Ŋkeke Vevitɔ Kekeake Le Ŋutinya Me

Eyae nye ŋkeke si dzi Yesu Kristo ku. Nu ka tae Yesu ƒe ku le vevie nenema gbegbe ɖo? Susu geɖewo tae.

Ale si Yesu wɔ nuteƒe ɖa se ɖe ku me la ɖo kpe edzi be amegbetɔwo ate ŋu alé fɔmaɖimaɖi me ɖe asi le Mawu ŋkume.

Kristo ƒe ku la na mɔnukpɔkpɔ ameƒomea me tɔ aɖewo hã be woava zu eƒe hatidziɖulawo le dziƒo. Tsɔ kpe ɖe eŋu la, eʋu agbe tegbee nɔnɔ le paradiso me le anyigba dzi ƒe mɔnukpɔkpɔ ɖi na ame gbogbo bubu geɖewo.

Le zã si do ŋgɔ na eƒe ku me la, Yesu zã abolo maʋãmaʋã kple wain dzĩ tsɔ wɔ eƒe amegbetɔ ƒe agbe si wòatsɔ asa vɔ lɔlɔ̃tɔe la ƒe kpɔɖeŋu. Eye wògblɔ na eƒe nusrɔ̃lawo be: “Minɔ esia wɔm hena ŋkuɖoɖo dzinye.” (Luka 22:19) Ðe madzɔ dzi na wò be wò hã nàɖo ŋku wɔna vevi sia dzi oa?

Yehowa Ðasefowo le kpewòm lɔlɔ̃tɔe be nava wɔ ɖeka kple yewo le gomekpɔkpɔ le Yesu ƒe ku ƒe Ŋkuɖodziwɔnawo me me. Le ƒe sia me la, ŋkeke si dzi wɔna sia dzee nye Yawoɖa, April 9 lia, le ɣeɖoto megbe. Àte ŋu akpɔ gome le eme le Fiaɖuƒe Akpata si tsɔ gbɔwò wu me. Taflatsɛ, bia Yehowa Ðasefo siwo le miaƒe nutoa me ne woayɔ gamea kple teƒe si woawɔe le la na wò.