Mme Ibuotikọ Bible Ndida Nnyene Nneme

(oto Edikabade Eke Obufa Ererimbot)

1. Abasi-Ita-ke-Kiet

A. Abasi, Ete, Owo kiet, akakan ke ekondo

Abasi idịghe owo ita. De 6:4; Mal 2:10; Mr 10:18; Ro 3:29, 30

Ẹkebobot Eyen; Abasi ikpọn̄ okodu mbemiso. Edi 3:14; Col 1:15; Isa 44:6

Abasi edi andikara ekondo kpukpru ini. Php 2:5, 6; Da 4:35

Ẹnyene ndimenede Abasi okon̄ akan kpukpru owo. Php 2:10, 11

B. Ete okpon akan Eyen mbemiso ye ke ama ekedi isọn̄

Eyen ama osụk ibuot ke heaven, Ete okosio ọdọn̄. Joh 8:42; 12:49

Ama osụk ibuot ke isọn̄, Ete okpon akan enye. Joh 14:28; 5:19; Heb 5:8

Ẹma ẹmenede enye itie ke heaven, osụk ododu ke idak Ete. Php 2:9; 1Co 15:28; Mt 20:23

Jehovah edi ibuot ye Abasi ọnọ Christ. 1Co 11:3; Joh 20:17; Edi 1:6

C. Nte Abasi ye Christ ẹdide kiet

Ẹdu ke ọyọhọ n̄kemuyo kpukpru ini. Joh 8:28, 29; 14:10

Edi kiet, ukem nte ebe ye n̄wan. Joh 10:30; Mt 19:4-6

Ana kpukpru mme andinịm ke akpanikọ ẹdi kiet ukem ntre. Joh 17:20-22; 1Co 1:10

Usụn̄ kiet odu ndituak ibuot nnọ Jehovah ebe ke Christ ke nsinsi. Joh 4:23, 24

D. Edisana spirit Abasi edi anamutom odudu esie

Edi odudu, idịghe owo. Mt 3:16; Joh 20:22; Ut 2:4, 17, 33

Idịghe owo emi odude ke heaven ye Abasi ye Christ. Ut 7:55, 56; Edi 7:10

Abasi ada enye anam mme uduak esie. Ps 104:30; 1Co 12:4-11

Mbon oro ẹnamde n̄kpọ Abasi ẹbọ, enye ada mmọ usụn̄. 1Co 2:12, 13; Ga 5:16

2. Akam

A. Mme akam emi Abasi okopde

Abasi esikpan̄ utọn̄ ke akam owo. Ps 145:18; 1Pe 3:12

Ikopke eke mme idiọkowo ibọhọke ẹkpụhọde usụn̄ uwem mmọ. Isa 1:15-17

Ana ẹbọn̄ ke enyịn̄ Jesus. Joh 14:13, 14; 2Co 1:20

Ana ẹbọn̄ ke n̄kemuyo ye uduak Abasi. 1Jo 5:14, 15

Mbuọtidem edi akpan n̄kpọ. Jas 1:6-8

B. Ikpîkpu editịn̄ mfiak ntịn̄, mme akam ẹbọn̄de ẹnọ Mary m̀mê “ndisana owo” inyeneke ufọn

Ana ẹbọn̄ akam ẹnọ Abasi ke enyịn̄ Jesus. Joh 14:6, 14; 16:23, 24

Idikopke ikọ oro ẹtịn̄de ẹfiak ẹtịn̄. Mt 6:7

3. Akan̄a

A. Inịmke akan̄a inọ owo

Uduak Abasi iditreke ndisu. Isa 55:11; Ge 1:28

Ẹnọ owo kiet kiet ifet ndimek ndinam n̄kpọ Abasi. Joh 3:16; Php 2:12

4. Armageddon

A. Ekọn̄ Abasi ndida ntre idiọkido

Ẹtan̄ mme idụt ẹbon ẹnọ Armageddon. Edi 16:14, 16

Abasi edi andin̄wana, ada Eyen ye mme angel an̄wana. 2Th 1:6-9; Edi 19:11-16

Nte nnyịn ikemede ndibọhọ. Zep 2:2, 3; Edi 7:14

B. Ibiatke ima Abasi

Ererimbot abiara ebe nde. 2Ti 3:1-5

Abasi eme ime, edi unenikpe oyom ẹnam n̄kpọ. 2Pe 3:9, 15; Lu 18:7, 8

Ana mme idiọkowo ẹbe ẹfep man n̄kpọ ọfọn ye ndinen owo. N̄ke 21:18; Edi 11:18

5. Asan̄autom

A. Ana kpukpru mme Christian ẹdi mme asan̄autom

Jesus ekedi asan̄autom Abasi. Ro 15:8, 9; Mt 20:28

Mme Christian ẹtiene uwụtn̄kpọ esie. 1Pe 2:21; 1Co 11:1

Ana ẹkwọrọ ikọ man ẹnam utom mmọ ẹma. 2Ti 4:2, 5; 1Co 9:16

B. Mme n̄kpọ oro ẹnamde owo odot ndikwọrọ ikọ

Spirit Abasi ye ifiọk Ikọ esie. 2Ti 2:15; Isa 61:1-3

Nditiene uwụtn̄kpọ Christ ke ndikwọrọ ikọ. 1Pe 2:21; 2Ti 4:2, 5

Abasi ada spirit ye esop ọnọ ukpep. Joh 14:26; 2Co 3:1-3

6. Baptism

A. Se ẹyomde ẹto Christian

Jesus ekenịm uwụtn̄kpọ. Mt 3:13-15; Heb 10:7

Idiọn̄ọ edikan̄ idem m̀mê ediyak idem nnọ. Mt 16:24; 1Pe 3:21

Enyene sụk mbon oro ẹkponide ẹkem se ẹnọde ukpep. Mt 28:19, 20; Ut 2:41

Edibụhọ ke mmọn̄ edi nnennen usụn̄. Ut 8:38, 39; Joh 3:23

B. Iyetke idiọkn̄kpọ ifep

Jesus ikanaha baptism man eyet idiọkn̄kpọ efep. 1Pe 2:22; 3:18

Iyịp Jesus eyet idiọkn̄kpọ efep. 1Jo 1:7

7. Bible

A. Ẹda odudu spirit ẹwet Ikọ Abasi

Spirit Abasi okonụk mme owo ẹwet. 2Pe 1:20, 21

Ọdọn̄ọ ntịn̄nnịm ikọ: Da 8:5, 6, 20-22; Lu 21:5, 6, 20-22; Isa 45:1-4

Ẹda odudu spirit ẹwet ofụri Bible onyụn̄ enyene ufọn. 2Ti 3:16, 17; Ro 15:4

B. Edi eti ndausụn̄ ọnọ eyo nnyịn

