Job

 2 “Ubaha nte ẹkpedomode ofụri iyatesịt+ mi,

Nte mmọ ẹkpenyụn̄ ẹdoride afanikọn̄ mi ke udomon̄kpọ ke ukem ini oro!

 3 Koro, ke emi, enye omodobi akan ntan inyan̄.

Ntak edi oro ikọ emi ntịn̄de edide ikọ ibụmede.+

 4 Koro mme idan̄ Ata Ọkpọsọn̄ ẹdude ye ami,+

Emi spirit mi ọn̄wọn̄de ifọt mmọ;+

Ọkpọsọn̄ ndịk emi otode Abasi emenyen̄e mi.+

 5 Nte zebra+ esiseme ke ini atade mbiet,

Mîdịghe nte ayara enan̄ esimai ke ini adiade udia esie?

 6 Nte ẹkeme ndidia ibe udia emi owo mîsịnke inụn̄,

Mîdịghe nte inem odu ke udọt udọt mmọn̄ mfri?

 7 Ukpọn̄ mi emesịn nditụk n̄kpọ ekededi.

Mmọ ẹtie nte udọn̄ọ ke udia mi.

 8 Ubaha nte n̄kpenyenede se mben̄ede

Nte Abasi okponyụn̄ ọnọde mi se ndoride enyịn!

 9 Nte Abasi okponyụn̄ anuakde mi,

Nte enye okposiode ubọk esie esịbe mi efep!+

10 Enye okposụk ededi ndọn̄esịt mi;

Ndien ami n̄kpọfrọ ke idatesịt+ mban̄a ọkpọsọn̄ ubiak mi,

Okposụkedi enye mîdituaha mbọm, koro ami mmendịpke ikọ+ Enye emi edide Edisana.+

11 Nda odudu ke m̀mọ̀n̄, emi n̄kpakade iso mbet?+

Utịt mi onyụn̄ edi nso emi n̄kpanamde ukpọn̄ mi odu ebịghi?

12 Nte odudu mi edi odudu itiat?

Mîdịghe nte obụkidem mi edi okpoho?

13 Ndi ọwọrọ ke ami n̄kemeke ndin̄wam idemmi,

Nte nnyụn̄ n̄kemeke ndinam eti utom ndomokiet?

14 Amaedi owo eke esịnde ndiwụt ekemmọ owo ima-mfọnido,+

Enye n̄ko eyetre ndibak Ata Ọkpọsọn̄.+

15 Nditọete mi ẹmenam n̄kpọ ye ami ke abian̄a,+ kpa nte akpa mmọn̄,

Kpa nte udiọn̄ mmọn̄ emi ewetde ebe.

16 Ice anam mmọ ẹbre,

Snow edịbe mmọ ke esịt.

17 Ke edikem ini mmọn̄ mmọ asat,+ ẹmenam mmọ ẹdobo;

Ke ini eyo ofiopde, mmọ ẹsat ke ọtọ mmọ.+

18 Afan̄ mmọ etie n̄wọn̄ọde n̄wọn̄ọde;

Mmọ ẹdọk ẹka ukpọk ebiet ẹnyụn̄ ẹtak.

19 Otu mbonisan̄ Tema+ ẹmese,

Udịm mbonisan̄ Sheba+ ẹmebet mmọ.

20 Mmọ ẹkop bụt koro mmọ ẹkebuọtde idem;

Mmọ ẹsan̄a tutu ẹdisịm do ẹnyụn̄ ẹkụt edikpu.+

21 Ke emi mbufo iwọrọke n̄kpọ ndomokiet;+

Mbufo ẹmekụt n̄kpọndịk, ndien ndịk anam mbufo.+

22 Ndi edi koro ndọhọde, ‘Mbufo ẹnọ mi n̄kpọ,

Mîdịghe ẹda ndusụk odudu mbufo ẹnọ enọ ke ibuot mi;

23 Ndien ẹnyan̄a mi ẹsio asua ke ubọk,+

Mbufo ẹnyụn̄ ẹfak mi ẹsio mbon ufịk ke ubọk’?+

24 Mbufo ẹteme mi, ndien, ami nyodop uyo;+

Ẹnyụn̄ ẹnam mi mfiọk ndudue eke ami nnamde.+

25 Ikọ edinen ido—Ikam ibiakke-biak!+

Edi nsuannọ emi mbufo ẹnọde, ẹsua ẹnọ nso?+

26 Ndi ikọ mi ke mbufo ẹduak ndisua nnọ,

Ke ini ikọ owo nnanenyịn+ ọduọn̄ọde ke ofụm?+

27 Adan̄a didie ke mbufo edisịn afia ẹban̄a eyenakpa,+

Ẹnyụn̄ ẹmụm nsan̄a mbufo ẹkpụhọ ẹbọ n̄kpọ!+

28 Ndien, ke emi, mbufo ẹkpan̄ utọn̄ ẹnọ mi,

Ẹnyụn̄ ẹse m̀mê nyosu nsu+ ke iso mbufo.

29 Mbọk mbufo ẹfiak ẹkere—ẹkûyak ukwan̄ido odu—

Ih, ẹfiak ẹkere—edinen ido mi ke osụk ododu.+

30 Ndi ukwan̄n̄kpọ odu mi ke edeme,

Mîdịghe nte nsịn̄ mi ifiọkke afanikọn̄?