Mme Esoputom Eke January
Urua Ọtọn̄ọde January 6
Ikwọ 6 (4)
Min. 15: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ n̄kpọ ban̄a ibatutom an̄wautom September eke idụt ye eke esop n̄kann̄kụk. Dụn̄ọde Ekebe Mbụme.
Min. 15: Ini Ndinyene Obufa Kad Advance Medical Directive/Release. Ebiowo odotde eneme ufọn ediwet n̄kpọ nyọhọ kad oro ofụri ofụri ye edikama enye kpukpru ini. N̄wed emi eyetịn̄ ikọ ọnọ fi edieke afo mûkemeke nditịn̄ ikọ ke idemfo ke ini mbabuat n̄kpọntịbe. (Men Mme N̄ke 22:3 domo.) Oyom ẹwet n̄kpọ ẹyọhọ obufa kad kpukpru isua ndiwụt uyarade eke ndondo emi ke ndisịn iyịp, sia ndusụk dọkta ye mbon en̄wen ẹdọhọde ke n̄wed ẹbede isua kiet ẹkeme nditre ndiwụt se owo enịmde ke akpanikọ idahaemi. Ke mbonoesop asuanade, ẹyenọ kpukpru asuanetop oro ẹma ẹkena baptism kad Advance Medical Directive/Release, ndien mbon oro ẹnyenede n̄kpri nditọ ẹyebọ Identity Card ẹnọ eyen kiet kiet. Nam an̄wan̄a nte ke owo inyeneke ndiwet n̄kpọ nyọhọ mme kad ke mbubịteyo emi. Ẹnyene ndiwet n̄kpọ ye ntịn̄enyịn nyọhọ mmọ ke ufọk edi OWO INYENEKE ndisịn ubọk. Ẹdisịn ubọk, ẹtie ntiense, ẹnyụn̄ ẹsịn usenọfiọn̄ ke kpukpru kad ke Ukpepn̄kpọ N̄wedesop efen oro etienede, ke idak ndausụn̄ ada ukpepn̄kpọ n̄wedesop. Enye eyese man okụt nte ke kpukpru owo ẹdude ke otu esie ẹbọ kad ẹnyụn̄ ẹbọ un̄wam oro ẹyomde. Mbon ẹmi ẹsịnde ubọk nte mme ntiense ẹkpenyene ndinen̄ede n̄kụt nte andinyene kad esịnde ubọk ke n̄wed oro. Owo ekededi emi mîdụhe ke ini oro ọyọbọ un̄wam oto mme ada ukpepn̄kpọ/mbiowo ke Esoputom en̄wen tutu kpukpru asuanetop ẹma ẹkena baptism ẹwet n̄kpọ ẹyọhọ kad mmọ ẹnyụn̄ ẹsịn ubọk. (Dụn̄ọde leta eke October 15, 1991.) Ebede ke ndida ikọ nto kad emi nnam ekekem ye mme idaha ye se mmọ ẹnịmde ke akpanikọ, mme asuanetop oro mînaha baptism ẹkeme ndiwet ndausụn̄ eke idemmọ ndida nnam n̄kpọ ke idemmọ ye nditọ mmọ.
Min. 15: “Ndidot Nnyụn̄ Ntịm Idem Ndinọ Mbon En̄wen Ukpep.” (Ikpehe ekikere 1-6) Tịn̄ n̄kpọ ibio ibio ke ikpehe ekikere 1-2, ọsọn̄ọde etịn̄ ufọn ndinyene mbuọtidem nte ke ye un̄wam Jehovah nnyịn imekeme ndinọ mbon en̄wen ukpep uforo uforo. Nam owo inan̄, iba ẹdide asuanetop, iba ẹnyụn̄ ẹdide enyeneufọk, ẹnam nneme oro ẹdude ke ikpehe ekikere 3-6 ẹwụt, otu kiet kiet ẹwụtde nte ẹnamde akpa ediwaha ye mfiakn̄ka.
Ikwọ 14 (6) ye akam ediberi.
Urua Ọtọn̄ọde January 13
Ikwọ 16 (58)
Min. 7: Mme ntọt n̄kann̄kụk. Sio ndusụk akpan n̄kpọ ndida nnyene nneme ke mme magazine eke ndondo emi wụt. Nọ mme ekikere ke nte ikemede nditịn̄ owo emi idide ke ini ikade ibịne mme owo ndinọ mmọ ikọ ntiense ido nneme. Kot otuowo ẹbụk ntọn̄ọikọ ẹmi mmọ ẹsidade ke ini ẹtịn̄de ikọ ẹnọ mme owo ke mme ufọkurua, ke mme efak, ke mme itie inemesịt, ke n̄kpọisan̄ mbio obio, ye ntre ntre eken. Sio ndutịm an̄wautom ke urua emi wụt.