Ndifụmi mme edumbet Bible ada esịm n̄kpa. Ro 1:28-32

Ọniọn̄ owo imenke udomo ye enye. 1Co 1:21, 25; 1Ti 6:20

Ekpeme ọbiọn̄ọ ata ọkpọsọn̄ asua. Eph 6:11, 12, 17

Ada owo asan̄a ke nnennen usụn̄. Ps 119:105; 2Pe 1:19; N̄ke 3:5, 6

C. Ẹkewet ẹnọ mme owo eke kpukpru idụt ye orụk

Ediwet Bible ọkọtọn̄ọ ke Edem Usiahautịn. Ex 17:14; 24:12, 16; 34:27

Edi enọ Abasi inyeneke mfiaowo kpọt. Ro 10:11-13; Ga 3:28

Abasi enyenyịme kpukpru orụk owo. Ut 10:34, 35; Ro 5:18; Edi 7:9, 10

8. Cross

A. Ẹkekọn̄ Jesus ke eto uwotowo nte n̄kpọ esuene

Ẹkekọn̄ Jesus ke eto uwotowo. Ut 5:30; 10:39; Ga 3:13

Ana mme Christian ẹbiom eto nte esuene. Mt 10:38; Lu 9:23

B. Owo inyeneke ndituak ibuot nnọ

Ndiwụt eto Jesus edi esuene. Heb 6:6; Mt 27:41, 42

Edikama cross ke utuakibuot edi ukpono ndem. Ex 20:4, 5; Jer 10:3-5

Jesus edi spirit, ikọn̄ọke aba ke eto. 1Ti 3:16; 1Pe 3:18

9. Devil, Mme Demon

A. Devil edi owo eke spirit

Idịghe idiọkn̄kpọ emi odude owo ke esịtidem edi edi owo eke spirit. 2Ti 2:26

Devil edi owo eke spirit ukem nte mme angel. Mt 4:1, 11; Job 1:6

Akanam idemesie Devil oto ke idiọk udọn̄. Jas 1:13-15

B. Devil edi andikara ererimbot oro enyịn mîkwe

Ererimbot odu ke idak ukara esie nte abasi. 2Co 4:4; 1Jo 5:19; Edi 12:9

Ẹyak enye odu tutu ẹbiere eneni. Ex 9:16; Joh 12:31

Ẹyesịn ke editụn̄ọ ukpe, ekem ẹsobo. Edi 20:2, 3, 10

C. Mme demon ẹdi mme ọsọn̄ibuot angel

Ẹma ẹdiana ye Satan mbemiso Ukwọ. Ge 6:1, 2; 1Pe 3:19, 20

Ẹsụhọrede itie, ẹsịbe ẹkpọn̄ kpukpru un̄wana. 2Pe 2:4; Jude 6

Ẹn̄wana ye Abasi, ẹfịk ubonowo. Lu 8:27-29; Edi 16:13, 14

Ẹyesobo mmọ ye Satan. Mt 25:41; Lu 8:31; Edi 20:2, 3, 10

10. Edibotn̄kpọ

A. Enyịme ye ifiọk ntaifiọk oro enyenede nsọn̄ọ; owụt ke edito ke unam mforo owo edi nsu

Ifiọk ntaifiọk enyịme ye ndutịm ubot n̄kpọ. Ge 1:11, 12, 21, 24, 25

Ibet Abasi aban̄ade “orụk” edi akpanikọ. Ge 1:11, 12; Jas 3:12

B. Mme usen ubot n̄kpọ idịghe mme usen ẹdide hour 24

“Usen” ekeme ndiwọrọ ikpehe ini. Ge 2:4

Ke enyịn Abasi usen ekeme ndidi anyan ini. Ps 90:4; 2Pe 3:8

11. Edifiak Ndi Christ

A. Edifiak ndi edi se owo mîkwe ke enyịn

Ama asian mme mbet ke ererimbot idikwe imọ aba. Joh 14:19

Mme mbet kpọt ẹkekụt edidọk; edifiak ndi edidi ukem ntre. Ut 1:6, 10, 11

Odu ke heaven, spirit emi enyịn mîkwe. 1Ti 6:14-16; Heb 1:3

Afiak edi ke odudu Obio Ubọn̄ heaven. Da 7:13, 14

B. Ẹda mme n̄kpọ oro ẹkụtde ke enyịn ẹdiọn̄ọ

Mme mbet ẹma ẹyom idiọn̄ọ edidu esie. Mt 24:3

Mme Christian ẹda enyịn ikike “ẹkụt” edidu esie. Eph 1:18

Ediwak n̄kpọntịbe ẹnam uyarade edidu esie. Lu 21:10, 11

Mme asua “ẹkụt” nte nsobo adade mmọ. Edi 1:7

12. Edinọ Ikọ Ntiense

A. Ana kpukpru Christian ẹnọ ikọ ntiense, ẹtan̄a eti mbụk

Ana ẹnyịme Jesus ke iso owo man ẹnyịme mmọ. Mt 10:32

Ana ẹdi mme anam ikọ, ẹbuọt idem. Jas 1:22-24; 2:24

Mbufa owo n̄ko ẹnyene ndikabade ndi mme andikpep. Mt 28:19, 20

Ndida inua ntan̄a an̄wan̄wa ada esịm edinyan̄a. Ro 10:10

B. Oyom ẹwaha ndien ndien, ẹka iso ẹnọ ikọ ntiense

Ana ẹnọ ntọt ẹban̄a utịt. Mt 24:14

Jeremiah ama ọnọ ntọt aban̄a utịt Jerusalem ke ediwak isua. Jer 25:3

Ukem nte akpa mme Christian, nnyịn ikemeke nditre. Ut 4:18-20; 5:28, 29

C. Ana ẹnọ ikọ ntiense man ẹbọhọ ubiomikpe iyịp

Ana ẹtọt ẹban̄a utịt oro asan̄ade ekpere. Eze 33:7; Mt 24:14

Editre nditọt ada ubiomikpe iyịp edi. Eze 33:8, 9; 3:18, 19

Paul ama ọbọhọ ubiomikpe iyịp; eketịn̄ ofụri akpanikọ. Ut 20:26, 27; 1Co 9:16

Anam ẹnyan̄a andinọ ikọ ntiense ye andikop. 1Ti 4:16; 1Co 9:22

13. Edinyan̄a

A. Edinyan̄a oto Abasi ebe ke uwa ufak Jesus

Uwem edi enọ Abasi ebe ke Eyen esie. 1Jo 4:9, 14; Ro 6:23

Ẹkeme ndinyene edinyan̄a ebe ke uwa Jesus kpọt. Ut 4:12

