Esoputom Eke January
Urua Ọtọn̄ọde January 5
Ikwọ 10
Min. 8: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.
Min. 17: “Ẹkop Idatesịt ke Ndinọ Ọyọhọ Ọyọhọ Ikọ Ntiense.” Edineme ibuotikọ ye otuowo. Wụt mme akpan n̄kpọ ke nneme oro enyenede uforo: (1) Kọm ufan ufan, (2) tịn̄ tụk m̀mê bụp mbụme ban̄a ibuot nneme edide n̄kpọ udọn̄ eke ndondo emi, (3) tịn̄ ban̄a itien̄wed Abasi oro odotde, nyụn̄ (4) dụri udọn̄ ka n̄wed oro ẹnọde. Nam asuanetop emi odotde anam akpa nneme ẹnọde ekikere owụt ye mfiakn̄ka oro ekemde ye oro.
Min. 20: Tịm Idem Idahaemi Ndimụm Ibet Abasi Kaban̄a Iyịp N̄kama. Ebiowo emi odotde eneme ufọn ediwet n̄kpọ nyọhọ kad Advance Medical Directive/Release. Ndausụn̄ eke odudu spirit ke Psalm 19:7 owụt ke Utom 15:28, 29 edi ediwụt mfọnmma ibet Abasi kaban̄a iyịp. Mme andituak ibuot oro ẹnamde akpanikọ ẹdomo ndimụm ibet oro n̄kama. N̄wed emi anam ẹdiọn̄ọ ubiere fo ndinam ntre onyụn̄ etịn̄ ikọ ọnọ fi ke ini afo mûkemeke nditịn̄ ikọ ke idemfo. (Men Mme N̄ke 22:3 domo.) Obufa kad ọnọ uyarade fo eke idahaemi ndisịn iyịp. Ke mbonoesop emi asuanade, ẹyenọ Mme Ntiense oro ẹma ẹkena baptism ẹmi ẹyomde ndinyene obufa kad kiet, ndien mbon ẹnyenede n̄kpri nditọ oro mînaha baptism ẹyebọ Identity Card ẹnọ eyen kiet kiet. Owo inyeneke ndiwet n̄kpọ nyọhọ kad mbubịteyo emi. Ẹnyene ndiwet n̄kpọ ye ntịn̄enyịn nyọhọ mmọ ke ufọk edi OWO INYENEKE ndisịn ubọk. Ẹdisịn ubọk, ẹtie ntiense, ẹnyụn̄ ẹsịn usenọfiọn̄ ke kpukpru kad ke Ukpepn̄kpọ N̄wed Esop en̄wen asuanade, ke idak ndausụn̄ ada ukpepn̄kpọ n̄wed. Enye emi oyokụt ete ke kpukpru owo ẹdude ke otu esie ẹmi ẹyomde ndikama ndausụn̄ ibọkusọbọ ẹnyene un̄wam oro oyomde. Mbon ẹmi ẹsịnde enyịn̄ nte mme ntiense ẹkpenyene ndinen̄ede n̄kụt nte andinyene kad esịnde ubọk ke n̄wed oro. Owo ekededi emi mîdụhe ke ini oro emi onyụn̄ oyomde ndiwet n̄kpọ nyọhọ nnyụn̄ nsịn ubọk ke kad ọyọbọ un̄wam oto mme ada ukpepn̄kpọ/mbiowo ke Esoputom en̄wen tutu kpukpru asuanetop ẹma ẹkena baptism ẹwet n̄kpọ ẹyọhọ kad mmọ mfọn mfọn. (Dụn̄ọde leta eke October 15, 1991.) Ebede ke ndida ikọ nto kad emi nnam ekekem ye mme idaha ye se mmọ ẹnịmde ke akpanikọ, mme asuanetop oro mînaha baptism ẹkeme ndiwet ndausụn̄ eke idem mmọ ndida nnam n̄kpọ ke idem mmọ ye eke nditọ mmọ.
Ikwọ 142 ye akam ediberi.
