Dzra Wò Dzi Ðo

Ne míele Biblia srɔ̃m la, míedi be míanya Yehowa ƒe susu eye míana wòakpɔ ŋusẽ ɖe ame si míenye le ememe la dzi. Ezra ɖo kpɔɖeŋu nyui le esia me. “[Edzra] eƒe dzi ɖo, ne wòadzro Yehowa ƒe Se la me.” (Ezra 7:10) Aleke nàwɔ adzra wò dzi ɖo?

Do gbe ɖa. Hafi nàdze nusɔsrɔ̃ ɖe sia ɖe gɔme la, do gbe ɖa. Bia Yehowa be wòakpe ɖe ŋuwò nàse nu siwo nàsrɔ̃ la gɔme ahawɔ ɖe wo dzi.—Ps. 119:​18, 34.

Bɔbɔ ɖokuiwò. Mawu ɣlaa nyateƒea ɖe dadalawo; wosusuna be yewomehiã Mawu ƒe kpekpeɖeŋu hafi ase Biblia la gɔme o. (Luka 10:21) Meganye wò taɖodzinu be yeaku nu me atsɔ aɖee afia amewo be yenya nu geɖe o. Ne ède dzesii le wò nusɔsrɔ̃a me be ehiã be yeawɔ tɔtrɔ aɖewo la, lɔ̃ faa nàwɔe.

Àte ŋu ase Fiaɖuƒeha aɖe. Ha wɔa dɔ ɖe mía dzi. Eya ta ne míeɖo to Fiaɖuƒeha aɖe hafi srɔ̃ nu la, ana míaƒe susu naku ɖe Yehowa ŋu si awɔe be nu si míasrɔ̃ nakpɔ ŋusẽ ɖe mía dzi.