Owo ikemeke ndinam utom edieke “akabarede esịt ke nna n̄kpa.” Jas 2:14, 26

Ana ẹnam utom ọkpọsọn̄ man ẹnyene edinyan̄a. Lu 13:23, 24; 1Ti 4:10

B. N̄wed Abasi ikpepke ke “ẹma ẹkenyan̄a ini kiet, ẹnyan̄a kpukpru ini”

Mme andibuana ke edisana spirit ẹkeme ndiduọn̄ọ. Heb 6:4, 6; 1Co 9:27

Ẹma ẹsobo ediwak nditọ Israel okposụkedi ẹkenyan̄ade ẹsio ke Egypt. Jude 5

Owo ibọhọ edinyan̄a ke ediyịp enyịn. Php 2:12; 3:12-14; Mt 10:22

Itie mbon oro ẹfiakde edem ọdiọk akan nte ekedide ke mbemiso. 2Pe 2:20, 21

C. N̄wed Abasi ikpepke ke “ẹdinyan̄a ofụri ekondo”

Ndusụk owo idikemeke ndikabade esịt. Heb 6:4-6

N̄kpa idiọkowo inemke Abasi esịt. Eze 33:11; 18:32

Edi ima ikemeke ndiyak ukwan̄ido aka iso. Heb 1:9

Ẹyesobo mme idiọkowo. Heb 10:26-29; Edi 20:7-15

14. Ediset ke N̄kpa

A. Idotenyịn mme akpan̄kpa

Ẹyenam kpukpru mme andidu ke udi ẹset. Joh 5:28, 29

Ediset ke n̄kpa Jesus ọnọ nsọn̄ọ. 1Co 15:20-22; Ut 17:31

Mme andinam idiọk ndian spirit idisetke. Mt 12:31, 32

Mbon oro ẹnyenede mbuọtidem ẹdori enyịn ndiset. Joh 11:25

B. Ediset ndụk uwem ke heaven m̀mê ke isọn̄

Kpukpru owo ẹkpan̄a ke Adam; ẹnyene uwem ke Jesus. 1Co 15:20-22; Ro 5:19

Ukpụhọde ke uduot mbon oro ẹnamde ẹset. 1Co 15:40, 42, 44

Mbon oro ẹdude ye Jesus ẹditie nte enye. 1Co 15:49; Php 3:20, 21

Mbon oro mîkarake ẹdidu ke isọn̄. Edi 20:4b, 5, 13; 21:3, 4

15. Editi, Mass

A. Editi Udia Mbubreyo Ọbọn̄

Ẹsinịm ini kiet ke isua ke usenọfiọn̄ oro ekemde ye Passover. Lu 22:1, 17-20; Ex 12:14

Anam ẹti n̄kpa uwa Christ. 1Co 11:26; Mt 26:28

Mbon oro ẹnyenede idotenyịn eke heaven ẹsidia. Lu 22:29, 30; 12:32, 37

Nte owo asan̄ade ọfiọk ke imenyene utọ idotenyịn oro. Ro 8:15-17

B. Mass ikemke ye N̄wed Abasi

Oyom ẹduọk iyịp man ẹfen mme idiọkn̄kpọ. Heb 9:22

Christ edi n̄kukụre Esịne-Ufọt obufa ediomi. 1Ti 2:5, 6; Joh 14:6

Christ odu ke heaven; oku inamke enye osụhọde edi. Ut 3:20, 21

Ufọn idụhe ndifiak nnam uwa Christ. Heb 9:24-26; 10:11-14

16. Edituak Ibuot Nnọ Mary

A. Mary edi eka Jesus, idịghe “eka Abasi”

Abasi inyeneke ntọn̄ọ. Ps 90:2; 1Ti 1:17

Mary ekedi eka Eyen Abasi, ke ini okodude uwem ke isọn̄. Lu 1:35

B. Mary ikedịghe “n̄wan emi mîfiọkke erenowo ke nsinsi”

Enye ama ọdọ Joseph. Mt 1:19, 20, 24, 25

Ama enyene nditọ en̄wen ke ẹsiode Jesus ẹfep. Mt 13:55, 56; Lu 8:19-21

Mmọ emi ikedịghe ‘nditọete esie eke spirit’ ini oro. Joh 7:3, 5

17. Edituak Ibuot Nnọ Mme Ete Ete

A. Edituak ibuot nnọ mme ete ete inyeneke ufọn

Mme ete ete ẹma ẹkpan̄a, ifiọkke n̄kpọ aba. Ec 9:5, 10

Idotke ẹtuak ibuot ẹnọ mme akpa ete nnyịn. Ro 5:12, 14; 1Ti 2:14

Abasi akpan utọ utuakibuot oro. Ex 34:14; Mt 4:10

B. Ẹkeme ndikpono mme owo, edi ẹtuak ibuot ẹnọ Abasi kpọt

Mme uyen ẹkpenyene ndikpono ikpọ owo. 1Ti 5:1, 2, 17; Eph 6:1-3

Edi ẹnyene ndituak ibuot nnọ Abasi kpọt. Ut 10:25, 26; Edi 22:8, 9

18. Heaven

A. Owo 144,000 kpọt ẹka heaven

Esisịt ibat; man ẹkedi ndidem ye Christ. Edi 5:9, 10; 20:4

Jesus ekedi andibem iso; ẹmek mbon eken toto ke ini oro. Col 1:18; 1Pe 2:21

Ediwak owo eken ẹdidụn̄ ke isọn̄. Ps 72:8; Edi 21:3, 4

Owo 144,000 ẹnyene san̄asan̄a idaha oro mbon en̄wen mînyeneke. Edi 14:1, 3; 7:4, 9

19. Hell (Hades, Sheol)

A. Idịghe itie ikan̄ ikan̄ ndutụhọ

Job oro okokụtde ndutụhọ ama ọbọn̄ akam oyom ndika do. Job 14:13

Itie unana edinam. Ps 6:5; Ec 9:10; Isa 38:18, 19

Ẹkenam Jesus eset ọwọrọ ke udi, hell. Ut 2:27, 31, 32; Ps 16:10

Hell ayasana mme akpan̄kpa eken ayak, ẹyesobo enye. Edi 20:13, 14

B. Ikan̄ edi idiọn̄ọ nsobo

Ikan̄ ada aban̄a edisịbe mfep ke n̄kpa. Mt 25:41, 46; 13:30

Ẹyesobo mme idiọkowo oro mîkabakede esịt nte n̄kpọ eke ẹdade ikan̄ ẹsobo. Heb 10:26, 27

