Watchtower LIBRARY EKE INTANET
Watchtower
LIBRARY EKE INTANET
Efịk
Ẹ,Ê,Ị,Ọ,Ụ,Û,N̄
  • Ẹ
  • ẹ
  • Ê
  • ê
  • Ị
  • ị
  • Ọ
  • ọ
  • Ụ
  • ụ
  • Û
  • û
  • N̄
  • n̄
  • BIBLE
  • MME N̄WED
  • MBONO ESOP
  • od ib. 11 p. 116-122
  • Se Ẹnamde Man Inyene Itie Isop Idem Ikpono Abasi

Vidio ndomokiet idụhe mi.

Kûyat esịt, n̄kpọ anam vidio emi okûbre.

  • Se Ẹnamde Man Inyene Itie Isop Idem Ikpono Abasi
  • Ẹtịm Nnyịn Idem Man Inam Uduak Jehovah
  • N̄kpri Ibuotikọ
  • Ukem Ibuot Nneme
  • UFỌKMBONO OBIO UBỌN̄
  • UTOM UBỌP UFỌKMBONO OBIO UBỌN̄
  • MME ITIE MBONO
  • Mi ke Isibono Ikpono Abasi
    Enyọn̄-Ukpeme Ọnọ Ntọt Obio Ubọn̄ Jehovah—2015
  • Ẹyak Nnyịn Inam Itie Utuakibuot Nnyịn Odu ke Eti Idaha
    Utom Obio Ubọn̄ Nnyịn—2003
  • Nte Afo Omokpono Itie Utuakibuot Mbufo?
    Enyọn̄-Ukpeme Ọnọ Ntọt Obio Ubọn̄ Jehovah—1993
  • N̄wọrọnda N̄kọri Oyom Ẹbọp Mme Ufọkmbono Obio Ubọn̄ Usọp Usọp
    Enyọn̄-Ukpeme Ọnọ Ntọt Obio Ubọn̄ Jehovah—2002
Se En̄wen En̄wen
Ẹtịm Nnyịn Idem Man Inam Uduak Jehovah
od ib. 11 p. 116-122

IBUOT 11

Se Ẹnamde Man Inyene Itie Isop Idem Ikpono Abasi

BIBLE ọdọhọ ikọt Jehovah ẹsisop idem ọtọkiet ẹkpep n̄kpọ, ẹnyụn̄ ẹsọn̄ọ kiet eken idem. (Heb. 10:23-25) Ẹkekot akpa itie emi nditọ Israel ẹkesisopde idem ẹkpono Abasi “tent utuakibuot,” m̀mê “tent usopidem.” (Ex. 39:32, 40) Ekem Solomon eyen David ama ọbọp temple man ẹda ẹkpono Abasi. (1 Ndi. 9:3) Ke ẹma ẹkesobo temple oro ke isua 607 mbemiso eyo Christ, mme Jew ẹkesika ufọk emi ẹkotde synagogue ẹkekpono Abasi. Ekem, ẹma ẹfiak ẹbọp temple oro, ẹnyụn̄ ẹfiak ẹtọn̄ọ ndikpono ata Abasi do. Jesus ama esikpep mme owo n̄kpọ ke synagogue ye ke temple. (Luke 4:16; John 18:20) Jesus ama etie ke obot ekpep mme owo n̄kpọ.—Matt. 5:1–7:29.

2 Ke Jesus ama akakpa, mme Christian ẹma ẹsisop idem ke mme efe ye ke ufọk nditọete mmọ ẹkpep N̄wed Abasi ẹnyụn̄ ẹnem esịt ndidu ye nditọete mmọ. (Utom 19:8, 9; Rome 16:3, 5; Col. 4:15; Philem. 2) Ndusụk ini, mmọ ẹma ẹsisop idem ke ndịbe mbak mme asua idikụt mmọ. Kpukpru emi owụt ke ekesinenem ikọt Abasi toto ke eset ndisop idem ọtọkiet man ‘Jehovah ekpep mmọ n̄kpọ.’—Isa. 54:13.

