Edifiak-nse Eke Ufọkn̄wed Utom Ukara Abasi

Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua January 6 esịm April 21, 1997. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịm fiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄kpọ oro ẹwetde ẹdian ke etienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:

1. Mme Christian ẹnyene eti ntak ndida san̄asan̄a n̄kpọn̄ ererimbot. (1 John 5:19) [kl-EF p. 60 ikp. eki. 18]

2. Odudu ndomokiet ke isọn̄ ikekemeke ndifen idiọkn̄kpọ tutu Jesus akakpa onyụn̄ ọnọ ufak. [Edikot Bible eke urua ke urua; se w96-EF 4/15 p. 29.]

3. Jehovah akada prọfet Zechariah ye Haggai afiak edemede ifiopesịt ikọt Esie ndifiak mbọp temple. [w89-EF 6/15 p. 30]

4. Baptism edi ubiọn̄ edinyan̄a. [uw-EF p. 100 ikp. eki. 12]

5. Kpukpru owo ẹda idiọkn̄kpọ ye n̄kpa ẹmana, sia ẹkeyomode kpukpru nditọ Adam ye Eve ke mmọ ẹma ẹkenam idiọkn̄kpọ. [kl-EF p. 58 ikp. eki. 13]

6. Ufak ofụk kpukpru idiọkn̄kpọ mme anana mfọnmma owo. [Edikot Bible eke urua ke urua; se w95-EF 12/15 p. 29.]

7. Ke otu “ebot” ẹmi ẹsiakde ke Matthew 25:31-46, oro ẹdisobode nsinsi edisịbe mfep, ẹdidi ifịk ifịk mme andibuana ke Akwa Babylon ye mme adaiso ido ukpono mmọ. [Edikot Bible eke urua ke urua; se w95-EF 10/15 p. 26 ikp. eki. 13-15.]

8. Mme ikọ Jesus oro ẹwetde ke Matthew 23:33 ẹwụt ẹte ke mme scribe ye mme Pharisee, nte otu, ẹkedi ubak mfri Urụkikọt. [Edikot Bible eke urua ke urua; se w96-EF 6/1 p. 11 ikp. eki. 11.]

9. Ndifen mmọ en̄wen anam Abasi efen mme idiọkn̄kpọ nnyịn. [Edikot Bible eke urua ke urua; se w94-EF 9/15 p. 7.]

10. Jesus ndina baptism ndụk ke n̄kpa ọkọtọn̄ọ ke 29 E.N. ikonyụn̄ ikụreke tutu enye akpa ata n̄kpa onyụn̄ eset. [uw-EF p. 97 ikp. eki. 6]

Bọrọ mme mbụme ẹtienede mi:

11. Ke nso usụn̄ifiọk ke Obio Ubọn̄ Jesus mîdibiarake? (Dan. 7:14) [uw-EF p. 86 ikp. eki. 15]

12. Nso utom iba emi Jesus Christ ọkọyọhọde ke ẹketịn̄ ẹban̄a ke Zechariah 6:12, 13? [w89-EF 6/15 p. 31]

13. Utu ke ndisụk mbon oro nnyịn ikerede ke ẹkeme ndinam ekese ke utom Obio Ubọn̄ uyo, nso ke nnyịn owo kiet kiet ikpanam? (Gal. 6:4) [uw-EF p. 93 ikp. eki. 13]

14. Nso ke Zechariah ndikabiat esan̄ emi ẹkotde Uyai ọkọwọrọ? (Zech. 11:7-11) [Edikot Bible eke urua ke urua; se w89-EF 6/15 p. 31.]

15. Ke nso usụn̄ ke mme owo ẹbọ ufọn ẹto ufak Jesus idahaemi? [kl-EF p. 68-69 ikp. eki. 17-19]

16. Ke nso usụn̄ifiọk ke “prophet Elijah” okowụt idem ke akpa isua ikie, ke ndisu Malachi 4:5? [w89-EF 7/1 p. 30]

17. Didie ke owo ekeme nditụk Abasi? (Mal. 3:8) [Edikot Bible eke urua ke urua; se w95-EF 4/15 p. 18 ikp. eki. 15.]

18. M̀mọ̀n̄ ke n̄wed Matthew ke nnyịn ikụt eti item oro Jesus ọkọnọde ke ndibiere n̄kpọsọn̄ mfịna? [Edikot Bible eke urua ke urua; se w95-EF 7/15 p. 22.]

19. Nso idi “okụk kiet” oro ẹsiakde ke n̄ke Jesus oro ẹwetde ke Matthew 20:1-16? [Edikot Bible eke urua ke urua; se gt-EF 97 ikp. eki. 6.]