Min. 10: “Ndidot Nnyụn̄ Ntịm Idem Ndinọ Mbon En̄wen Ukpep.” (Ikpehe ekikere 7-9) Bụk mme ifiọkutom ẹban̄ade edinam mme mfiakn̄ka nte ẹkụtde ke 1995 Yearbook, page 45, ọsọn̄ọde owụt ufọn edika mbịne udọn̄ ekededi oro ẹkụtde. Nam asuanetop emi enyenede mbufiọk anam nneme ẹdude ke ikpehe ekikere 7-8 owụt. Okposụkedi ẹnọde mme n̄wed en̄wen ke akpa ini, nnyịn ikpenyene ndisịn ukeme nnyịn ke ndinịm mme ukpepn̄kpọ ke n̄wed Ifiọk. Sịn udọn̄ nọ kpukpru owo ndidiomi ndusụk ini ke urua edide man ẹnam mme mfiakn̄ka.
Min. 13: “Ukpụhọ Ibọkusọbọ Oro Iyịp Mîsịneke.” Ebiowo emi odotde edise aban̄a emi. Kot kpukpru ikpehe ekikere. Sọn̄ọ tịn̄ nte ikpehe ekikere 3 ye 4 ẹdide akpan n̄kpọ ye ufọn edisobo ye mbiowo ke ini iyịp akabade edi mfịna ke unọ usọbọ.
Min. 15: “Ndikpeme Nditọ Mbufo Nsio ke Edida Iyịp Nnam N̄kpọ ke Idiọk Usụn̄.” Ebiowo ọnọ utịn̄ikọ ke ikpehe ekikere 1-10. Nam ntak ekikere oro an̄wan̄a nte ke iyomke ẹse nte edikan̄ mbuọtidem edinyịme oro ete ye eka ẹnyịmede abiausọbọ ọnọ eyen mmọ usọbọ ke idak mme idaha ẹwụtde ke ikpehe ekikere 5-7.
Ikwọ 15 (119) ye akam ediberi.
Urua Ọtọn̄ọde January 20
Ikwọ 21 (1)
Min. 10: Ntọt n̄kann̄kụk. Ntọt Ibatokụk.
Min. 15: “Ẹyenyan̄a Kpukpru Orụk Owo.” Mbụme ye ibọrọ. Kot otuowo ẹbụk ibio ibio ẹban̄a ndusụk ifiọkutom ẹwụtde nte mme owo ẹdude ke nsio nsio idaha ke uwem ẹkekpan̄de utọn̄ ẹnọ mmọ.
Min. 20: “Ndikpeme Nditọ Mbufo Nsio ke Edida Iyịp Nnam N̄kpọ ke Idiọk Usụn̄.” Edineme ikpehe ekikere 11-20 ke mbụme ye ibọrọ. Sọn̄ọ tịn̄ nte ke ete ye eka ndibem iso nnam ntịmidem nnọ eyen mmọ ndibọ usọbọ esiwak ndidi ukpọhọde edikụt unen ke ndifep edikịm iyịp nsịn ke idem.
Ikwọ 23 (93) ye akam ediberi.
Urua Ọtọn̄ọde January 27
Ikwọ 20 (57)
Min. 10: Mme ntọt n̄kann̄kụk.
Min. 18: “Nnyịn ‘Ikwọrọ Ikọ Abasi.’” Mbụme ye ibọrọ. Sịn ndusụk ikọ ẹwụtde ntak emi nnyịn itịmde iwụt esịtekọm ke ufọn oro Ikọ Abasi enyenede.—Se Awake! eke March 22, 1984, page 9-11.
Min. 17: Dụn̄ọde Mme N̄wed Ẹnọde ke February. Sio mme ikpehe oro ẹdemerede udọn̄ ke mme n̄wed oro wụt, utọ nte: (1) Mme n̄wọrọnda enyịn̄ ibuotikọ, (2) ndiye uduot ndise, ye (3) mme aduai-owo-idem mbụme oro ẹmịn̄de-mịn̄. Ke n̄kemuyo ye ikpehe mbonoesop oro ẹsụk ẹkụrede, sịn udọn̄ ete ẹkama itien̄wed Abasi oro ẹtịmde ẹmek ke nneme. Dọhọ ẹnam ibio ibio nneme kiet m̀mê iba ẹwụt. Ti kpukpru owo ete ẹbọ n̄wed ndida nnam n̄kpọ urua emi.
Ikwọ 26 (9) ye akam ediberi.