3 Mfịn n̄ko, mme Christian ẹsinịm mbono esop ye mbono an̄wautom ke ufọk nditọete ye ke mme ebiet en̄wen. Edi ẹsiwak ndinịm mbono an̄wautom ke ufọk nditọete. Mbon emi ẹsiyakde ẹda ufọk mmọ ẹnịm mme mbono emi ẹsida emi nte akwa ukpono. Ediwak mmọ ẹsidọhọ ke ndinọ ufọk mmimọ ẹda ẹnịm mme mbono emi an̄wam mmimọ inen̄ede ikpere Abasi.

UFỌKMBONO OBIO UBỌN̄

4 Akpan itie emi Mme Ntiense Jehovah ẹsisopde idem edi ke Ufọkmbono Obio Ubọn̄. Ke ediwak itie, ẹsidedep isọn̄ ẹbọp Ufọkmbono Obio Ubọn̄, mîdịghe ẹdiọn̄ akani ufọk ẹda ẹnam Ufọkmbono Obio Ubọn̄. Ke ndusụk itie, ediwak esop ẹsibabuana Ufọkmbono Obio Ubọn̄ mbak owo idibiat okụk ikaha. Ke ndusụk obio, nditọete nnyịn ẹsikpekpe ufọk ẹda ẹnịm mbono esop. Edieke ẹbọpde obufa Ufọkmbono Obio Ubọn̄ m̀mê ẹfiakde ẹdiọn̄ akamba n̄kpọ ke akani Ufọkmbono Obio Ubọn̄, ọfọn ẹyak enye ẹnọ Abasi. Edi edieke se ẹfiakde ẹdiọn̄ ke Ufọkmbono Obio Ubọn̄ mîkponke, ufọn idụhe ndifiak nyak enye nnọ Abasi.

5 Nnyịn isibọpke Ufọkmbono Obio Ubọn̄ nte ikpọ ọwọrọetop ufọk man odụk owo enyịn. Isibọp ke utọ ke utọ, edi ẹsida kpukpru ẹkpono Abasi. (Utom 17:24) Kpa ye ẹsibọpde enye ẹtiene nte n̄kpọ etiede ke obio kiet kiet, ana se ẹbọpde ekem owo, eye, onyụn̄ odot se ẹdade ẹnịm mbono esop.

6 Kpukpru esop Mme Ntiense Jehovah ke ofụri ererimbot ẹsitịp okụk man ẹda ẹse ẹban̄a Ufọkmbono Obio Ubọn̄ emi mmọ ẹsidụkde mbono esop. Imesitịp okụk n̄ko inọ n̄kọk itieutom ke ndinọ nnyịn Ufọkmbono Obio Ubọn̄ ida inịm mbono esop. Nnyịn isisịnke collection, isinyụn̄ iben̄eke mme owo okụk. Ekebe etịbe odu ke mme Ufọkmbono Obio Ubọn̄ man mbon emi ẹdụkde mbono esop ẹkeme nditịp okụk ẹda ẹse ẹban̄a ufọk oro. Owo esitịp se enye enyenede ke imaesịt, owo isinyịkke-nyịk owo.—2 Cor. 9:7.

7 Enenem kpukpru owo ke esop nditịp okụk man ẹda ẹnam n̄kpọ ke Ufọkmbono Obio Ubọn̄, esinyụn̄ enem mmọ nditiene nnam enye asana onyụn̄ eye. Ẹsinam ebiowo m̀mê asan̄autom unamutom ewet usen emi ẹdinamde utom ke Ufọkmbono Obio Ubọn̄ adian ke obukpọk ntọt. Edi, otu an̄wautom kiet kiet ẹsikpọri ẹnyụn̄ ẹnam Ufọkmbono Obio Ubọn̄ asana. Esenyịn otu oro m̀mê udiana esie esida iso ke utom emi. Akpana nte esịt ye an̄wa Ufọkmbono Obio Ubọn̄ etiede anam mme owo ẹkụt nte Jehovah ye esop esie ẹtiede.

