UKPEPN̄KPỌ 10
Mboho Ikọ Abasi Mme Ntiense Jehovah Ekeme Ndin̄wam Fi
Ndi owo okot fi ikọ Abasi Mme Ntiense Jehovah akpa? Edieke mûdụkke ikọ Abasi mmọ akpa, idem ekeme ndinyek fi ndika. Emekeme ndikere: ‘Nso ke mmọ ẹsinam do? Nso ufọn ke ikọ Abasi mmọ edinam inọ mi? Ndi ufọn osụk odu ndika?’ Ke ukpepn̄kpọ emi, oyokụt nte ndidụk ikọ Abasi mmọ ekemede ndin̄wam fi.
1. Nso isinam Mme Ntiense Jehovah ẹnịm mboho ikọ Abasi?
Owo kiet emi eketienede ewet Bible ama etịn̄ akpan ntak kiet. Enye ọkọdọhọ ete: “Ami nyotoro Jehovah ke otu mbon esop.” (Psalm 26:12) Esinem Mme Ntiense Jehovah n̄ko ndisop idem ntoro Abasi. Kpukpru urua, mmọ ẹsisop idem ke nsio nsio itie ẹkpono Abasi, ẹkwọ ikwọ ẹtoro enye, ẹnyụn̄ ẹbọn̄ akam. Kpukpru isua, mmọ ẹsisop idem ndusụk ini ke n̄kpri ye ikpọ mbono ẹkpono Abasi.
2. Nso ke edikpep ke mboho ikọ Abasi nnyịn?
Imesinen̄ede ikpep Ikọ Abasi ke mboho nnyịn, ẹsinyụn̄ “ẹtat enye ẹnyụn̄ ẹtịn̄ se enye ọwọrọde.” (Kot Nehemiah 8:8.) Ama odụk ikọ Abasi nnyịn, eyekpep ediwak n̄kpọ aban̄a Jehovah ye nti edu esie. Eyedikụt adan̄a nte enye amade fi; oro ayanam fi enen̄ede ekpere enye. Oyokụt n̄ko nte enye ekemede ndin̄wam fi enyene emem ke uwem emi.—Isaiah 48:17, 18.
3. Didie ke mbon emi edikụtde ke mboho ikọ Abasi nnyịn ẹdin̄wam fi?
Jehovah ekpep nnyịn ete “ikere nte ikpedemerede kiet eken inọ ima ye nti utom, ikûsịn ndisop idem ọtọkiet.” (Mme Hebrew 10:24, 25) Ama odụk ikọ Abasi nnyịn, oyokụt mbon emi ẹmade mbon en̄wen, emi ẹnyụn̄ ẹyomde ndinen̄ede ndiọn̄ọ Abasi ukem nte afo. Oyonyụn̄ okop mmọ ẹtịn̄de n̄kpọ emi ekemede ndisọn̄ọ fi idem, emi mmọ ẹkpepde ke Bible. (Kot Rome 1:11, 12.) Oyokụt mme owo emi ẹsụk ẹkopde inemesịt kpa ye mfịna mmọ. Ndusụk n̄kpọ emi anamde Jehovah ọdọhọ yak ikûsịn ndisop idem ọtọkiet edi oro!
SỊN IDEM KPEP
Se nte mboho ikọ Abasi Mme Ntiense Jehovah esitiede, ye ntak emi ọfọnde etiene odụk.
4. Mboho ikọ Abasi Mme Ntiense Jehovah
Mme Christian ke eyo mme apostle ẹma ẹsisop idem ke nsio nsio itie ẹkpono Jehovah. (Rome 16:3-5) Kot Colossae 3:16, ekem ẹbọrọ mbụme emi ẹnyụn̄ ẹneme ẹban̄a enye:
Mme Christian eyo mme apostle ẹkesikpono Jehovah Abasi didie?
Mme Ntiense Jehovah ẹsisop idem n̄ko ke nsio nsio itie ẹkpono Jehovah. Okpoyom ndidiọn̄ọ nte esitiede ye se ẹsinamde, se VIDIO emi. Ama ese ama, se ndise esop Mme Ntiense Jehovah emi ẹdụkde ikọ Abasi; ekem ẹbọrọ mbụme emi ẹnyụn̄ ẹneme ẹban̄a mmọ.
Nso ke ẹsinam ke Ufọkmbono Obio Ubọn̄, emi ebietde se idude ke Colossae 3:16?
Nso n̄kpọ emi aban̄ade ikọ Abasi Mme Ntiense Jehovah ke ama ke vidio oro m̀mê ke ndise emi?
