Ecclesiastes
9 Koro n̄ketiede n̄kere kpukpru emi ke esịt mi,+ nnyụn̄ ndụn̄ọde kpukpru n̄kpọ emi n̄kụt, nte ke ndinen owo ye mbon ọniọn̄ ye utom mmọ ẹdu ke ubọk ata Abasi.+ Ubonowo inyụn̄ ifiọkke kpukpru ima m̀mê usua emi ẹkebemde mmọ iso ẹdu.+ 2 Kpukpru ẹdi ukem ke se mmọ ẹnyenede.+ Unọmọ+ kiet ọnọmọ edinen owo+ ye idiọkowo,+ eti owo ye edisana owo ye ndedehe owo, ye owo emi awade uwa ye owo emi mîwaha uwa. Se iwọrọde eti owo ọwọrọ anamidiọk;+ se iwọrọde owo emi adade un̄wọn̄ọ ọwọrọ owo ekededi emi efehede ndida un̄wọn̄ọ.+ 3 Se idide afanikọn̄ ke kpukpru se ẹnamde ke idak utịn edi emi, nte ke sia unọmọ kiet ọnọmọde kpukpru owo,+ esịt nditọ owo ọyọhọ n̄ko ye idiọk;+ ndien idat+ odu mmọ ke esịt ke ofụri eyouwem mmọ, ndien ke oro ebede—mmọ ẹkpan̄a!+
4 Koro amaedi owo ekededi emi odude ke otu kpukpru mme odu-uwem, idotenyịn odu, koro odu-uwem ebua+ ọfọn akan okpo ekpe.+ 5 Koro mme odu-uwem ẹfiọkde ẹte ke mmimọ iyakpa;+ edi amaedi mme akpan̄kpa, mmọ ifiọkke baba n̄kpọ kiet,+ mmọ inyụn̄ inyeneke aba utịp, koro ẹfrede se ẹkpedade ẹti mmọ.+ 6 N̄ko, ima mmọ ye usua mmọ ye ufụp mmọ ẹmetak,+ mmọ inyụn̄ inyeneke aba udeme ke nsinsi ke n̄kpọ ekededi emi ẹnamde ke idak utịn.+
7 Ka, kadia udia fo ye idatesịt nyụn̄ n̄wọn̄ wine ye inemesịt,+ koro ata Abasi omokop inemesịt aban̄a mme utom fo.+ 8 Yak ọfọn̄ fo edi afia* kpukpru ini,+ kûnyụn̄ uyak aran anana fi ke ibuot.+ 9 Dia uwem ye n̄wanndọ fo emi afo amade+ ke ofụri usen ikpîkpu uwem fo emi Enye ọnọde fi ke idak utịn, kpa kpukpru usen ikpîkpu uwem fo, koro emi edide udeme fo ke uwem+ ye ke ọkpọsọn̄ utom emi afo esịnde idem anam ke idak utịn. 10 Nam kpukpru se ubọk fo okụtde ndinam ke ofụri odudu fo,+ koro baba utom, baba uduak, baba ifiọk,+ baba ọniọn̄+ mîdụhe ke Udi,*+ kpa ebiet emi afo akade.+
11 Ndien n̄wọn̄ọde n̄kụt ke idak utịn nte ke idịghe mme ọsọp-itọk ẹkan ke mbuba,+ inyụn̄ idịghe n̄kpọsọn̄ owo ẹkan ke ekọn̄,+ inyụn̄ idịghe mbon ọniọn̄ ẹnyene udia,+ inyụn̄ idịghe mme asian ẹnyene inyene,+ inyụn̄ idịghe mbon emi ẹnyenede ifiọk ẹkụt mfọn;+ koro ini ye n̄kpọntịbe unana idotenyịn ẹsịmde mmọ kpukpru.+ 12 Koro owo+ n̄ko mîfiọkke ini esie.+ Kpa nte ẹmụmde iyak ke iyịre nsobo,+ ye nte mme inuen eke ẹmụmde ke afia,+ ntre ke nditọ owo ẹyịre ke afia ke ini afanikọn̄,+ ke ini enye abuatde mmọ.+
13 N̄kụt emi n̄ko mban̄a ọniọn̄ ke idak utịn—ndien emi edi akwa n̄kpọ ọnọ mi: 14 Ekpri obio kiet ama odu, ndien ibat ibat owo ẹkedu ke esịt; ndien akwa edidem kiet odụk edi, edikan enye okụk onyụn̄ ọbọp n̄kpọsọn̄ ebiet ke esịt.+ 15 Owo kiet ama odu ke obio oro, emi ekedide ubuene edi enyene ọniọn̄, enye onyụn̄ ada ọniọn̄ esie anyan̄a obio oro.+ Edi baba owo kiet itịghi ubuene emi.+ 16 Ndien ami ndọhọ nte: “Ọniọn̄ ọfọn akan odudu;+ edi ẹse ọniọn̄ ubuene oro ke ndek, owo inyụn̄ ikpan̄ke utọn̄ inọ ikọ esie.”+
17 Ọfọn ndikop sụn̄sụn̄ ikọ mbon ọniọn̄+ akan ndikop mfiori owo emi akarade ke otu mbon ndisịme.+
18 Ọniọn̄ ọfọn akan n̄kpọ en̄wan, ndien anamidiọk kiet ekeme ndibiat ekese nti n̄kpọ.+