Enenem kpukpru owo ke esop nditịp okụk man ẹda ẹnam n̄kpọ ke Ufọkmbono Obio Ubọn̄, esinyụn̄ enem mmọ nditiene nnam enye asana onyụn̄ eye

8 Ke ini ediwak esop ẹnịmde mbono esop ke ukem Ufọkmbono Obio Ubọn̄, mbiowo esop emi kiet kiet ẹsimek Kọmiti Ufọkmbono Obio Ubọn̄ man ẹse ẹban̄a ufọk oro ye n̄kann̄kụk esie. Otu mbiowo ẹyemek owo kiet edi anam-ndutịm kọmiti emi. Kọmiti emi isinamke n̄kpọ ke odudu idemmọ, edi ẹsinam se otu mbiowo ẹdọhọde. Utom mmọ ẹdi ndikụt ẹte ke ẹnam Ufọkmbono Obio Ubọn̄ asana, ke ẹkama enye ọfọn, ẹnyụn̄ ẹnyene se ẹyomde man ẹse ẹban̄a enye. Ọfọn mme esop ẹdiana kiet man ẹkeme ndinam emi.

9 Edieke ediwak esop ẹsinịmde mbono esop ke Ufọkmbono Obio Ubọn̄ kiet, ẹkeme ndisikpụhọ ini emi esop kiet kiet ẹsinịmde mbono esop mmọ. Kpukpru mbiowo oro ẹsidụkde mbono esop do ẹkpenyene ndinam emi ke ima ẹnyụn̄ ẹkere ẹban̄a mme esop eken. (Phil. 2:2-4; 1 Pet. 3:8) Inaha esop ndomokiet ẹbiere n̄kpọ ẹnọ esop en̄wen. Ke ini esenyịn circuit edide edise esop kiet do, mme esop eken ẹyekpụhọ ini mbono esop mmọ urua oro edieke oyomde ẹnam ntre.

10 Ẹkeme ndidian ndọ ẹnyụn̄ ẹnọ utịn̄ikọ ubụkowo ke Ufọkmbono Obio Ubọn̄ edieke Kọmiti Utom Esop ẹnyịmede. Mbiowo emi ẹsitie ẹkere m̀mê akpana iyak mbon oro ẹben̄ede Ufọkmbono Obio Ubọn̄ ẹda enye ẹnam se mmọ ẹyomde ndida nnam. N̄kọk itieutom ẹnọ mbiowo emi ndausụn̄ emi an̄wamde mmọ ẹdiọn̄ọ se ẹkpenamde.

11 Edieke ẹnyịmede owo ada Ufọkmbono Obio Ubọn̄ anam n̄kpọ, ana enye anam n̄kpọ do nte ata Christian akpanamde. Inaha owo anam n̄kpọ ekededi emi edibiakde nditọete, m̀mê n̄kpọ emi ekemede ndinọ esop idiọk enyịn̄ m̀mê ekemede ndisuene Jehovah. (Phil. 2:14, 15) N̄kọk itieutom ẹkeme ndidọhọ ẹda Ufọkmbono Obio Ubọn̄ ẹnịm Ufọkn̄wed Utom Obio Ubọn̄ ye Ufọkn̄wed Mme Asiakusụn̄, m̀mê n̄kpọ ntre.

12 Kpukpru owo ke esop ẹkpenyene ndinam n̄kpọ ukpono ukpono ke Ufọkmbono Obio Ubọn̄. Nte isịnede n̄kpọ, nte ikamade idem, ye nte inamde n̄kpọ ekpenyene ndiwụt ke idi ndituak ibuot nnọ Jehovah. (Eccl. 5:1; 1 Tim. 2:9, 10) Edieke inamde kpukpru emi, oro owụt ke imama mme mbono esop nnyịn.

13 Ifọnke ẹsịn editịm ke ini mbono esop. Ọfọn nditọwọn̄ ẹsitie ye mme ete ye eka mmọ. Ẹkeme ndidọhọ mme ete m̀mê mme eka nditọ ẹtie ke ebiet emi mmọ mîdinen̄ekede itịmede otuowo edieke mmọ ẹyomde ndimen nditọ n̄wọrọ an̄wa n̄kotụnọ m̀mê ndimen n̄kanam n̄kpọ en̄wen.

