Mme Ntọt

◼ Mme n̄wed ẹnọde ke December: Kpukpru usem—Akakan Owo Oro Akanam Odude Uwem, ke ₦240. Edieke mîdụhe, ẹkama N̄wed Mi eke Mme Mbụk Bible m̀mê Afo Emekeme Ndidu Uwem ke Nsinsi ke Paradise ke Isọn̄ (akamba udomo, ₦240; ekpri udomo, ₦120). January: Kpukpru usem—Ẹkeme ndinọ n̄wed ekededi oro enyenede page 192 oro ẹkemịn̄de ke babru oro akabarede etie utouto m̀mê oro okpụhọrede uduot m̀mê ekededi oro ẹkemịn̄de mbemiso 1982, ke usụhọde ekọmurua. Owo inyeneke ndisịn mme n̄wed oro ẹkemịn̄de ke babru oro mîkpaha mmọn̄ m̀mê oro mîkpụhọkede uduot ke se ẹnọde ke usụhọde ekọmurua emi. February ye March: Efịk, Igbo, ye Ikọmbakara—Ediyarade—Ubọn̄ Ubọn̄ Ata-Utịt Esie Emekpere! Mme usem eken—Afo Emekeme Ndidu Uwem ke Nsinsi ke Paradise ke Isọn̄. TỊMFIỌK: Mme esop oro ẹdiyomde mme n̄wed ubịnikọt oro ẹsiakde ke enyọn̄ emi ẹkpenyene ndinọ eben̄e mmọ ẹdi ke Literature Order Form (S-14) eke ọfiọn̄ ke ọfiọn̄ mmọ efen.

◼ Esenyịn oro etiede ibuot m̀mê owo efen oro enye emekde ekpenyene ndidụn̄ọde ibatokụk esop ke December 1 m̀mê usọp usọp nte ekekeme ke oro ebede. Tọt esop ke ẹma ẹkenam emi.

◼ Editi eke 1997 edidi ke Sunday, March 23, ke utịn ama okosụhọde. Ẹnọ mbemiso ntọt emi ẹban̄a usenọfiọn̄ usọrọ Editi eke 1997 man nditọete ẹkeme ndinam ndutịm oro odotde ndimụm m̀mê ndibọ mme ufọkmbono ẹmi ẹdude nnịm ke ini ediwak esop ẹdade Ufọkmbono Obio Ubọn̄ ẹnam n̄kpọ ndien anade mmọ ẹyom mme ufọk efen.

◼ Esịne-esịt ke nsiondi Utom Obio Ubọn̄ Nnyịn emi edi “Ndutịm Ufọkn̄wed Utom Ukara Abasi eke 1996” ndien ẹkpenyene ndinịm enye man ẹsinam ndụn̄ọde ke ofụri isua 1996.