Esoputom Eke August

Urua Ọtọn̄ọde August 3

Ikwọ 216

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ n̄kpọ ban̄a ibatutom an̄wautom May eke idụt ye eke esop n̄kann̄kụk.

Min. 20: “Nte August Eyedi N̄wọrọnda Ọfiọn̄?” Mbụme ye ibọrọ. N̄ko neme ban̄a ekebe oro ẹkotde “215,000!” Sịn udọn̄ nọ kpukpru owo ndibuana ke utom ukwọrọikọ ke August ye ke kpukpru ọfiọn̄ obufa isua utom.

Min. 15: “Wụt N̄wed Ndidu Uwem ke Nsinsi Uforo Uforo.” Nneme otuowo ye nnamn̄wụt kiet m̀mê iba ke mme usụn̄ edisobo oro ẹnọde ekikere ẹban̄a.

Ikwọ 191 ye akam ediberi.

Urua Ọtọn̄ọde August 10

Ikwọ 127

Min. 10: Mme ntọt n̄kann̄kụk. Dọhọ ẹtịn̄ ibio ibio nte ẹkemede ndibọ enyịn̄ ye adres owo oro ẹkenọde ikọ ntiense ke efak, ke itie inemesịt, m̀mê ke itie efen, man ẹnam n̄kpọ ẹban̄a udọn̄ esie.

Min. 15: Mme udọn̄ n̄kann̄kụk. Ti kpukpru owo ndibuana ke utom ukwọrọikọ ke August.

Min. 20: “Mme Uyen—Ẹda Ubọ Ukpep Mbufo Ẹnam N̄kpọ Nte Ọfọnde.” Mbụme ye ibọrọ. Sịn utịn̄ikọ oro ẹdotde ẹmi ẹtode Awake! eke April 8, 1992, page 17-19, ye Enyọn̄-Ukpeme eke July 15, 1991, page 23-26.

Ikwọ 37 ye akam ediberi.

Urua Ọtọn̄ọde August 17

Ikwọ 163

Min. 10: Mme ntọt n̄kann̄kụk. Ntọt ibatokụk. Ti kpukpru owo ndibuana ke utom an̄wautom utịturua emi.

Min. 35: “Edibọp Ufọkmbono Obio Ubọn̄ ke Nigeria.” Mbụme ye ibọrọ. Sịn udọn̄ nọ kpukpru owo ndinọ edibọp Ufọkmbono Obio Ubọn̄ ibetedem.

Ikwọ 108 ye akam ediberi.

Urua Ọtọn̄ọde August 24

Ikwọ 213

Min. 5: Mme ntọt n̄kann̄kụk. Sia utịturua kiet kpọt osụhọde ke August, sịn udọn̄ nọ kpukpru owo ndibuana ke utom ukwọrọikọ mbemiso ọfiọn̄ okụrede.

Min. 20: Nte Ẹkemede Ndisọn̄ọ Nyịre ke Utom Usiakusụn̄. Utịn̄ikọ oro ọkọn̄ọde ke Enyọn̄-Ukpeme eke September 15, 1993, page 28-31. Nam ndụn̄ọde ye asiakusụn̄ oro ekekpepde ndiyọ ikpọ mfịna nnyụn̄ n̄ka iso nsiak usụn̄.

Min. 20: Da Utom Obio Ubọn̄ Nnyịn Nam N̄kpọ Nte Ọfọnde. Nneme otuowo. Ke adade mme uwụtn̄kpọ ndondo emi, nam an̄wan̄a ekem-ini ntọt oro ẹkụtde ke mme page Utom Obio Ubọn̄ Nnyịn ye mme ufọn oro idiade ito enye: (1) mme ibuotikọ oro ẹdemerede nnyịn ndibuana kpukpru ini ke utom ukwọrọikọ; (2) mme ifiọkutom oro ẹsịnde udọn̄ ẹnọ nnyịn ke edisana utom nnyịn; (3) mme ekikere oro ẹn̄wamde nnyịn ndinọ eti mbụk uforo uforo; (4) mme ntọt ẹban̄ade mbufa n̄wed oro ẹdude ẹmi ẹnyenede ufọn ke efakutom n̄kann̄kụk; (5) mme mbụk utom, ẹmi ẹwụtde idaha n̄kọri utom Obio Ubọn̄; (6) Mbụk Ukara Abasi, emi obụkde n̄kọri utom ofụri ererimbot; (7) mme ntọt ye mme ndutịm oro ẹnamde nnyịn itịm idiọn̄ọ mme n̄kpọntịbe oro ẹdide; (8) mme Ekebe Mbụme oro ẹnemede mme akpan n̄kpọ udọn̄; ye (9) mme esịne-esịt oro ẹsiande nnyịn ẹban̄a ikpọ mbono, san̄asan̄a ubịnikọt, ye mme n̄kpọ efen oro ẹnamde nnyịn inọ ntịn̄enyịn ke mme udọn̄ eke spirit nnyịn. Sịn udọn̄ nọ kpukpru owo ndikot nsiondi kiet kiet, ndida mme ekikere esie nsịn ke edinam, ndida enye ndi mme Esoputom ye mme mbono an̄wautom, nnyụn̄ nsịn enye ke ọkpọkpọ n̄kpọ udọn̄ n̄wed man ẹka ẹkeyom ntọt ke ini iso.

Ikwọ 210 ye akam ediberi.

Urua Ọtọn̄ọde August 31

Ikwọ 65

Min. 12: Mme ntọt n̄kann̄kụk. Ti kpukpru owo ndiyak ibatutom an̄wautom August nnọ. Mme ada Ukpepn̄kpọ N̄wed Esop ẹkpenyene ndidụn̄ọde ye kpukpru owo ke otu mmọ man ẹkeme ndidian kpukpru ibatutom etisịm September 6. Neme ban̄a n̄wed ẹdinọde ke September. Sịn ibio ibio nnamn̄wụt oro edemede mbụme oro “Ntak emi nnyịn ikpadade enyịn̄ Abasi?” Da n̄wed Ifiọk, ibuot 3, ikpehe ekikere 6, bọrọ mbụme oro. Tọt mme ndutịm an̄wautom ẹnamde ẹnọ September 7.

Min. 15: “Mme Esenyịn Oro Ẹdade Usụn̄—Esenyịn Oro Etiede Ibuot.” Utịn̄ikọ emi esenyịn oro etiede ibuot ọnọde. Ke ama okodụn̄ọde mme utom esie, enye ọkọm esop kaban̄a edidiana oro mmọ ẹdianade kiet ye mbiowo nte mmọ ẹbọkde otuerọn̄.

Min. 18: N̄wam Eyen Fo Ndiyọ Mme Mfịna ke Ufọkn̄wed. Ebiowo enyene nneme ye owo iba m̀mê ita oro ẹdide ete m̀mê eka oro ẹnyenede nditọ ke ufọkn̄wed. Tịn̄ ibio ibio ban̄a ndusụk ata ọsọ mfịna ẹmi nditọ ẹsisobode, nte ẹwụtde ke Awake! eke August 8, 1994, page 5-7. Ekem, ke etịn̄de otụk page 8-10, neme nte ete ye eka ẹkemede ndikpeme nditọ mmọ nnyụn̄ mmụm eti itie ebuana eke ete ye andikpep n̄kama.

Ikwọ 24 ye akam ediberi.