Ikan̄ ikan̄ “ndutụhọ” oro ẹditụhọrede Satan edi nsinsi n̄kpa. Edi 20:10, 14, 15

C. Mbụk owo inyene ye Lazarus iwụtke ke nsinsi ndutụhọ odu

Ikan̄ idịghe ata idem n̄kpọ kpa nte ikpanesịt Abraham mîdịghe. Lu 16:22-24

Ẹwụt n̄ko ukpụhọde emi odude ke ufọt mfọn Abraham ye ekịm. Mt 8:11, 12

Ẹkot nsobo Babylon ikan̄ ikan̄ ndutụhọ. Edi 18:8-10, 21

20. Idiọkido, Nnanenyịn Ererimbot

A. Enye emi edide ntak nnanenyịn ererimbot

Idiọk ukara edi ntak idiọk idaha mfịn. N̄ke 29:2; 28:28

Andikara ererimbot edi asua Abasi. 2Co 4:4; 1Jo 5:19; Joh 12:31

Devil ada ukụt edi, ini esie edi ibio. Edi 12:9, 12

Ẹma ẹkọbi Devil, ubọn̄ ubọn̄ emem eyetiene. Edi 20:1-3; 21:3, 4

B. Ntak emi ẹyakde idiọkido odu

Devil ama eneni ke mme edibotn̄kpọ idisọn̄ọke ida ye Abasi. Job 1:11, 12

Ẹnọ mme anam-akpanikọ ifet ndiwụt nsọn̄ọnda mmọ. Ro 9:17; N̄ke 27:11

Ẹwụt ke Devil edi osu nsu, ẹnyene ndibiere eneni oro. Joh 12:31

Ẹyenọ mme anam-akpanikọ nsinsi uwem. Ro 2:6, 7; Edi 21:3-5

C. Utịt ndibịghi ndidi owụt mbọm

Nte ekedide ke eyo Noah, ada ini ndinọ ntọt. Mt 24:14, 37-39

Abasi inuọnke, edi owụt mbọm. 2Pe 3:9; Isa 30:18

Bible an̄wam nnyịn man nsobo okûmen nnyịn ke mbuari. Lu 21:36; 1Th 5:4

Yom ndutịm Abasi idahaemi man enyene ukpeme. Isa 2:2-4; Zep 2:3

D. Idịghe owo editre nnanenyịn ererimbot

Mme owo ẹnen̄ede ẹkop ndịk, ẹtịmede esịt. Lu 21:10, 11; 2Ti 3:1-5

Obio Ubọn̄ Abasi edikụt unen, idịghe mme owo. Da 2:44; Mt 6:10

Man odu uwem, nam emem ye Edidem idahaemi. Ps 2:9, 11, 12

21. Idiọkn̄kpọ

A. Se idiọkn̄kpọ edide

Edibiat ibet Abasi, mfọnmma idaha esie. 1Jo 3:4; 5:17

Owo, nte edibotn̄kpọ Abasi, edinam ibat ọnọ enye. Ro 14:12; 2:12-15

Ibet anam idiọkn̄kpọ an̄wan̄a, anam mme owo ẹdiọn̄ọ idiọkn̄kpọ. Ga 3:19; Ro 3:20

Kpukpru owo ẹnam idiọkn̄kpọ, ẹtaba mfọnmma idaha Abasi. Ro 3:23; Ps 51:5

B. Ntak emi kpukpru owo ẹbọde ufen idiọkn̄kpọ Adam

Adam ama ayak unana mfọnmma ye n̄kpa ọnọ kpukpru owo. Ro 5:12, 18

Abasi ama owụt mbọm ke ndiyọ ubonowo. Ps 103:8, 10, 14, 17

Uwa Jesus osio isop idiọkn̄kpọ. 1Jo 2:2

Ẹyesọhi idiọkn̄kpọ ye kpukpru utom Devil eken ẹfep. 1Jo 3:8

C. Mfri oro ẹkekpande ekedi nsọn̄ibuot, ikedịghe ebuana idan̄

Ẹma ẹkpan ẹdidia eto oro mbemiso ẹkebotde Eve. Ge 2:17, 18

Ẹma ẹdọhọ Adam ye Eve ẹnyene nditọ. Ge 1:28

Nditọ idịghe utịp idiọkn̄kpọ, edi ẹdi edidiọn̄ Abasi. Ps 127:3-5

Eve akanam idiọkn̄kpọ ke ini ebe mîkodụhe; efehe ebe ebe iso. Ge 3:6; 1Ti 2:11-14

Adam, nte ibuot, ama ọsọn̄ ibuot ye ibet Abasi. Ro 5:12, 19

D. Se edinam idiọkn̄kpọ ndian edisana spirit edide (Mt 12:32; Mr 3:28, 29)

Ndammana idiọkn̄kpọ idịghe utọ oro. Ro 5:8, 12, 18; 1Jo 5:17

Owo ekeme ndinam spirit ofụhọ, ekem ọwọn̄ọde ọkpọn̄ idiọkn̄kpọ esie. Eph 4:30; Jas 5:19, 20

Edikokoi n̄ka iso nnam idiọkn̄kpọ ada esịm n̄kpa. 1Jo 3:6-9

Abasi ebiere ikpe ọnọ utọ mbon oro, ọbọ mmọ spirit esie. Heb 6:4-8

Nnyịn ikpọbọn̄ke akam iban̄a utọ mbon oro mîkabakede esịt do. 1Jo 5:16, 17

22. Ido Ukpono

A. Ido ukpono akpanikọ kiet kpọt odu

Idotenyịn kiet, mbuọtidem kiet, baptism kiet. Eph 4:5, 13

Ẹwụk ẹte ẹnam mme mbet. Mt 28:19; Ut 8:12; 14:21

Ẹda mfri esie ẹfiọk enye. Mt 7:19, 20; Lu 6:43, 44; Joh 15:8

Ima, n̄kemuyo ke otu mme andibuana. Joh 13:35; 1Co 1:10; 1Jo 4:20

B. Ẹnen̄ede ẹbiom nsunsu ukpepn̄kpọ ikpe

Jesus ama obiom nsunsu ukpepn̄kpọ ikpe. Mt 23:15, 23, 24; 15:4-9

Akanam ntre man ekpeme mbon oro ẹtụnde usụn̄. Mt 15:14

Akpanikọ ama anam mmọ ẹwọrọ ufụn ẹdi mme mbet Jesus. Joh 8:31, 32

C. Oyom owo okpụhọ ido ukpono esie edieke ẹwụtde ke inenke

Akpanikọ anam ẹwọrọ ufụn; owụt ke ediwak inenke. Joh 8:31, 32

Nditọ Israel ye mbon en̄wen ẹma ẹkpọn̄ akani utuakibuot. Jos 24:15; 2Nd 5:17

Akpa mme Christian ẹma ẹkpụhọ ekikere. Ga 1:13, 14; Ut 3:17, 19

Paul ama okpụhọ ido ukpono esie. Ut 26:4-6

Ẹbian̄a ofụri ererimbot; ana ẹnam ekikere edi obufa. Edi 12:9; Ro 12:2

D. Se itiede nte “eti ke kpukpru ido ukpono” inọhọ nsọn̄ọ mfọn Abasi

Abasi enịm idaha kaban̄a utuakibuot. Joh 4:23, 24; Jas 1:27

Idịghe eti edieke mîkemke ye uduak Abasi. Ro 10:2, 3

Ẹkeme ndisịn “nti utom.” Mt 7:21-23

Ẹda mfri ẹfiọk. Mt 7:20

23. Isọn̄

A. Uduak Abasi kaban̄a isọn̄

Ẹkenam Paradise ke isọn̄ ẹnọ mme mfọnmma owo. Ge 1:28; 2:8-15

Uduak Abasi iditreke ndisu. Isa 55:11; 46:10, 11

Isọn̄ ediyọhọ ye mme mfọnmma owo oro ẹtiede emem emem. Ps 72:7; Isa 45:18; 9:6, 7