Urua Ọtọn̄ọde January 12
Ikwọ 125
Min. 10: Mme ntọt n̄kann̄kụk. Wụt mme ndutịm an̄wautom ẹnamde ẹnọ utịturua emi.
Min. 15: “Ndiwụt Unana Asari ke Utom Ukwọrọikọ Nnyịn.” Mbụme ye ibọrọ. Wụt mme ikpehe ke ibuot nneme emi oro ẹdide akpan n̄kpọ udọn̄ ke efakutom n̄kann̄kụk.
Min. 20: “Jehovah Ọnọ Akwa Ubom Odudu.” Mbụme ye ibọrọ. (Se w90-EF 7/15 19, ikpehe ekikere 15-16.) Diomi man ndusụk owo ẹbụk mme akama-nsịnudọn̄ ifiọkutom ẹwụtde nte Jehovah ọkọsọn̄ọde mmọ idem.
Ikwọ 81 ye akam ediberi.
Urua Ọtọn̄ọde January 19
Ikwọ 1
Min. 10: Mme ntọt n̄kann̄kụk. Ntọt ibatokụk.
Min. 15: Mme udọn̄ n̄kann̄kụk.
Min. 20: Ukpepn̄kpọ Ubon Oro Adade Idatesịt Edi. Ebe ye n̄wan ẹneme ẹban̄a mme udọn̄ eke spirit ubon mmọ. Ke ẹkerede ẹban̄a mme odudu ererimbot ẹmi ẹtụkde nditọ mmọ ke idiọk usụn̄, ọdọn̄ mmọ ndisọn̄ọ idaha eke spirit nditọ mmọ edi ẹkụt nte ke ukpepn̄kpọ ubon mmimọ idịghe kpukpru ini inyụn̄ inyeneke uforo. Mmọ ẹdụn̄ọde se ẹtorode ẹban̄a nte ẹkpenịmde ukpepn̄kpọ ubon emi enyenede se ọwọrọde oro ẹkenọde ke Enyọn̄-Ukpeme, August 1, 1997, page 26-29. Mmọ mbiba ẹbiere ndikụt ẹte ke ẹnam n̄kpọ ndikpeme mfọnọn̄kpọ eke spirit nditọ mmọ.
Ikwọ 146 ye akam ediberi.
Urua Ọtọn̄ọde January 26
Ikwọ 187
Min. 12: Mme ntọt n̄kann̄kụk. Dụn̄ọde mme n̄wed ẹnọde ke February. Siak akpan n̄kpọ kiet m̀mê iba otode n̄wed Inemesịt Ubon oro edide n̄kpọ un̄wam ke ini ẹnọde enye.
Min. 15: “Wụt Ukpono nọ Itie Utuakibuot Jehovah.” Mbụme ye ibọrọ. Ebiowo, emi ekpenyenede ndibuan ke mfọnido nte ekemde ye n̄kann̄kụk, enyene ndise mban̄a.
Min. 18: Nditọt Udeme Nnyịn ke Utom Edinọ Ikọ Ntiense Ofụri Ererimbot. (Ọkọn̄ọde ke n̄wed Utom Nnyịn, page 100-102, 106-110) Utịn̄ikọ ye nneme emi ewetn̄wed esede aban̄a. Ke ama ọkọnọ uwụtn̄kpọ N̄wed Abasi ke nditọt utom nnyịn kpukpru ini, enye okot asan̄autom unamutom iba ete ẹdidụn̄ọde ekpri ibuotikọ oro “Ntak Emi Nnyịn Isitọtde Ibatutom An̄wautom Nnyịn.” Ekem ewetn̄wed ọsọn̄ọ etịn̄ nte edide akpan n̄kpọ ndinọ nnennen ibatutom ke ini. Enye owụt mme ntak ẹmi edinịm mme ọkpọkpọ utịtmbuba enyenede ufọn, eberide ye mme akama-nsịnudọn̄ ikọ ẹban̄ade mme edidiọn̄ oro ẹtode mbon ẹmi ẹnyenede ọyọhọ ebuana ke utom edinọ ikọ ntiense.
Ikwọ 189 ye akam ediberi.