‘Akananam Ikopke Inemesịt Nte Idahaemi’

Oro ekedi ikọ otode n̄wan kiet oro akadade item ẹnọde ke n̄wed oro Ndinam Uwem Ufọk Fo Enem esịn ke edinam. Enye ama enyene mme mfịna ndọ onyụn̄ ọtọn̄ọ ndineme emi nnọ n̄wan kiet oro ekesidiọn̄de ufọk esie. N̄wan oro ekesidiọn̄de ufọk mi ewet ete:

“Item kiet ekededi oro n̄kọnọde enye okoto n̄wed oro. Ke akpatre mma ndọhọ enye nte ke mmenyene n̄wed kiet oro enye edikụtde nte enyenede ufọn. Mma nnam an̄wan̄a enye nte n̄wed emi akan̄wamde mi, n̄ko nte ke n̄wed emi enyene ekese ifiọk ẹtode Bible. Ke usen ifan̄ ẹbede, ami mma nnyene nneme ye enye ke urụk ukopikọ ndien enye ama asian mi ete ke imọ ye ebe imọ ima ikot n̄wed oro inyụn̄ ibiere ndinam n̄kpọ ye kiet eken ke usụn̄ ọfọnde akan.

“Mbubịteyo emi enye ama afiak okot nditịn̄ nnọ mi, ke adianade ye mme n̄kpọ eken, nte ke akananam mmimọ ikopke inemesịt ke uwem nte ikopde idahaemi. Mmọ ẹma ẹkot n̄wed emi ọtọkiet, ẹnyụn̄ ẹdụn̄ọde ke Bible, ndien ke ẹda mme edumbet esie ẹsịn ke edinam.”

Edieke afo oyomde un̄wam ke ndinam ndọ fo edi kiet oro enyenede inem akan, afo emekeme ndibọ ufọn nto n̄wed emi.

Emi edi ubak utom unọ ukpep Bible eke ofụri ererimbot oro ẹdade enọ imaesịt ẹn̄wam.

Mbọk nọ n̄wed ẹsọk address eke idakisọn̄ emi, ke oyomde ntọt efen ke nte afo ekemede ndibọ n̄wed Ndinam Uwem Ufọk Fo Enem.