“Nte Ọmọfiọk Enyịn̄ Abasi?”

MBỤME oro ama edemede udọn̄ n̄wan kiet ke usụk n̄kan̄ edem usoputịn Central Asia. Mbụme oro okodu ke edem Awake! eke January 22, 2004. Mma oro ekewet ọnọ mme andisio Awake! ete: “Mmenen̄ede mma magazine mbufo emi toto ke editọn̄ọ ndien enye an̄wam mi ndinyene nti edu. Nte nsede uwem idahaemi etetịm ọfọn akan nte n̄kesisede ke akpa. Ke n̄kwọrọ Abasi nnyịn nnọ kpukpru owo ye emem emi utọ ifiọk emi adade edi.”

Mme owo ke ẹkpep enyịn̄ Abasi oro Jehovah ke ediwak itie, idem “tutu esịm ke ata utịt ikpehe isọn̄.” (Utom 1:8) Ke uwụtn̄kpọ, ẹkeme ndikụt enyịn̄ emi Yehowa, ke usem Turkmen ke ediwak itie ke edikabade Edisana N̄wed Abasi eke usem Turkmen. Psalm 8:1 okot ete: “Jehovah, Ọbọn̄ nnyịn, enyịn̄ fo okpon didie ke ofụri ererimbot!”

Man ọfiọk n̄kpọ efen efen aban̄a Jehovah Abasi, Mma oro ama ọdọhọ ẹnọ imọ ediye uduot ekpri n̄wed oro enyenede page 32 do, Enyịn̄ Abasi emi Edibịghide ke Nsinsi. Afo n̄ko emekeme ndidọhọ kiet ke otu Mme Ntiense Jehovah ọnọ fi ediye uduot ekpri n̄wed emi.