Obio Ubọn̄ ayanam Paradise afiak edidu. Mt 6:9, 10; Edi 21:3-5

B. Owo idisoboke m̀mê ndisụhọde ibat mme andidụn̄ tutu amama

Isọn̄ edidu ke nsinsi. Ec 1:4; Ps 104:5

Ubonowo eyo Noah ke ẹkesobo, ikedịghe isọn̄. 2Pe 3:5-7; Ge 7:23

Se iketịbede ọnọ idotenyịn ubọhọ ke eyo nnyịn. Mt 24:37-39

Ẹyesobo mme idiọkowo; “akwa otuowo” ẹyebọhọ. 2Th 1:6-9; Edi 7:9, 14

24. Iyịp

A. Edikịm iyịp nsịn ke idem abiat edisana idaha iyịp

Ẹma ẹsian Noah ẹte ke iyịp edi edisana, edi uwem. Ge 9:4, 16

Ibet ediomi ama akpan edidia iyịp. Le 17:14; 7:26, 27

Ẹma ẹfiak ẹtịn̄ ukpan emi ẹnọ mme Christian. Ut 15:28, 29; 21:25

B. Ndinyan̄a uwem inamke edibiat ibet Abasi enen

N̄kopuyo ọfọn akan uwa. 1Sa 15:22; Mr 12:33

Owo ndida uwem esie ke akpan n̄kpọ n̄kan edinịm ibet Abasi edisụn̄ọ ke n̄kpa. Mr 8:35, 36

25. Jehovah, Abasi

A. Enyịn̄ Abasi

Ẹkeme ndikot owo m̀mê n̄kpọ ekededi “Abasi”; Ọbọn̄ nnyịn enyene ọkpọkpọ enyịn̄. 1Co 8:5, 6

