NTE ỌKPỌTỌN̄ỌDE NNEME
UKPEPN̄KPỌ 5
Tịn̄ Ikọ ye Mbufiọk
Se Bible Etịn̄de: “Ẹyak ikọ mbufo enyene inem kpukpru ini.”—Col. 4:6.
Se Paul Akanamde
1. Se VIDIO emi, mîdịghe kot Utom 17:22, 23. Ekem bọrọ mme mbụme emi:
Eketie didie Paul ke idem ini enye okokụtde ke mbon Athens ẹkpono mme abasi ubọk owo?—Se Utom 17:16.
Utu ke ndidọhọ ke se mbon Athens ẹnamde ifọnke, didie ke Paul akada se mmọ ẹkponode ọkwọrọ ikọ ọnọ mmọ?
Nso ke Ikpep Ito Paul?
2. Mme owo ẹyenen̄ede ẹma ndikop se itịn̄de edieke idiọn̄ọde se itịn̄de, ini itịn̄de ye nte itịn̄de ikọ.
Kpebe Paul
3. Sasat se etịn̄de. Ke uwụtn̄kpọ, ke ini ọkwọrọde ikọ ọnọ owo emi mîdịghe Christian, ekeme ndifọn okpụhọde nte etịn̄de aban̄a Bible m̀mê Jesus.
4. Kûsọsọp unen̄ede owo. Yak enye etịn̄ se isịnede enye ke esịt. Edieke enye etịn̄de n̄kpọ emi mîsịneke ke Bible, kûfan̄a n̄kpọ ye enye. (Jas. 1:19) Ama akpan̄ utọn̄ ọnọ owo, ọyọdiọn̄ọ se enye enịmde ye se inamde enye enịm n̄kpọ oro.—N̄ke 20:5.
5. Toro owo ke ini anade anam oro. Enye ekeme ndinen̄ede nnịm ke se ẹkpepde ke ufọkabasi mmimọ edi nnennen. Tọn̄ọ kan̄a ke nditịn̄ n̄kpọ emi mbufo mbiba ẹdinyịmede, ekem domo sụn̄sụn̄ ndin̄wam enye ọdiọn̄ọ se Bible ekpepde.