi blibo,

Adoe ɖe dzi,

Adoe ɖe dzi.

Na míado vevie subɔsubɔdɔ la;

Eƒe ŋkɔ gã la, mina míaɖe gbeƒã;

Míana amewo nakpɔ nyateƒe la;

’Yae nye lɔlɔ̃,

Lɔlɔ̃ vavãtɔ.