Nnyịn ibọn̄ akam ite ẹnam enyịn̄ esie asana. Mt 6:9, 10

Jehovah edi enyịn̄ Abasi. Ps 83:18; Ex 6:2, 3; 3:15; Isa 42:8

Enyịn̄ ke KJ. Ex 6:3 (Dy ik. id.). Ps 83:18; Isa 12:2; 26:4

Jesus ama anam ẹfiọk enyịn̄ oro. Joh 17:6, 26; 5:43; 12:12, 13, 28

B. Edidu Abasi

Owo ikemeke ndikụt Abasi nnyụn̄ ndu uwem. Ex 33:20; Joh 1:18; 1Jo 4:12

Iyomke ẹkụt Abasi mbemiso ẹnịm ke akpanikọ. Heb 11:1; Ro 8:24, 25; 10:17

Ẹda mme utom Abasi oro ẹkụtde ke enyịn ẹfiọk enye. Ro 1:20; Ps 19:1, 2

Ntịn̄nnịm ikọ ndisu owụt ke Abasi odu. Isa 46:8-11

C. Mme edu Abasi

Abasi edi ima. 1Jo 4:8, 16; Ex 34:6; 2Co 13:11; Mic 7:18

Akakan ke ọniọn̄. Job 12:13; Ro 11:33; 1Co 2:7

Enen, owụt unenikpe. De 32:4; Ps 37:28

Edi ata ọkpọsọn̄, enyene ofụri odudu. Job 37:23; Edi 7:12; 4:11

D. Kpukpru owo inamke n̄kpọ inọ ukem Abasi

Usụn̄ oro etiede nte ọfọn isinenke kpukpru ini. N̄ke 16:25; Mt 7:21

Usụn̄ iba ẹdu, kiet kpọt ada esịm uwem. Mt 7:13, 14; De 30:19

Ediwak abasi ẹdu edi ata Abasi kiet kpọt odu. 1Co 8:5, 6; Ps 82:1

Oyom ẹfiọk ata Abasi man ẹnyene uwem. Joh 17:3; 1Jo 5:20

26. Jesus

A. Jesus edi Eyen Abasi ye Edidem oro ẹmekde

Akpan Abasi, ẹkeda enye ẹbot kpukpru n̄kpọ eken. Edi 3:14; Col 1:15-17

Ẹnam edi owo emi n̄wan amande, ekpri akan mme angel. Ga 4:4; Heb 2:9

Ẹbon ke spirit Abasi, ye idotenyịn eke heaven. Mt 3:16, 17

Ẹmenede enye itie okon̄ akan nte ekedide mbemiso ekedide owo. Php 2:9, 10

B. Oyom ẹnịm Jesus Christ ke akpanikọ man ẹnyene edinyan̄a

Christ edi Mfri Abraham oro ẹken̄wọn̄ọde. Ge 22:18; Ga 3:16

Jesus edi n̄kukụre Akwa Oku, ufak. 1Jo 2:1, 2; Heb 7:25, 26; Mt 20:28

Uwem oto ndifiọk Abasi ye Christ, oto n̄kopitem. Joh 17:3; Ut 4:12

C. Oyom se ikande edinịm Jesus ke akpanikọ

Ana edinịm ke akpanikọ asan̄a ye utom. Jas 2:17-26; 1:22-25

Ana ẹnịm mme ewụhọ, ẹnam utom oro enye akanamde. Joh 14:12, 15; 1Jo 2:3

Idịghe kpukpru mme andikot enyịn̄ Ọbọn̄ ẹdidụk Obio Ubọn̄. Mt 7:21-23

27. Mbuaha Mbuọtidem

A. Ndidiana ye mme ido ukpono en̄wen idịghe usụn̄ Abasi

Usụn̄ kiet kpọt odu, edi mfafaha, ibat ibat owo ẹkụt. Eph 4:4-6; Mt 7:13, 14

Ẹdụri utọn̄ ẹte ke nsunsu ukpepn̄kpọ asasabade. Mt 16:6, 12; Ga 5:9

Ẹwụk ẹte ẹdian̄ade ẹda. 2Ti 3:5; 2Co 6:14-17; Edi 18:4

B. Idịghe akpanikọ nte ke “eti odu ke kpukpru ido ukpono”

Ndusụk owo ẹnyene ifịk edi idụhe ke n̄kemuyo ye Abasi. Ro 10:2, 3

Idiọkido ababiat n̄kpọ ekededi eke ekpedide eti. 1Co 5:6; Mt 7:15-17

Nsunsu mme andikpep ẹda nsobo ẹdi. 2Pe 2:1; Mt 12:30; 15:14

Edisana utuakibuot oyom san̄asan̄a utuakibuot. De 6:5, 14, 15

28. Mme Akpatre Usen

A. Se “utịt ererimbot” ọwọrọde

Utịt editịm n̄kpọ emi. Mt 24:3; 2Pe 3:5-7; Mr 13:4

Idịghe utịt isọn̄, edi, edi eke idiọk editịm n̄kpọ. 1Jo 2:17

Utịt ini ebem nsobo iso. Mt 24:14

Ndinen owo ẹbọhọ; obufa ererimbot etiene. 2Pe 2:9; Edi 7:14-17

B. Oyom ẹdu ke edidemede ẹban̄a mme idiọn̄ọ akpatre usen

Abasi ọnọ idiọn̄ọ man ada nnyịn usụn̄. 2Ti 3:1-5; 1Th 5:1-4

Ererimbot okpu ndikụt nte emi edide akpan n̄kpọ. 2Pe 3:3, 4, 7; Mt 24:39

Abasi inuọnke, edi ọnọ ntọt. 2Pe 3:9

Utịp edidu ke edidemede, utịp edikere mban̄a. Lu 21:34-36

29. Mme Prọfet Nsu

A. Ẹma ẹbem iso ẹtịn̄ ke mme prọfet nsu ẹyedu; ẹma ẹdu ke eyo mme apostle

Se ẹdade ẹdiọn̄ọ mme prọfet nsu. De 18:20-22; Lu 6:26

Ẹma ẹbem iso ẹtịn̄ ke ẹyedu; ẹda mfri ẹfiọk. Mt 24:23-26; 7:15-23

30. Mme Ntiense Jehovah

A. Ntọn̄ọ Mme Ntiense Jehovah

Jehovah anam ẹdiọn̄ọ mme ntiense esie. Isa 43:10-12; Jer 15:16

Udịm mme anam-akpanikọ ntiense ọkọtọn̄ọ ye Abel. Heb 11:4, 39; 12:1

Jesus ekedi anam-akpanikọ ye ntiense akpanikọ. Joh 18:37; Edi 1:5; 3:14

31. Mme Usen Nduọkodudu, Mme Usen Emana

A. Akpa mme Christian ikenịmke usọrọ usen emana, Christmas

Mbon oro mîkedịghe ata mme andituak ibuot ẹkesinịm. Ge 40:20; Mt 14:6

Ẹnyene nditi usen n̄kpa Jesus. Lu 22:19, 20; 1Co 11:25, 26

Uyom uyom usọrọ idotke. Ro 13:13; Ga 5:21; 1Pe 4:3

32. Ndisọi Mbiet

A. Edikama ndisọi mbiet ke utuakibuot edi n̄kpọ esuene ọnọ Abasi

Owo ikemeke ndinam mbiet Abasi. 1Jo 4:12; Isa 40:18; 46:5; Ut 17:29

Ẹdụri mme Christian utọn̄ ẹban̄a ndisọi mbiet. 1Co 10:14; 1Jo 5:21

Ẹnyene ndituak ibuot nnọ Abasi ke spirit ye ke akpanikọ. Joh 4:24

B. Edituak ibuot nnọ ndisọi mbiet ama ada n̄kpa ọsọk idụt Israel

Ẹma ẹkpan mme Jew ndituak ibuot nnọ ndisọi mbiet. Ex 20:4, 5

Ikemeke ndikop n̄kpọ, nditịn̄ ikọ; mme andinam ẹyekabade ẹtie nte mmọ. Ps 115:4-8

Ama ọkọk afia ọnọ mmọ, ada nsobo edi. Ps 106:36, 40-42; Jer 22:8, 9

C. Abasi inyịmeke “uke uke” utuakibuot

Abasi ikenyịmeke ndibọ “uke uke” utuakibuot. Isa 42:8

Abasi kpọt edi “Andikop akam.”  Ps 65:1, 2

33. Ndọ

A. Ẹnyene ndikpono mbọbọ ndọ

Ẹmen ẹdomo ye Christ ye n̄wanndọ. Eph 5:22, 23

Inaha ẹsabade bed ndọ. Heb 13:4

Ẹnọ mme ọdọ ndọ item ẹte ẹkûdian̄ade ẹtie. 1Co 7:10-16

Por·neiʹa edi n̄kukụre isọn̄ N̄wed Abasi kaban̄a usiondọ. Mt 19:9

B. Ana mme Christian ẹkpono edumbet itieibuot

Ana ebe nte ibuot ama, ese aban̄a ubon. Eph 5:23-31

N̄wan, osụk ibuot, ama, okop uyo ebe. 1Pe 3:1-7; Eph 5:22

Ana nditọ ẹkop uyo. Eph 6:1-3; Col 3:20

C. Mbiomo oro mme ete ye eka ẹdide Christian ẹnyenede kaban̄a nditọ

Ana ẹwụt ima, ẹbiat ini ye mmọ, ẹnọ ntịn̄enyịn. Tit 2:4

Ẹkûfiomo mmọ. Col 3:21

Ẹtịm n̄kpọ ẹnọ, esịnede mme n̄kpọ eke spirit. 2Co 12:14; 1Ti 5:8

Ẹnọ mmọ ukpep kaban̄a uwem. Eph 6:4; N̄ke 22:6, 15; 23:13, 14

D. Mme Christian ẹkpenyene ndidọ mme Christian kpọt

Ẹdọ “ke Ọbọn̄” ikpọn̄-ikpọn̄. 1Co 7:39; De 7:3, 4; Ne 13:26

E. Edidọ uwak iban ikemke ye N̄wed Abasi

Ke akpa, erenowo ekenyene ndidọ n̄wan kiet kpọt. Ge 2:18, 22-25

Jesus ama afiak enịm idaha emi ọnọ mme Christian. Mt 19:3-9

Akpa mme Christian ikọdọhọ uwak iban. 1Co 7:2, 12-16; Eph 5:28-31

34. N̄kpa

A. Ntak n̄kpa

Owo ama enyene mfọnmma ntọn̄ọ, idotenyịn anana-utịt uwem. Ge 1:28, 31

Nsọn̄ibuot akada ubiereikpe n̄kpa edi. Ge 2:16, 17; 3:17, 19

Idiọkn̄kpọ ye n̄kpa ẹmebe ẹsịm kpukpru nditọ Adam. Ro 5:12

B. Idaha mme akpan̄kpa

Ẹkenam Adam edi ukpọn̄, owo ikọnọhọ-nọ enye ukpọn̄. Ge 2:7; 1Co 15:45

Owo, kpa ukpọn̄, esikpa. Eze 18:4; Isa 53:12; Job 11:20

Mme akpan̄kpa ifiọkke baba n̄kpọ kiet. Ec 9:5, 10; Ps 146:3, 4

Mme akpan̄kpa ẹdede, ẹbet ediset ke n̄kpa. Joh 11:11-14, 23-26; Ut 7:60

C. Owo ikemeke nditịn̄ ikọ ye mme akpan̄kpa

Mme akpan̄kpa idụhe ke uwem ye Abasi nte mme spirit. Ps 115:17; Isa 38:18

Ẹkpan edidomo ndinyene nneme ye mme akpan̄kpa. Isa 8:19; Le 19:31

Ẹbiom mme obụp ekpo ye mme etịn̄ ini iso ikpe. De 18:10-12; Ga 5:19-21

35. Obio Ubọn̄

A. Se Obio Ubọn̄ Abasi edinamde ọnọ ubonowo

Ayanam uduak Abasi osu. Mt 6:9, 10; Ps 45:6; Edi 4:11

Ukara enyenede edidem ye ibet. Isa 9:6, 7; 2:3; Ps 72:1, 8

Etre ukwan̄ido, akara ofụri isọn̄. Da 2:44; Ps 72:8

Ukara isua 1,000 ayanam ubonowo afiak okodu ke eti idaha, afiak owụk Paradise. Edi 21:2-4; 20:6

