Se Akpadade Ekpri N̄wed Emi Anam

Ke n̄wed emi, oyokụt itie N̄wed Abasi eke usen ke usen ye nte ẹnamde enye an̄wan̄a. Okposụkedi emi afo ekemede ndikot enye ini ekededi, ediwak owo ẹsima ndikot enye usenubọk sia oro ayanam mmọ ẹkeme ndida ofụri usen oro n̄kere mban̄a se mmọ ẹkotde. Esinen̄ede ọfọn ubon ẹtie ọtọkiet ẹneme text emi. Ntre ke ẹsinam ke Bethel ke ofụri ererimbot ke ini udia usenubọk.

Ẹda text kiet kiet ẹto Enyọn̄-Ukpeme (w) April 2021 esịm March 2022. Nọmba oro ẹwetde ẹdian ọfiọn̄ ẹkesiode Enyọn̄-Ukpeme emi ada ọnọ page emi ẹdade text oro ẹto. Nọmba en̄wen oro ẹwetde ẹdian ada ọnọ ikpehe emi ẹdade text oro ẹto. (Se uwụtn̄kpọ mi ke idak.) Okpoyom ndikụt n̄kpọ en̄wen emi ẹtịn̄de ẹban̄a text usen kiet kiet, se ibuotikọ emi ẹdade text oro ẹto ke Enyọn̄-Ukpeme.