Ikwọ Solomon
4 “Sese! Afo emeye,+ O ufan mi an̄wan. Sese! Afo emeye. Enyịn fo ẹbiet enyịn ibiom,+ ke ufụkiso+ fo. Idet fo ebiet udịm ebot+ emi ẹtode obot obot ikpehe Gilead+ ẹsụhọde. 2 Edet fo ẹbiet otu uman erọn̄+ emi ẹfatde idet obufa, eke ẹtode ebiet uyere mmọn̄ ẹdọk, emi kpukpru mmọ ẹmande nditọ iba iba, emi baba kiet ke otu mmọ mîduọkke nditọ esie. 3 N̄kpọkinua fo ẹbiet ididuot urụk, ikọ inua fo onyụn̄ enem.+ Mban̄ fo ke ufụkiso fo ebiet ubak pomegranate.+ 4 Itọn̄+ fo ebiet tọwa+ David, emi ẹdade itiat ẹbọp, emi otuekọn̄ tọsịn kiet ẹkọn̄ọde ke enye, kpukpru ekara otuekọn̄+ n̄kpọsọn̄ owo. 5 Eba+ fo mbiba ẹbiet nditọ uman akan̄ iba, amanamba, emi ẹtade ikọn̄ ke otu ekpon̄idịm.”+
6 “Tutu eyo osụhọde,+ mbukpọn̄ onyụn̄ osop, ami nyaka akamba obot myrrh ye ekpri obot frankincense.”+
7 “Afo emeye ke kpukpru usụn̄,+ O ufan mi an̄wan, unyụn̄ unyeneke ndo baba kiet ke idem.+ 8 Tiene mi to Lebanon sụhọde, O n̄wanndọ+ mi, tiene mi to Lebanon+ sụhọde. Sụhọde ke etịn̄e obot Amana, ke etịn̄e obot Senir,+ ye Hermon,+ ke mme aba ekpe, ke mme obot mme anawụri ekpe. 9 Afo amanam esịt ebre mi, O eyeneka mi an̄wan,+ n̄wanndọ+ mi, enyịn fo kiet ye mbana n̄kpọitọn̄ fo kiet ẹnam esịt ebre mi.+ 10 Ima fo enem didie ntem,+ O eyeneka mi an̄wan, n̄wanndọ mi! Ima fo enem didie ntem akan wine, ufuọn̄ aran fo onyụn̄ enem didie ntem akan kpukpru orụk ufuọn̄n̄kpọ!+ 11 N̄kpọkinua fo ẹtọi obukpa ọkwọk,+ O n̄wanndọ mi. Aranọkwọk+ ye mmọn̄eba ẹdu fi ke idak edeme, ndien ufuọn̄ ọfọn̄ fo ebiet ufuọn̄+ Lebanon. 12 Eyeneka mi an̄wan,+ n̄wanndọ mi, etie nte in̄wan̄ emi ẹsịnde ọkọ ẹkanade, nte idịm emi ẹkwide. 13 Ikpaidem fo ebiet ediye in̄wan̄ pomegranate, emi enyenede ata nti mfri,+ eto henna ọkọrọ ye eto spikenard;+ 14 spikenard+ ye saffron,+ edifuọn̄ cane+ ye cinnamon,+ ọkọrọ ye kpukpru orụk eto frankincense, myrrh ye aloe,+ ọkọrọ ye kpukpru ata nti ufuọn̄n̄kpọ;+ 15 ye idịm in̄wan̄, obube eti mmọn̄,+ ye mme idịm emi ẹwetde ẹto Lebanon.+ 16 Demede, O ofụm edere, dụk di, O ofụm usụk.+ Fụme ke in̄wan̄ mi.+ Yak ufuọn̄ esie asuana.”
“Yak ama mi odụk edi in̄wan̄ esie, edidia ata nti mfri.”