14 Ẹsimek ndusụk nditọete mme adaidaha ke Ufọkmbono Obio Ubọn̄. Ana mmọ ẹkama enyịn ẹse se ikade iso, ẹtie ufan ufan, ẹnyụn̄ ẹnam n̄kpọ nte mme enyene-ibuot-owo. Utom mmọ esịne ndikọm mbufa owo nnyụn̄ nnọ mmọ itie, ndinọ mbon emi ẹdide ke idiọk ini itie, ndiwet ibat mbon emi ẹdụkde mbono esop, nnyụn̄ nnam n̄kpọ man Ufọkmbono Obio Ubọn̄ idifiop m̀mê idibịt ikaha. Ke ebiet emi nditọwọn̄ ẹdude, adaidaha ọyọdọhọ mme ete ye eka ẹtịm ẹse nditọ mmọ enyịn man mmọ idika ikebre mbre ke mbot utịn̄ikọ m̀mê idifehe ikanade Ufọkmbono Obio Ubọn̄ mbemiso mbono esop ọtọn̄ọde m̀mê ke mbono esop ama akasuana. Ke ini eyenọwọn̄ esịnde ntịme, adaidaha ekeme ndikọdọhọ ete m̀mê eka esie ukpono ukpono emen enye ọwọrọ an̄wa mbak editịmede otuowo. Se mme adaidaha ẹnamde esitiene anam mbono esop enem nnyịn. Ọkpọfọn mbiowo ye mme asan̄autom unamutom ẹdi mme adaidaha.

UTOM UBỌP UFỌKMBONO OBIO UBỌN̄

15 Ndusụk mme Christian ke eyo mme apostle ẹma ẹnyene n̄kpọ ẹkan ndusụk. Ntak edi oro apostle Paul ọkọdọhọde mmọ ẹda nyọhọ-nsụhọ mmọ ẹn̄wam mbon oro mînyeneke n̄kpọ “man ẹkpenam n̄kpọ edi ukem ukem.” (2 Cor. 8:14) Ntre n̄ko ke ẹsinam ke esop Abasi mfịn. Ẹsida okụk emi mme esop ke ofụri ererimbot ẹtịpde ẹbọp mîdịghe ẹdiọn̄ Ufọkmbono Obio Ubọn̄ ẹnọ nditọete ke nsio nsio itie ke ererimbot. Esịt esinem kpukpru nnyịn onyụn̄ enem nditọete emi ẹbọpde Ufọkmbono Obio Ubọn̄ emi ẹnọ.

16 N̄kọk itieutom ẹsitịn̄ Ufọkmbono Obio Ubọn̄ emi nsio nsio esop ẹdidụkde mbono esop. Mmọ n̄ko ẹsitịn̄ ini ye ebiet emi ẹkemede ndibọp obufa Ufọkmbono Obio Ubọn̄, ẹnyụn̄ ẹtịn̄ enye emi ẹkpefiakde ẹdiọn̄. Ke ini n̄kpọ abiatde Ufọkmbono Obio Ubọn̄, n̄kọk itieutom ẹsinam ndutịm man ẹdiọn̄ se ibiarade. Ndusụk ini, ẹsitiene ẹdiọn̄ ufọk nditọete nnyịn emi n̄kpọ oro abiatde.

17 N̄kọk itieutom ẹsidọn̄ ndusụk nditọete ẹte ẹn̄wam mmimọ ẹdep isọn̄, ẹdrọ nte Ufọkmbono Obio Ubọn̄ oro ẹyomde ndibọp editiede, ẹbọ ukara n̄wed emi owụtde ke ẹnyịme ẹbọp ufọk oro, ẹbọp ẹnyụn̄ ẹkụt ẹte ke ẹtịm Ufọkmbono Obio Ubọn̄ ẹkama. Ẹyom ediwak mbufa Ufọkmbono Obio Ubọn̄ ke ediwak idụt, ntre esop Abasi ẹyom nditọete ẹn̄wam ke utom emi. Kpukpru nditọete emi ẹma ẹkena baptism ẹnyụn̄ ẹdotde ẹkeme ndin̄wam. Owo emi oyomde ndin̄wam ẹkpenyene ndibọ fọm utom emi nnyụn̄ n̄wet n̄kpọ nyọhọ nyak nnọ Kọmiti Utom Esop mmọ. Mme asuanetop emi mînaha kan̄a baptism ẹkeme nditiene n̄n̄wam ke ini ẹbọpde m̀mê ẹdiọn̄de Ufọkmbono Obio Ubọn̄ mmọ.