B. Ọtọn̄ọ edinam ke adan̄aemi mme asua Christ ẹsụk ẹdude

Ke Christ ama ekeset enye ama ebet ke anyan ini. Ps 110:1; Heb 10:12, 13

Ọbọ odudu, an̄wana ye Satan. Ps 110:2; Edi 12:7-9; Lu 10:18

Ẹma ẹwụk Obio Ubọn̄ ini oro, afanikọn̄ isọn̄ ọtọn̄ọ. Edi 12:10, 12

Afanikọn̄ emi odude idahaemi owụt ke ini edi emi ndida nnọ Obio Ubọn̄. Edi 11:15-18

C. Idụhe owo ‘ke esịt,’ itoho ukeme owo

Obio Ubọn̄ odu ke heaven, idụhe ke isọn̄. 2Ti 4:18; 1Co 15:50; Ps 11:4

Idụhe owo ‘ke esịt’; Jesus eketịn̄ ikọ ọnọ mme Pharisee. Lu 17:20, 21

Idịghe ubak ererimbot emi. Joh 18:36; Lu 4:5-8; Da 2:44

Ayada itie mme ukara ye mme idaha ererimbot. Da 2:44

36. Sabbath

A. Iyomke mme Christian ẹnịm usen Sabbath

N̄kpa Jesus abiat Ibet efep. Eph 2:15

Iyomke mme Christian ẹnịm Sabbath. Col 2:16, 17; Ro 14:5, 10

Ẹsua ẹnọ mbon emi ẹkenịmde Sabbath, ye usọrọ eken. Ga 4:9-11; Ro 10:2-4

Ẹdụk nduọkodudu Abasi ebe ke mbuọtidem ye n̄kopuyo. Heb 4:9-11

B. Ẹkeyom Israel eset kpọt ẹnịm Sabbath

Ẹkenịm Sabbath ke akpa ini ke Uwọrọidụn̄ ama ekebe. Ex 16:26, 27, 29, 30

Ekenyene Israel eke obụk kpọt nte idiọn̄ọ. Ex 31:16, 17; Ps 147:19, 20

Ibet ama oyom ẹnịm Sabbath eke mme isua n̄ko. Ex 23:10, 11; Le 25:3, 4

Iyomke mme Christian ẹnịm Sabbath. Ro 14:5, 10; Ga 4:9-11

C. Sabbath nduọkodudu Abasi (ọyọhọ usen 7 ke “urua” emi ẹkebotde mme n̄kpọ)

Ọkọtọn̄ọ ke ẹma ẹketre ndibot mme n̄kpọ ke isọn̄. Ge 2:2, 3; Heb 4:3-5

Ama aka iso tutu ebe ini emi Jesus okodude ke isọn̄. Heb 4:6-8; Ps 95:7-9, 11

Mme Christian ẹduọk odudu ke utom idemmọ. Heb 4:9, 10

Editre ke ini Obio Ubọn̄ okụrede utom kaban̄a isọn̄. 1Co 15:24, 28

37. Spirit, Ubụpekpo

A. Se edisana spirit edide

Anamutom odudu Abasi, idịghe owo. Ut 2:2, 3, 33; Joh 14:17

Ẹkeda enye ẹbot mme n̄kpọ, ẹda ẹwet Bible, ye ntre ntre. Ge 1:2; Eze 11:5

Ẹda ẹbon, ẹyet mme andibuana ke idem Christ aran. Joh 3:5-8; 2Co 1:21, 22

Ọnọ ikọt Abasi odudu, ọnọ ndausụn̄ mfịn. Ga 5:16, 18

B. Ẹkot odudu uwem spirit

Odudu uwem, ẹda edikot ibifịk ẹmụm ẹkama. Jas 2:26; Job 27:3

Odudu uwem esịne Abasi ke ubọk. Zec 12:1; Ec 8:8

Odudu uwem owo, ye eke unam, enyene Abasi. Ec 3:19-21

Ẹyak spirit ẹnọ Abasi ye idotenyịn ediset ke n̄kpa. Lu 23:46

C. Ẹnyene ndifep ubụpekpo nte utom mme demon

Ikọ Abasi akpan. Isa 8:19, 20; Le 19:31; 20:6, 27

Editịn̄ ini iso edi edituak ibuot nnọ mme demon; ẹbiom ikpe. Ut 16:16-18

Ada esịm nsobo. Ga 5:19-21; Edi 21:8; 22:15

Ẹkpan edisiak ntantaọfiọn̄. De 18:10-12; Jer 10:2

38. Ubatini

A. 1914 (E.N.) etre Ini Mme Gentile

Ẹma ẹtre udịm mme andikara obio ubọn̄, 607 M.E.N. Eze 21:25-27

“Ini itiaba” ekenyene ndibe mbemiso ẹfiak ẹwụk ukara. Da 4:32,16, 17

Itiaba = ini 3 ¹⁄2 × 2, m̀mê usen 1,260 × 2. Edi 12:6, 14; 11:2, 3

Usen kiet ke isua kiet. [Anam isua 2,520] Eze 4:6; Nu 14:34

Enyene ndika iso tutu ẹwụk Obio Ubọn̄. Lu 21:24; Da 7:13, 14

39. Ubiọn̄ọ, Ukọbọ

A. Ntak ẹbiọn̄ọde mme Christian

Ẹma ẹsua Jesus, enye ama ebem iso etịn̄ aban̄a ubiọn̄ọ. Joh 15:18-20; Mt 10:22

Edisọn̄ọ nyịre ke ndinen edumbet obiom ererimbot ikpe. 1Pe 4:1, 4, 12, 13

Satan, abasi eyo emi, ọbiọn̄ọ Obio Ubọn̄. 2Co 4:4; 1Pe 5:8

Mme Christian ikopke ndịk, Abasi ọsọn̄ọ mmọ idem. Ro 8:38, 39; Jas 4:8

B. N̄wan ikpayakke ebe adian̄ade enye ọkpọn̄ Abasi

Ẹma ẹbem iso ẹdụri utọn̄; mbon en̄wen ẹkeme ndinọ ebe ukwan̄ ntọt. Mt 10:34-38; Ut 28:22

