Mme Esoputom Eke July
Urua Ọtọn̄ọde July 7
Ikwọ 6
Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ n̄kpọ ban̄a ibatutom an̄wautom March eke idụt ye eke esop n̄kann̄kụk.
Min. 15: “Ẹsinọ Edinam Akpanikọ Utịp.” Mbụme ye ibọrọ. Sịn uwụtn̄kpọ oro ẹbụkde ke Awake! eke January 22, 1993, page 18-21.
Min. 20: “N̄wam Mbon En̄wen Ẹnyene Ndọn̄esịt.” Nneme otuowo. Nam nneme kiet m̀mê iba wụt. Dọhọ otuowo ẹbụk mme usụn̄ en̄wen oro mmọ ẹkedade ediye uduot ekpri n̄wed oro ẹtọn̄ọ nneme. Sịn udọn̄ nọ ete ẹda mmemmem ikọ ẹmi ẹtịmde ẹmek man ẹdemerede udọn̄. (Se Ñwed-item Ufök-ñwed, page 5-6, ikpehe ekikere 9-11.) Siak ndiye uduot n̄kpri n̄wed eken oro ẹkemede ndinọ ẹmi ẹnyụn̄ ẹdude ke esop.
Ikwọ 70 ye akam ediberi.
Urua Ọtọn̄ọde July 14
Ikwọ 5
Min. 12: Mme ntọt n̄kann̄kụk. Neme Ekebe Mbụme.
Min. 18: “Nọ Ikọ Ntiense ke Ebiet Ekededi Emi Mme Owo Ẹdude.” Utịn̄ikọ. Nte ini ayakde, ẹkeme ndibuana mme ifiọkutom efen efen ẹtode 1997 Yearbook, page 43-46.
Min. 15: Mme Ete ye Eka—Ẹnọ Nditọ Mbufo Ukpep Toto ke Uyen. Ebiowo eneme mme edumbet N̄wed Abasi oro ẹwụtde ufọn mme ete ye eka ndinọ nditọ mmọ ukpep toto ke uyen. (N̄ke 22:6; 2 Tim. 3:14, 15) Ndusụk ete ye eka ẹkere ẹte ke owo ikpenyeneke ndinọ nditọ akpan ukpepn̄kpọ Bible tutu mmọ ẹkọri ẹkem ndinam mme ubiere idemmọ. Ke mme utọ idaha oro ediwak nditọwọn̄ ẹmesop ke ererimbot. Item eke spirit ọkpọtọn̄ọ ke uyen. (g97-E 3/8 26-27; w88-EF 8/1 12-13) Nam ndụn̄ọde ye ebe ye n̄wan ẹmi ẹkerede ẹban̄a idaha eke spirit nditọ mmọ. Wụt nte ete adade usụn̄ edi nte ke ete ye eka ẹnam udeme mmọ ke ndinọ eti ndutịm oro enyenede iwụk kaban̄a edinọ nditọ mmọ ukpep. Ebe ye n̄wan ẹbụk se mmọ ẹsinamde ke ukeme ndikpep nditọ mmọ akpanikọ, ẹdade mme ekikere oro esop ọnọde aban̄a edinyene eti ndutịm unọ ukpep ke ufọk ẹsịn ke edinam. Ebiowo ọsọn̄ọ etịn̄ ufọn edida se Ikọ Abasi etemede ete ye eka ẹnam nsịn ke edinam.—w85-EF 10/1 23; Eph. 6:1-4.
Ikwọ 71 ye akam ediberi.
Urua Ọtọn̄ọde July 21
Ikwọ 14
Min. 12: Mme ntọt n̄kann̄kụk. Ntọt ibatokụk. Dụn̄ọde “Nnyịn Idikpep N̄wed Inemesịt Ubon.”
