Esoputom Eke June
Urua Ọtọn̄ọde June 1
Ikwọ 223
Min. 8: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Mbụk Ukara Abasi.
Min. 15: “Ẹben̄e Idem ke Kpukpru Nde Ndinam Eti Utom Ekededi.” Mbụme ye ibọrọ. Tịn̄ n̄kpọ ibio ibio ban̄a Enyọn̄-Ukpeme eke February 15, 1989, page 22-24.
Min. 22: “Ndinọ ‘Kpukpru Owo’ Ikọ Ntiense.” Ebiowo anam an̄wan̄a nte ke se ẹnọde ke June esịne mme n̄wed ẹmi ẹnyenede page 192 oro ẹsatde-sat, ye otu ẹmi ẹsịnede n̄wed iba m̀mê inan̄ ke usụhọde ekọmurua. Ebiowo ye otu asuanetop ẹmi ẹnyenede mbufiọk ẹneme mme nneme oro ẹnọde ekikere ẹban̄a. Nam an̄wan̄a ntak emi anade inyene n̄kpọ ke ekikere ndida ntọn̄ọ nneme ke ini kiet kiet. Ẹnam ibio ibio nneme kiet m̀mê iba ẹwụt.
Ikwọ 112 ye akam ediberi.
Urua Ọtọn̄ọde June 8
Ikwọ 209
Min. 10: Mme ntọt n̄kann̄kụk.
Min. 15: “Ndise Mban̄a Inyene Eteufọk.” Utịn̄ikọ emi ebiowo ọnọde, okụrede ntọt oro odude ke esịne-esịt.
Min. 20: “Oyom Kpukpru Nnyịn Man Inam Utom Ima.” Mbụme ye ibọrọ. Nam an̄wan̄a ntak emi mbiowo ẹberide edem ke ediwak mme anamutom unyịmesịt man ẹnam mme akpan n̄kpọ ẹma. Dụn̄ọde mme udọn̄ n̄kann̄kụk, utọ nte edinam asana ye edidiọn̄ Ufọkmbono Obio Ubọn̄, edin̄wam mbon udọn̄ọ ye mbon usọn̄, ye edikụre efakutom. Dọhọ mbiowo ẹtịn̄ n̄kpọ ẹban̄a nte mmọ ẹwụtde esịtekọm ẹnọ ima ima un̄wam oro ediwak owo ẹnọde. Sọn̄ọ tịn̄ nte ẹyomde ukeme owo kiet kiet.
Ikwọ 153 ye akam ediberi.
Urua Ọtọn̄ọde June 15
Ikwọ 7
Min. 10: Mme ntọt n̄kann̄kụk. Ntọt ibatokụk.
Min. 20: “Ẹsịn̄ede Idem Mbufo Ọkpọsọn̄.” Utịn̄ikọ ọkọn̄ọde ke Enyọn̄-Ukpeme eke May 15, 1986, page 10-14. Neme ban̄a nte utom usiakusụn̄ ofụri ini edide akpan n̄kpọ, esịnde udọn̄ ọnọ edisịn enyịn̄ ke September 1.
Min. 15: “Ndida Eti Edu Uwem Nnọ Ikọ Ntiense.” Mbụme ye ibọrọ. Nam ndụn̄ọde ye ndusụk n̄kparawa owo ẹmi ẹnịmde eti uwụtn̄kpọ. Mmọ ẹbụk nte edu uwem Christian mmọ okotụkde mbon efen ke eti usụn̄. Bụk ifiọkutom kiet m̀mê iba otode Enyọn̄-Ukpeme, January 1, 1995, page 24-25.
Ikwọ 170 ye akam ediberi.
Urua Ọtọn̄ọde June 22
Ikwọ 61
Min. 10: Mme ntọt n̄kann̄kụk. Tọt ini emi ẹkekụrede ndụn̄ọde ibatokụk esop.
Min. 15: Nte Ẹkemede Nditọn̄ọ Afan̄ Magazine. Sian se ẹyomde: wet kpukpru se enịmde, fiak ka ke ufọt urua iba, wụt mbufa ifiọk ẹtode mme magazine ndondo emi ndikọri udọn̄ oro. Nọ ekikere ban̄a edisịn mme mbọhọidụn̄, mme nsan̄autom, mme enyene ufọkurua, mme anyam aranuwat, ye ntre ntre. Da editobo ọfiọn̄ itiokiet nọ mbon oro ẹkade iso ẹnyene udọn̄. Dọhọ asuanetop kiet m̀mê iba ẹbụk nti ifiọkutom ẹban̄ade mme afan̄ magazine.
Min. 20: Mme Asiakusụn̄ Ẹn̄wam Mbon Efen. Utịn̄ikọ emi esenyịn utom ọnọde, odụn̄ọrede ndutịm emi ẹnamde man mme asiakusụn̄ ẹn̄wam mbon efen. Nam an̄wan̄a nte ẹketọn̄ọde mme ndutịm un̄wam ke edem. (jv 100; km-EF 9/79 1, 3) Se iwakde ibe mbufa owo miliọn kiet oro ẹkenade baptism ke isua ita ẹmi ẹkebede ẹyom ukpep. Ẹda mbufiọk ye ukpep mme asiakusụn̄ ofụri ini ye mme akpan asiakusụn̄ ẹmi ẹma ẹkeka Ufọkn̄wed Utom Usiakusụn̄ ẹnam n̄kpọ ke ndutịm “Mme Asiakusụn̄ Ẹn̄wam Mbon En̄wen.” Uduak edi asiakusụn̄ kiet kiet ndin̄wam asuanetop iba ke isua ndikabade nnyene usọ ke utom ukwọrọikọ nnyụn̄ nnyene ebuana oro okponde akan. Mbon oro ẹn̄wamde inyeneke ntak ndomokiet ndinyek idem; ẹdori nsọn̄uyo ke ndinọ ima ima, nsịnudọn̄ mfọnido. Obufa ndutịm emi ọnọ idotenyịn kaban̄a ediwak tọsịn owo ke mme itie ikie ndikabade ndi mme asan̄autom ẹmi ẹtịmde ẹnyene uforo.
Ikwọ 207 ye akam ediberi.
Urua Ọtọn̄ọde June 29
Ikwọ 114
Min. 10: Mme ntọt. Ti kpukpru owo ndiyak ibatutom mmọ eke ọfiọn̄ June nnọ. Neme mme n̄wed ẹnọde ke July.
Min. 15: Mme udọn̄ n̄kann̄kụk m̀mê Nte Ami Mmetek ke Ifịk? Utịn̄ikọ emi ebiowo ọnọde ọkọn̄ọde ke Enyọn̄-Ukpeme, December 15, 1987, page 18-19, ikpehe ekikere 14-16. Sịn udọn̄ nọ mbon oro ẹma ẹkesịn ifịk ke ediwak isua nditie n̄kere uduot ye udomo edisana utom mmọ.
Min. 20: Kpukpru Nnyịn Imekeme Ndinọ Ikọ Ntiense ke Ido Nneme. Utịn̄ikọ ye nneme otuowo ọkọn̄ọde ke Enyọn̄-Ukpeme, October 15, 1987, page 21-26. Wụt nte mbon oro mbiomo n̄kpọ ererimbot, eke ubon, m̀mê eke idemowo adade ini mmọ ẹkemede ndinyene ekese ifet kpukpru usen ndibuana eti mbụk ye mbon efen. Buan ndusụk ifiọkutom n̄kann̄kụk.
Ikwọ 76 ye akam ediberi.