Ana n̄wan eberi edem ke Abasi ye Christ. Joh 6:68; 17:3

Ke ndinam akpanikọ, enye ekeme ndinyan̄a ebe n̄ko. 1Co 7:16; 1Pe 3:1-6

Ebe edi ibuot, edi inyeneke ndibiere utuakibuot. 1Co 11:3; Ut 5:29

C. Ebe ikpayakke n̄wan akpan enye ndinam n̄kpọ Abasi

Ana ama n̄wan ye ubon, an̄wam mmọ ẹnyene uwem. 1Co 7:16

Enyene mbiomo ndinam ubiere, nditịm n̄kpọ nnọ ubon. 1Co 11:3; 1Ti 5:8

Abasi ama eren emi adade ọnọ akpanikọ. Jas 1:12; 5:10, 11

Edikan̄ mbuọtidem man emem odu ada iyatesịt Abasi edi. Heb 10:38

Ada ubon ekesịm inemesịt ke obufa ererimbot. Edi 21:3, 4

40. Ufak

A. Ẹkenọ uwem Jesus eke owo nte “ufak kpukpru owo”

Jesus ama ọnọ uwem esie nte ufak. Mt 20:28

Ekọmurua iyịp oro ẹkeduọkde anam ẹfen idiọkn̄kpọ. Heb 9:14, 22

Uwa kiet ama ekem kaban̄a kpukpru ini. Ro 6:10; Heb 9:26

Mme ufọn idịghe ke mbuari; ana ẹnyịme ufak. Joh 3:16

B. Ekedi n̄kemn̄kem ekọmurua

Ẹkebot Adam nte mfọnmma owo. De 32:4; Ec 7:29; Ge 1:31

Ama ọduọk mfọnmma esie ye eke nditọ ke ntak idiọkn̄kpọ. Ro 5:12, 18

Nditọ ẹnana un̄wam; ẹkeyom ata ukem owo nte Adam. Ps 49:7; De 19:21

Mfọnmma uwem Jesus eke owo edi ufak. 1Ti 2:5, 6; 1Pe 1:18, 19

41. Ufọkabasi

A. Ufọkabasi edi eke spirit, ẹbọp ẹdori ke Christ

Abasi idụn̄ke ke mme temple oro owo ọbọpde. Ut 17:24, 25; 7:48

Ufọkabasi akpanikọ edi temple eke spirit eke mme odu-uwem itiat. 1Pe 2:5, 6

Christ, itiat inụk; mme apostle, udiana itiat idakisọn̄. Eph 2:20

Ẹnyene ndituak ibuot nnọ Abasi ke spirit ye ke akpanikọ. Joh 4:24

B. Owo ibọpke ufọkabasi idori ke Peter

Jesus ikọdọhọke ke ẹbọp ufọkabasi ẹdori ke Peter. Mt 16:18

Ẹwụt ke Jesus edi “akamba itiat.” 1Co 10:4

Peter ama owụt ke Jesus edi itiat idakisọn̄. 1Pe 2:4, 6-8; Ut 4:8-12

42. Ukọkudọn̄ọ, Usem

A. Ukọkudọn̄ọ eke spirit enyene nsinsi ufọn

Udọn̄ọ eke spirit akama nsobo. Isa 1:4-6; 6:10; Ho 4:6

Ukọkudọn̄ọ eke spirit edi akpan utom. Joh 6:63; Lu 4:18

Emen idiọkn̄kpọ efep; ọnọ inemesịt ye uwem. Jas 5:19, 20; Edi 7:14-17

B. Obio Ubọn̄ Abasi edida nsinsi usọbọ eke ikpọkidem edi

Jesus ama ọkọk udọn̄ọ, ọkwọrọ mme edidiọn̄ Obio Ubọn̄. Mt 4:23

Ẹn̄wọn̄ọ ke Obio Ubọn̄ edida nsinsi usọbọ edi. Mt 6:10; Isa 9:7

Ẹyekam ẹsobo n̄kpa ẹfep. 1Co 15:25, 26; Edi 21:4; 20:14

C. Uyarade idụhe ke Abasi enyịme ukọkudọn̄ọ mbuọtidem eyomfịn

Mme mbet ikọkọkke idemmọ ke utịbe utịbe usụn̄. 2Co 12:7-9; 1Ti 5:23

Mme utịbe utịbe enọ ẹma ẹtre ke eyo mme apostle ebede. 1Co 13:8-11

Ukọkudọn̄ọ iwụtke ke ẹnyene mfọn Abasi. Mt 7:22, 23; 2Th 2:9-11

D. Editịn̄ ikọ ke usem ekedi ndutịm ibio ini kpọt

Ekedi idiọn̄ọ; ẹnyene ndiyom mme enọ ẹkponide ẹkan. 1Co 14:22; 12:30, 31

Ẹma ẹbem iso ẹtịn̄ ke mme utịbe utịbe enọ eke spirit ẹyebe ẹfep. 1Co 13:8-10

Mme utịbe utịbe utom iwụtke ke ẹnyene mfọn Abasi. Mt 7:22, 23; 24:24

43. Ukpọn̄

A. Se ukpọn̄ edide

Owo edi ukpọn̄. Ge 2:7; 1Co 15:45; Jos 11:11; Ut 27:37

Ẹkot mme unam n̄ko ukpọn̄. Nu 31:28; Edi 16:3; Le 24:18

Ukpọn̄ enyene iyịp, esidia udia, ekeme ndikpa. Jer 2:34; Le 7:18; Eze 18:4

Ẹdọhọ ke owo, emi enyenede uwem, enyene ukpọn̄. Mr 8:36; Joh 10:15

B. Ukpụhọde emi odude ke ufọt ukpọn̄ ye spirit

Uwem nte owo m̀mê edibotn̄kpọ edi ukpọn̄. Joh 10:15; Le 17:11

Ẹkot odudu uwem emi ọnọde mme ukpọn̄ odudu “spirit.” Ps 146:4; 104:29

Ke ini owo akpade, odudu uwem afiak etiene Abasi. Ec 12:7

Abasi ikpọn̄ ekeme ndisịn owo odudu uwem ke idem. Eze 37:12-14

44. Uwem

A. Ẹn̄wọn̄ọ nsinsi uwem ẹnọ okopitem ubonowo

Abasi, emi mîkemeke ndisu nsu, ọn̄wọn̄ọ ndinọ uwem. Tit 1:2; Joh 10:27, 28

Ẹn̄wọn̄ọ nsinsi uwem ẹnọ mbon oro ẹbuọtde idem. Joh 11:25, 26

Ẹyesobo n̄kpa ẹfep. 1Co 15:26; Edi 21:4; 20:14; Isa 25:8

B. Uwem eke heaven enyene sụk mbon oro ẹdude ke idem Christ

Abasi emek mme andibuana nte enye amade. Mt 20:23; 1Co 12:18

Owo 144,000 kpọt ke ẹda ẹto isọn̄. Edi 14:1, 4; 7:2-4; 5:9, 10

John Andinịm Owo Baptism idikam idụhe ke Obio Ubọn̄ heaven. Mt 11:11

C. Ẹn̄wọn̄ọ uwem eke isọn̄ ẹnọ anana-ibat owo, “mme erọn̄ en̄wen”

Esisịt ibat owo ẹdidu ye Jesus ke heaven. Edi 14:1, 4; 7:2-4

“Mme erọn̄ en̄wen” idịghe nditọete Christ. Joh 10:16; Mt 25:32, 40

Ke ẹtan̄ ediwak owo ẹbon idahaemi man ẹkpebọhọ ẹdu ke isọn̄. Edi 7:9, 15-17

Ẹnam mbon eken ẹset ẹdidu uwem ke isọn̄. Edi 20:12; 21:4

​