Min. 13: “Anie Edinyụn̄ Aka N̄kpọ ọnọ Nnyịn?” In̄wan̄în̄wan̄ utịn̄ikọ. Sịn nsịnudọn̄ ẹnọde ndinam usiakusụn̄ ofụri ini ye ifiọkutom ẹkụtde ke esịne-esịt Utom Obio Ubọn̄ Nnyịn eke February 1997, ikpehe ekikere 16-17. Mbon oro mîkemeke ndidi mme asiakusụn̄ ofụri ini ẹkeme ndidiomi (mme) ọfiọn̄ oro mmọ ẹkemede ndinam utom usiakusụn̄ unọ un̄wam ke isua utom edide.
Min. 20: Tịm Idem Ndinọ Ikọ Ntiense Ido Nneme. Kpukpru usen, nnyịn imesisobo mme ifet ndinọ mme owo oro isobode ikọ ntiense. Ke ini ifet ebererede, nnyịn imekeme ndikụt ke nnyịn ikamake Bible m̀mê mme n̄wed ndida nnam n̄kpọ. Bem iso tịm idem. Ke ufọk, nịm ndusụk n̄wed kpere enyịnusụn̄ nte ẹkemede ndikụt ke itie emi afo esikọmde isenowo. Dọn̄ nsio nsio n̄wed ke ekpat m̀mê ke ekpatubọk, nyụn̄ kama enye m̀mê sịn enye ke moto fo, ke itieutom fo, m̀mê ke okpokoro udọn̄n̄wed fo ke ufọkn̄wed. Kama n̄kpọ ke ini odụkde n̄kpọisan̄ ofụri owo. Kama ndusụk n̄wed ke ini afo akade isan̄ mbubehe, anamde isan̄ aka mbono, akade obio emana fo, m̀mê akade nduọkodudu. Neme mme ekikere efen efen ẹdude ke Ñwed-item Ufök-ñwed, page 79-81, ikpehe ekikere 11-16. Nam ndusụk usụn̄ ibio ibio wụt nte ẹkemede ndika mbịne anyamurua, nsan̄autom, nsan̄a ufọkn̄wed, owo en̄wen emi akade isan̄, m̀mê owo emi odude ke nduọkodudu.
Ikwọ 72 ye akam ediberi.
Urua Ọtọn̄ọde July 28
Ikwọ 15
Min. 12: Mme ntọt n̄kann̄kụk. Ti kpukpru owo ẹnọ ibatutom an̄wautom mmọ. Dụn̄ọde mme n̄wed ẹnọde ke August. Nọ ntịn̄enyịn ke edifiak n̄ka ebiet emi ẹkenịmde ndiye uduot n̄kpri n̄wed ke July ye edinam mfiakn̄ka ke August, ẹdomode nditọn̄ọ ukpepn̄kpọ Bible. Adade esịne-esịt Utom Obio Ubọn̄ Nnyịn eke March 1997, wụt ndusụk akpan n̄kpọ kaban̄a edinam mfiakn̄ka oro enyenede uforo. Ẹkpenyene nditọn̄ọ ukpepn̄kpọ ke ediye uduot ekpri n̄wed Oyom m̀mê n̄wed Ifiọk.
Min. 15: Mme udọn̄ n̄kann̄kụk. Mîdịghe, ebiowo ọnọ utịn̄ikọ ke “Sịn Ndikop Mbukpo N̄ke,” ọkọn̄ọde ke Enyọn̄-Ukpeme, April 1, 1994, page 29-31.
Min. 18: Nam Utom Fo Ma Ọyọhọ Ọyọhọ. Utịn̄ikọ emi esenyịn utom ọnọde ọkọn̄ọde ke n̄wed Utom Nnyịn, page 5-8. Sọn̄ọ tịn̄ nte utom ukwọrọikọ edide akpan n̄kpọ onyụn̄ edide usọp usọp, esịnde udọn̄ ọnọ kpukpru owo ndida mbiomo mmọ nte mme asan̄autom ke akpan n̄kpọ.
Ikwọ 75 ye akam ediberi.