Ecclesiastes
5 Kpeme ikpat fo+ ini ekededi emi akade ufọk ata Abasi; ndien san̄a kpere man okop,+ utu ke ndiwa uwa nte mme ndisịme owo ẹwade,+ koro mmọ mîfiọkke ite ke mmimọ imanam idiọk.+
2 Kûyak inua fo awara nditịn̄ ikọ; ndien amaedi esịt fo,+ kûyak enye awara ndisio ikọ ntịn̄ ke iso ata Abasi.+ Koro ata Abasi odude ke heaven,+ edi afo odu ke isọn̄. Ntak edi oro ikọ fo ekpedide esisịt.+ 3 Koro uwak utom adade ndap edi,+ uwak ikọ onyụn̄ anam owo etịn̄ ndisịme.+ 4 Ini ekededi emi afo akan̄ade akan̄a ọnọ Abasi, kûbịghi ndisio enye,+ koro mme ndisịme owo mînemke enye esịt.+ Sio se afo akan̄ade.+ 5 Ọfọn nditre ndikan̄a+ akan ndikan̄a edi usioho.+ 6 Kûyak inua fo esịn obụkidem fo edue,+ kûnyụn̄ udọhọ ke iso angel+ ete ke ekedi ndudue.+ Ntak emi ata Abasi akpayatde esịt ke uyo fo onyụn̄ abiat utom ubọk fo?+ 7 Koro uwak utom adade ndap edi,+ mme ikpîkpu n̄kpọ ye uwak ikọ ẹnyụn̄ ẹdu. Edi bak ata Abasi.+
8 Edieke okụtde nte ẹfịkde ubuene ẹnyụn̄ ẹdade afai ẹyụrọde ikpe+ ye se inende ke ikpehe obio ukara, kûyak n̄kpọ emi akpa fi idem,+ koro enye emi okon̄de akan akwa owo emi+ ke ese,+ ndien odu mbon oro ẹkon̄de ẹkan mmọ.
9 N̄ko, udori isọn̄ enyene mmọ kpukpru;+ koro ẹdade n̄kpọ ke in̄wan̄ ẹnọ edidem.+
10 Owo emi amade silver idiyụhọke ye silver, okụk inyụn̄ iyụhọke owo emi amade inyene.+ Emi n̄ko edi ikpîkpu.+
11 Ke ini nti n̄kpọ ẹwakde, mbon emi ẹdiade mmọ ẹnyụn̄ ẹwak.+ Ndien nso ufọn ke emi enyene ọnọ akwa andinyene mmọ ke mîbọhọke ndisụk nsese mmọ ke enyịn?+
12 Idap owo emi asan̄ade utom enenem,+ inamke n̄kpọ m̀mê enye adia esisịt m̀mê adia ediwak; edi uwak n̄kpọ emi owo inyene enyenede iyakke enye ede idap.
13 Odu akamba afanikọn̄ emi ami n̄kụtde ke idak utịn: nte ẹbonde inyene ẹnọ akwa andinyene mmọ tutu ẹsịn enye ke afanikọn̄.+ 14 Ndien inyene oro atak+ ke ntak utom afanikọn̄, enye onyụn̄ obon eyen ke adan̄aemi n̄kpọ ndomokiet mîdụhe enye ke ubọk.+
15 Nte owo okotode idịbi eka esie ọwọrọ, kpa ntre ke enye edisan̄a iferi afiak,+ kpasụk nte enye okotode edi; owo inyụn̄ ikemeke ndida baba n̄kpọ kiet n̄kama ke ubọk esie nnyọn̄+ ke kpukpru ọkpọsọn̄ utom esie.
16 Ndien emi n̄ko edi akamba afanikọn̄: kpa nte owo okotode edi, ntre ke enye edinyọn̄; ndien nso udori odu ke owo ndisịn idem nnam utom nnọ ofụm?+ 17 N̄ko, ke kpukpru usen esie enye adia n̄kpọ ke ekịm, ye akwa afanikọn̄,+ ye udọn̄ọ ye iyatesịt.
18 Sese! Mfọnn̄kan n̄kpọ emi ami n̄kụtde, emi eyede, edi owo ndidia nnyụn̄ n̄n̄wọn̄ nnyụn̄ n̄kụt se ifọnde ke kpukpru ọkpọsọn̄ utom esie+ emi enye anamde ke idak utịn ke ofụri usen uwem emi ata Abasi ọnọde enye, koro udeme esie edi oro. 19 Ndien owo ekededi emi ata Abasi ọnọde inyene ye n̄kpọ obụkidem,+ Enye ọnọ enye n̄ko odudu ndidia nto emi+ nnyụn̄ nda udeme esie nnyụn̄ ndat esịt ke ọkpọsọn̄ utom esie.+ Emi edi enọ Abasi.+ 20 Ndien enye idiwakke nditi mme usen uwem esie, koro ata Abasi anamde esịt esie ọyọhọ ye idara.+