MME ITIE MBONO

18 Mme Christian eyo mme apostle ẹkesiwak ndisop idem ke n̄kpri otu. Edi ndusụk ini, “ata ediwak owo” ẹma ẹsisop idem ke ebiet kiet. (Utom 11:26) Kpasụk ntre ke edi mfịn. Ikọt Jehovah emi ẹsisopde idem ọtọkiet ẹdụk mbono circuit ye akamba mbono ẹsiwak etieti. Ke ndusụk ebiet, ẹsikpekpe okụk ẹbọ itie ẹnịm mme mbono emi, edi ke mme ebiet emi owo mîkemeke ndinam ntre, ẹsidep isọn̄ ẹbọp mme Itie Mbono.

19 Ndusụk ini, ẹsidep ufọk, ẹdiọn̄, ẹda ẹnịm mbono. Edi ediwak ini, ẹsidedep isọn̄ ẹbọp obufa Itie Mbono. Ẹsibọp ndusụk Itie Mbono okpon akan ndusụk ẹtiene se ẹyomde ke ebiet kiet kiet. Mbemiso n̄kọk itieutom ẹnyịmede ẹbọp Itie Mbono, mmọ ẹsinen̄ede ẹda ini ẹse m̀mê edikpa okụk ifan̄ ndibọp obufa Itie Mbono, m̀mê edikam ifọn ẹdedep ufọk ẹdiọn̄ ẹnịm mbono, ẹnyụn̄ ẹse m̀mê owo ifan̄ ẹdikam idụk mbono do.

20 N̄kọk itieutom ẹsimek nditọete ẹte ẹse ẹban̄a Itie Mbono. Ẹsinam ndutịm man mme circuit ẹsinam Itie Mbono asana ke ini mbono mmọ. Ẹsikot nditọete ikaba ke isua ẹdinam itie mbono asana, ẹsinyụn̄ ẹnam se anade ẹnam mbak n̄kpọ idisọp ibiara do. Mbọk sitiene kanam utom emi ke ofụri esịt ini ekededi oro ẹkotde esop mbufo.—Ps. 110:3; Mal. 1:10.

21 Ndusụk ini, ẹsinịm mme edinam en̄wen ke Itie Mbono, utọ nte mme ufọkn̄wed esop Abasi ye san̄asan̄a mbono mme esenyịn circuit. Kpa nte edide ye Ufọkmbono Obio Ubọn̄, Itie Mbono edi itie ukpono Abasi emi ẹma ẹkeyak ẹnọ Abasi. Ntre, ana nte isịnede n̄kpọ, nte ikamade idem, ye nte inamde n̄kpọ ke Itie Mbono etie ukem ukem nte isinamde ke ini idụkde mbono esop ke Ufọkmbono Obio Ubọn̄.

22 Ediwak owo ke ẹdụk esop Abasi ke mme akpatre usen emi. Emi owụt ke Jehovah ke ọdiọn̄ nnyịn. (Isa. 60:8, 10, 11, 22) Ntre, ẹyak idiana ye esop Abasi ibọp mme itie emi isisopde idem ikpono Abasi inyụn̄ inam mmọ ẹye onyụn̄ enem owo ke idem. Ndinam emi owụt ke imenen̄ede ima nte inyenede mme itie oro isisopde idem isọn̄ọ kiet eken idem adan̄a nte ikụtde ite ke usen Jehovah ke asan̄a ekpere.

    Mme N̄wed Ikọ Efịk (1982-2025)
    Wọrọ
    Dụk
    • Efịk
    • Share
    • Mek nte amade
    • Copyright © 2025 Watch Tower Bible and Tract Society of Pennsylvania
    • Nte Ẹkpedade Ikpehe Intanet Emi Ẹnam N̄kpọ
    • Ediomi
    • Privacy Settings
    • JW.ORG
    • Dụk
    Share