Mme Esoputom Eke November

Urua Ọtọn̄ọde November 2

Ikwọ 38

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ n̄kpọ ban̄a ibatutom an̄wautom July eke idụt ye eke esop n̄kann̄kụk.

Min. 15: “Ana Kpukpru Owo ‘Ẹnyịme Ikọ’!” Mbụme ye ibọrọ. Sịn mme ekikere efen efen ẹtode esịne-esịt Utom Obio Ubọn̄ Nnyịn eke June 1996, ikpehe ekikere 21.

Min. 20: “Ami Mmoyom Ukpepn̄kpọ Bible!” Nneme otuowo emi esenyịn utom esede aban̄a. Nam an̄wan̄a nte ẹdinamde ndutịm ke n̄kann̄kụk man ẹdiana kiet ẹsịn ukeme ẹnam mme mfiakn̄ka. Ke adan̄a nte ẹkekeme, mme asuanetop ẹmi ẹnyenede mbufiọk ẹkeme ndisan̄a ye mbufa owo. Nam asuanetop emi enyenede ukeme anam owụt nte ẹkemede nditọn̄ọ ukpepn̄kpọ ke mfiakn̄ka. Sịn udọn̄ nọ kpukpru owo ẹdomo nditọn̄ọ obufa ukpepn̄kpọ.

Ikwọ 35 ye akam ediberi.

Urua Ọtọn̄ọde November 9

Ikwọ 187

Min. 13: Mme ntọt n̄kann̄kụk. Tịn̄ san̄asan̄a ndutịm an̄wautom ẹnamde ẹnọ utịturua emi. Ekebe Mbụme.

Min. 15: Mme udọn̄ n̄kann̄kụk.

Min. 17: “Sọn̄ọ Kiet Eken Idem ebe ke Ndinọ Ibọrọ ke Mme Mbono Esop.” Mbụme ye ibọrọ. Nam an̄wan̄a nte edinọ ibọrọ etịpde esịn ke n̄kọri eke spirit nnyịn. (Se Ñwed-item Ufök-ñwed, ukpepn̄kpọ 38, ikpehe ekikere 4.) Dọhọ ndusụk owo ẹtịn̄ nte mmọ ẹkekande mmen̄e edinọ ibọrọ ye nte mmọ ẹkebọde edidiọn̄ ẹto edibuana ke mme mbono esop.

Ikwọ 51 ye akam ediberi.

Urua Ọtọn̄ọde November 16

Ikwọ 182

Min. 8: Mme ntọt n̄kann̄kụk. Ntọt ibatokụk.

Min. 20: “Mme Esenyịn Oro Ẹdade Usụn̄—Esenyịn Ufọkn̄wed Utom Ukara Abasi.” Utịn̄ikọ emi esenyịn ufọkn̄wed ọnọde. Dụn̄ọde Ñwed-item Ufök-ñwed, page 10-11, ikpehe ekikere 6-12.

Min. 17: “Nyene Uforo ke Utom Fo.” Edineme ikpehe ekikere 1-7 ke esịne-esịt ke mbụme ye ibọrọ. Wụk ekikere ke mme akpan n̄kpọ oro ẹkemede ndida nnam n̄kpọ akpan akpan ke efakutom n̄kann̄kụk.

Ikwọ 167 ye akam ediberi.

Urua Ọtọn̄ọde November 23

Ikwọ 89

Min. 8: Mme ntọt n̄kann̄kụk. Bụk mme ifiọkutom oro ẹkemịn̄de ke edem Awake! eke August 8, 1998, kaban̄a odudu oro n̄wed Akakan Owo enyenede ke idem mme owo. Kpukpru mme asuanetop ẹkpenyene ndidu ke edidemede ndinọ n̄wed emi ke mme idaha oro ẹdotde.

Min. 17: “Nyene Uforo ke Utom Fo.” Edineme ikpehe ekikere 8-21 ke esịne-esịt ke mbụme ye ibọrọ. Wụk ekikere ke mme akpan n̄kpọ oro ẹkemede ndida nnam n̄kpọ akpan akpan ke efakutom n̄kann̄kụk.

Min. 20: Mme Ekikere Ẹnọde Ndifori Edikot Bible Fo. Utịn̄ikọ emi ọkọn̄ọde ke Enyọn̄-Ukpeme eke May 1, 1995, page 16-17. Sio mme ufọn eke spirit oro ẹbọde ẹto edikot Bible ke usen ke usen wụt. Dụn̄ọde mme ekikere oro ẹnọde, nyụn̄ tịn̄ nte ẹkemede ndida mmọ nsịn ke edinam. Nam asuanetop iba m̀mê ita ẹbụk nte mmọ ẹbọde ufọn ẹto edikot Ikọ Abasi kpukpru ini.

Ikwọ 46 ye akam ediberi.

Urua Ọtọn̄ọde November 30

Ikwọ 64

Min. 15: Mme ntọt n̄kann̄kụk. Ti kpukpru owo ndiyak ibatutom mmọ nnọ. Sịn udọn̄ nọ owo ekededi emi mîkọtọn̄ọke ukpepn̄kpọ ke November ndika iso nsịn ukeme ke December, ke ini ẹdinọde n̄wed Ifiọk ye New World Translation. Nam asuanetop emi enyenede ukeme anam mfiakn̄ka owụt adade ekebe oro odude ke page 19 ke n̄wed Ifiọk; asuanetop anam an̄wan̄a nte ẹkemede ndida n̄wed oro mbọ ifiọk ke mme ukpepn̄kpọ Bible onyụn̄ ọtọn̄ọ ukpepn̄kpọ.

Min. 15: Da 1999 Calendar of Jehovah’s Witnesses Nam N̄kpọ ke Eti Usụn̄. Utịn̄ikọ. Dụn̄ọde mme ikpehe n̄wed usenọfiọn̄ nte: (1) mme n̄wọrọnda ndise oro ẹwụtde mme akpan n̄kpọntịbe ye mme ukpepn̄kpọ Bible, (2) ndutịm edikot Bible eke urua ke urua eke Ufọkn̄wed Utom Ukara Abasi, (3) ndutịm edikot Bible eke ini Editi, (4) editọt mban̄a edifiak nse ẹwetde-wet emi edide, ye (5) mme n̄kpọ editi ndibuana ke utom magazine kpukpru ini. Tịn̄ ban̄a mme usụn̄ ndida mme ufan̄ oro ẹdude ndiwụt ndutịm utom an̄wautom, ndiwet mme ibatutom ye mme ediomi ẹnamde ndisan̄a ye mbon efen, ndiwet se ẹnọde ẹnam ke mbono esop, ndiwet n̄kpọ editi kaban̄a edidi esenyịn circuit ye mme mbono oro ẹdide. Edikọn̄ n̄wed usenọfiọn̄ ke ebiet oro ẹkemede ndisọp n̄kụt ke ufọk m̀mê ke itieutom ekeme ndiberede mme ifet nditọn̄ọ nneme eke N̄wed Abasi. Bụk ifiọkutom oro odude ke 1988 Yearbook, page 8.

Min. 15: Bọ Ufọn Ọyọhọ Ọyọhọ to 1998 Yearbook. Ete odụn̄ọde page 3-6, 31 ye ubon esie, owụtde mme edinam ukara Abasi ke ofụri ererimbot ke isua emi ekebede. Neme mme ufọn oro ubon ọbọde oto edikot itien̄wed eke usen ke usen ye ikpehe Yearbook ọtọkiet ke mme ini udia, ebierede ndika iso nnam ntre ke ofụri isua.

Ikwọ 121 ye akam ediberi.