SIFIAK KA
UKPEPN̄KPỌ 7
Kûkpa Mba
Se Bible Etịn̄de: “Mmọ ẹka iso ye unana edikpa mba ndikpep nnyụn̄ ntan̄a eti mbụk.”—Utom 5:42.
Se Paul Akanamde
1. Se VIDIO emi, mîdịghe kot Utom 19:8-10. Ekem bọrọ mme mbụme emi:
Utu ke ndiyak idem emem enye ini ẹkekọbọde enye, didie ke Paul akaka iso an̄wam mbon oro ẹkemade ndikop Ikọ Abasi?
Ikafan̄ ke Paul akafiak aka ndikpep mbon oro ẹkemade Ikọ Abasi n̄kpọ, ndien enye ekesibet ebịghi adan̄a ddie?
Nso ke Ikpep Ito Paul?
2. Esiyom ini ye odudu man ifiak ika ibịne owo emi akamade Ikọ Abasi inyụn̄ ikpep enye Bible.
Kpebe Paul
3. Sifiak ka bịne owo ke ini edifọnde ye enye. Bụp idemfo ete: ‘Ini ewe ikpọfọn mfiak n̄ka mbịne owo oro n̄kọkwọrọde ikọ nnọ? Ini ewe ke enye edinyene ufan̄ se ineme nneme ndien ke m̀mọ̀n̄?’ Sima ndifiak n̄ka, ekpededi ini oro idifọnke ye afo.
4. Nịm ini. Ke utịt nneme mbufo, domo ndibụp enye m̀mê ini ewe ke ikpafiak idi. Kûtre ndifiak n̄ka ke ini ekenịmde ye ebiet ẹkediomide.
5. Kûduọk idotenyịn. Kûsọsọp ukere ke owo imaha Ikọ Abasi sia mûsukwe enye ke ufọk m̀mê ke ntak edide ama aka enye ke anam n̄kpọ ke ubọk. (1 Cor. 13:4, 7) Utu ke oro, nyene ime nyụn̄ ka ke ini emi edikụtde owo oro.—1 Cor. 9:26.