Kot 2 Corinth 9:7, ekem ẹbọrọ mbụme emi ẹnyụn̄ ẹneme ẹban̄a enye:
Nso inam Mme Ntiense Jehovah mîsidọhọke ẹnọ offering m̀mê ẹsan̄a collection ke mboho ikọ Abasi mmọ?
Tie ye owo emi esinemede n̄kpọ ye afo ke n̄wed emi, ẹse se ẹdinamde ke ikọ Abasi en̄wen emi Mme Ntiense Jehovah ẹdinịmde.
Ewe n̄kpọ ke otu oro ke afo enen̄ede ama m̀mê ekere ke ekeme ndin̄wam fi?
Ndi ọmọdiọn̄ọ?
Emekeme ndikụt kpukpru itie oro Mme Ntiense Jehovah ẹsinịmde ikọ Abasi mmọ, ke jw.org.
Ẹsineme ikọ Abasi, ẹnam ẹwụt nte ẹkpekwọrọde ikọ ye nte ẹkpekpepde owo Bible, ẹnyụn̄ ẹbre vidio ke mboho ikọ Abasi nnyịn. Ẹsitọn̄ọ ye ikwọ ye akam
Ndusụk ikpehe esidi nneme emi otuowo ẹsitienede ẹsịn uyo
Owo isisatke owo—ikpọ owo, nditọwọn̄, mbon ẹdọde ndọ, ye mbon mîdọhọ ẹsidụk
Owo isibọhọ offering, owo isisan̄ake collection, owo isinyụn̄ ikpehe okụk idụk. Edi ke mfọn
5. Ana anam n̄kpọ man ekeme ndidụk
Emekeme ndikpebe Jesus ye ubon mmọ. Kpukpru isua, mmọ ẹma ẹsisan̄a n̄kpọ nte usen ita, ẹbe obot ye ebeden̄, ẹto Nazareth ẹka Jerusalem ẹkedụk mboho ikọt Abasi. Kot Luke 2:39-42, ekem ẹbọrọ mbụme emi ẹnyụn̄ ẹneme ẹban̄a mmọ:
Ndi emekere ke isan̄ uka Jerusalem oro ama esimem utom?
Nso ikeme ndinam ọsọn̄ fi ndidụk ikọ Abasi Mme Ntiense Jehovah?
Ndi emekere ke ọfọn esidụk enye idem ke ini mîmemke? Nso inam ọdọhọ ntre?
Bible etịn̄ ke ndisop idem ọtọkiet n̄kpono Abasi edi ata akpan n̄kpọ. Kot Mme Hebrew 10:24, 25, ekem ẹbọrọ mbụme emi ẹnyụn̄ ẹneme ẹban̄a enye:
Ntak emi ọfọnde idụk ikọ Abasi Mme Ntiense Jehovah?
NDUSỤK OWO ẸSIDỌHỌ ẸTE: “Mmekeme nditie ke ufọk mi n̄kot Bible ndiọn̄ọ Abasi, idịghe n̄kọ n̄kaka ikọ Abasi.”
Itie Bible ewe m̀mê uwụtn̄kpọ mmanie ke Bible ke akpada owụt owo ke Jehovah oyom isidụk mboho ikọ Abasi ye ikọt esie?
SE IKPEPDE
Mboho ikọ Abasi Mme Ntiense Jehovah ayan̄wam fi enen̄ede ọdiọn̄ọ Jehovah, edi ufan esie, onyụn̄ etiene okpono enye.
Se M̀mê Emeti
Ntak emi Jehovah oyomde idụk mboho ikọ Abasi ye ikọt esie?
Nso ke afo edikpep ke mboho ikọ Abasi Mme Ntiense Jehovah?
Kere ise, nso n̄kpọ ke mboho ikọ Abasi Mme Ntiense Jehovah ekeme ndinam nnọ fi?
KPEP N̄KPỌ EN̄WEN
Akpanam nso idem ekpenyek fi ndidụk ikọ Abasi nnyịn? Se se ikanamde owo emi idem ekenyekde ama ndidụk mboho ikọ Abasi nnyịn.
Se se ikanamde akparawa kiet ama mboho ikọ Abasi Mme Ntiense Jehovah, ye se enye akanamde man idifiak.
Se nte mbon en̄wen ẹdade mboho ikọ Abasi Mme Ntiense Jehovah.
“Ntak Emi N̄kpodụkde Ikọ Abasi ke Ufọkmbono Obio Ubọn̄?” (Odu ke jw.org)
Se nte ndidụk ikọ Abasi Mme Ntiense Jehovah ini kiet kpọt akanamde owo n̄ka afai okpụhọde.