Nuteƒekpɔkpɔ

Se Veve Ðe Amewo Katã Nu

Gbe ɖeka nɔvinyɔnu aɖe si le New Zealand kpɔ video aɖe le jw.org. Le videoa mea, woƒo nu tso ale si Yehowa sea veve ɖe ame nu, eye wòwɔa nu ŋutɔŋutɔ hã tsɔ kpena ɖe wo ŋua ŋu. (Yes. 63:​7-9) Nɔvinyɔnua ɖoe be yeawɔ nu si yesrɔ̃ le videoa mea dzi akpe ɖe amewo ŋu. Esi wòyi asi me gbe ma gbea, edo go nyɔnu aƒemanɔsitɔ aɖe. Egblɔ na nyɔnua be yeava ƒle nu nɛ wòaɖu, eye nyɔnua lɔ̃. Esi nɔvinyɔnua tsɔ nuɖuɖua yi na nyɔnua la, eɖi ɖase nɛ tso Yehowa ŋu eye wòtsɔ trakt si ƒe tanyae nye Ðe Fukpekpewo Nu Ava Yia? nɛ.

Enumake nyɔnua wo avi. Egblɔ be wohe ye le nyateƒea me, gake yedo le nyateƒea me ƒe geɖee nye esia. Egblɔ hã be nyitsɔ laa koe yete gbedodoɖa na Yehowa be wòakpe ɖe ye ŋu yeatrɔ ava egbɔ. Nɔvinyɔnua tsɔ Biblia nɛ eye wòwɔ ɖoɖo be yeava nɔ Biblia srɔ̃m kplii.a

Míate ŋu asrɔ̃ Yehowa ase veve ɖe míaƒe ƒometɔwo, nɔvi siwo le hamea me kple ame bubuwo hã nu. Eye míate ŋu aɖee afia be míesea veve ɖe ame nu ne míewɔa mɔnukpɔkpɔ ɖe sia ɖe ŋu dɔ ɖea gbeƒã na amewo.