Esoputom Eke July

Urua Ọtọn̄ọde July 6

Ikwọ 110

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ n̄kpọ ban̄a ibatutom an̄wautom March eke idụt ye eke esop n̄kann̄kụk.

Min. 15: “Ọfọn Didie Ntem Ndidụk Kpukpru Ini!” Mbụme ye ibọrọ. Sịn utịn̄ikọ odude ke Awake!, June 8, 1988, page 19-21, ndisịn udọn̄ nnọ n̄kparawa owo ndidụk mme mbono esop kpukpru ini.

Min. 20: “Oyom Mme Mbọhọidụn̄ Nnyịn Ẹkop Eti Mbụk.” Edinọ otu n̄wed iba m̀mê inan̄ ke usụhọde etịbe. Diomi mme asuanetop iba m̀mê ita ẹmi ẹnyenede ukeme ndidụn̄ọde mme ekikere ẹnọde, ẹdade n̄wed Mme Mbụk Bible. Sio mme akpan n̄kpọ oro ẹkemede ndinyene uforo ke efakutom n̄kann̄kụk wụt. Dori nsọn̄uyo ke utịtmbuba eke editọn̄ọ mme ukpepn̄kpọ Bible ke ediye uduot ekpri n̄wed Oyom m̀mê n̄wed Ifiọk. Nam akpa nneme wụt ndien ekem mfiakn̄ka nyụn̄ dọhọ ke imọn̄ ikpep enye n̄kpọ.

Ikwọ 73 ye akam ediberi.

Urua Ọtọn̄ọde July 13

Ikwọ 116

Min. 10: Mme ntọt n̄kann̄kụk. Sịn udọn̄ nọ kpukpru owo ndinen̄ede n̄kere mban̄a edisịn enyịn̄ nte mme asiakusụn̄ unọ un̄wam ke August, ke ini ọyọhọ ọyọhọ utịturua ition ẹdidude.

Min. 15: “Anie Edede Adia Ufọk Mme Ebeakpa?” Mbụme ye ibọrọ. Ebiowo edise aban̄a.

Min. 20: Nte Edu Ererimbot ke Abiat Fi? Utịn̄ikọ emi ebiowo ọnọde oro ọkọn̄ọde ke Enyọn̄-Ukpeme, October 1, 1997, page 25-29.

Ikwọ 182 ye akam ediberi.

Urua Ọtọn̄ọde July 20

Ikwọ 18

Min. 8: Mme ntọt n̄kann̄kụk. Ntọt ibatokụk.

Min. 12: “Ediwaha Oro Ekemede Ndidi Edidiọn̄.” Nneme ke ufọt mbiowo iba. Nam uduak utom ubọkerọn̄ an̄wan̄a nte ẹfiakde ẹdụn̄ọde ke Enyọn̄-Ukpeme, September 15, 1993, page 20-23. Sịn udọn̄ ufiop ufiop nọ esop ndidori enyịn ke ediwaha mbiowo.

Min. 25: “Utom Usiakusụn̄—Nte Enye Enyene Fi?” (Ikpehe ekikere 1-14) Esenyịn utom ọnọ ibio ibio ntọn̄ọikọ, esịnde udọn̄ ọnọ kpukpru owo ndinen̄ede n̄kere mban̄a usiakusụn̄ ofụri ini. Ekem enye eneme mbụme 1, esịnede mme ikọ oro ẹdude ke “Ufiop Ufiop Edu Usiakusụn̄” ke 1998 Yearbook, page 104-105. Owo iba m̀mê ita ẹmi ẹbuanade ke esop oro ẹnyenede ifiọk usiakusụn̄ ẹdiana ye enye ke itie edinam ndineme mbụme 2. Mmọ ẹbuana eti ekikere oro edide ata idem n̄kpọ ke nte ẹkemede ndinam ọfọn ke n̄kan̄ eke obụk nte mme asiakusụn̄. Ekem ete ye eka iba ẹdiana ye otu ke ndineme mbụme 3. Mmọ ẹnọ nti ntak ẹmi akpanamde mme uyen ẹkere ẹban̄a ubọkọkọ eke utom uyọhọ ini. Sịn udọn̄ nọ kpukpru owo ndidụk Esoputom urua efen, emi ẹdinemede mme mbụme ẹsụhọde.

Ikwọ 80 ye akam ediberi.

Urua Ọtọn̄ọde July 27

Ikwọ 155

Min. 15: Mme ntọt n̄kann̄kụk. Ti kpukpru owo ndiyak ibatutom an̄wautom July nnọ. Tọt mme ndutịm utom oro ẹnamde ẹnọ akpa utịturua ke August, nyụn̄ sịn udọn̄ nọ kpukpru owo ndibuana.

Min. 30: “Utom Usiakusụn̄—Nte Enye Enyene Fi?” (Ikpehe ekikere 15-25) Utịn̄ikọ ye nneme emi ebiowo esede aban̄a. Nam mbemiso ndutịm nọ mme asiakusụn̄ ye mbon oro ẹkesiakde usụn̄ ke ini edem ndibuana mme ikọ esịt akpanikọ ke ibọrọ mbụme 4-5. Mmọ ẹsọn̄ọ ẹtịn̄ ufọn eti ndutịm ye edisọn̄ọ nyịre ke enye, ẹnọde mme uwụtn̄kpọ ẹban̄a nti ndutịm utom eke urua ke urua oro ẹnen̄erede ẹnyene ufọn. Ebiowo eberi ye edemede-owo-udọn̄ utịn̄ikọ oro ọbọrọde mbụme 6. Ntọn̄ọ isua utom ke September 1 edi eti ini ọnọ mbufa mme asiakusụn̄ nditọn̄ọ utom uyọhọ ini mmọ. Ẹkeme ndibọ n̄wed eben̄e nto andibuana ekededi ke Kọmiti Utom Esop.

Ikwọ 51 ye akam ediberi.