20. Siak n̄kpọ iba ẹmi ẹsọn̄ọde ebe ke Abasi ndiyak idiọkido aka iso. [kl-EF p. 77-78 ikp. eki. 18-20]

Dọn̄ (mme) ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:

21. Ẹkot n̄wed Matthew eke Bible _________________________. [w89-EF 7/15 p. 24]

22. Idịghe _________________________ edi ntak akpakịp _________________________ oro ọnọmọde _________________________. (Jas. 1:13) [kl-EF p. 71 ikp. eki. 3]

23. Ẹdikpe ikpe ye mme akpan̄kpa oro ẹtịn̄de ẹban̄a ke Ediyarade 20:12 nte ekemde ye se mmọ ẹnamde ke mmọ _________________________ ẹkeset ke n̄kpa. Emi anam nnyịn ifiọk ite ke eke mmọ nte owo mîkemeke ndifep edidi ediset _________________________. (John 5:28, 29) [uw-EF p. 75 ikp. eki. 12]

24. Okposụkedi owo mîkenen̄ekede inọ Jesus ọkpọkpọ enyịn̄ oro _________________________, utom esie nte owo ama osu se enyịn̄ oro _________________________. (Isa. 7:14; Matt. 1:22, 23) [Edikot Bible eke urua ke urua; se w92-EF 1/15 p. 22.]

25. “Spirit” (New World Translation) oro ọwọrọde owo ke idem ke n̄kpa edi _________________________ emi otode Abasi. (Ps. 146:4) [kl-EF p. 81 ikp. eki. 5-6]

Mek nnennen ibọrọ ke mme utịn̄ikọ kiet kiet oro ẹtienede mi:

26. Uyarade odu nte ke Matthew ekewet Gospel esie ke (Hebrew; Aramaic; Greek) ekem akabade enye esịn ke (Hebrew; Aramaic; Greek). [w89-EF 7/15 p. 24]

27. Ata n̄wakn̄kan ke otu (nsụhọ; 144,000) ẹdu ke heaven, ndien (nsụhọ; 144,000), ẹsụk ẹdude ke isọn̄, ẹnam (Otu Ukara; otu asan̄autom emi anamde akpanikọ, onyụn̄ enyenede ọniọn̄). [uw-EF p. 80 ikp. eki. 7]

28. Jesus akakabade edi Messiah ke (emana; baptism; ediset ke n̄kpa) esie, emi akadade itie ke isua (2 M.E.N.; 29 E.N.; 33 E.N.). [kl-EF p. 65 ikp. eki. 12]

29. Baptism “ke enyịn̄ Ete ye Eyen ye Edisana Spirit” ọkọtọn̄ọ ke (29 E.N.; 33 E.N.; 36 E.N.). (Matt. 28:19) [uw-EF p. 98 ikp. eki. 9]

30. Utịp oro Jesus ọkọn̄wọn̄ọde ọnọ mbon oro ẹnyịmede mme mbet esie nte mme prọfet, nte ẹwetde ke Matthew 10:41, edi (uwem nsinsi; ukpeme Abasi; edikop etop Obio Ubọn̄). [Edikot Bible eke urua ke urua; se w88-EF 1/1 p. 26.]

Wet mme itien̄wed Abasi ẹtienede mi ẹkekem ye mme utịn̄ikọ ẹwetde mi ke idak:

Zech. 4:6; Matt. 4:8-10; Matt. 16:19; Phil. 1:9-11; Heb. 13:5, 6

31. Nnyịn ikpenyene ndida uwem nnyịn nnam n̄kpọ ke usụn̄ oro owụtde ke nnyịn imenen̄ede idiọn̄ọ se mme n̄kpọ ẹmi ẹdide akpan n̄kpọ ẹkan ẹdide. [uw-EF p. 91 ikp. eki. 9]

32. Ata mme anditiene Jesus ẹsisịn ndibuana ke mbubehe ukaraidem ererimbot emi. [Edikot Bible eke urua ke urua; se w96-EF 5/1 p. 12 ikp. eki. 9.]

33. Ifiọk aban̄ade Obio Ubọn̄ Abasi ekeberede usụn̄ uka heaven ọnọ mme Jew, mbon Samaria, ye mme Gentile. [Edikot Bible eke urua ke urua; se w91-EF 3/15 p. 5.]

34. Idịghe ke ukeme owo edi ebe ke ndausụn̄ ye ukpeme Jehovah ke ẹkan ubiọn̄ọ ofụri ererimbot oro ẹbiọn̄ọde utom ukwọrọikọ nnyịn. [Edikot Bible eke urua ke urua; se w94-EF 8/15 p. 17 ikp. eki. 4.]

35. Kpa ye mme n̄kpọ ẹsọn̄de urua ye ntatara unana, Jehovah oyokụt ete ke nnyịn imenyene se nnyịn inen̄erede iyom. [uw-EF p. 89 ikp. eki. 6]