Mme Esoputom Eke February
Urua Ọtọn̄ọde February 1
Ikwọ 154
Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti kpukpru owo ẹnọ ibatutom an̄wautom mmọ eke January.
Min. 17: “Nọ Mme Owo eke Kpukpru Isua Emana N̄wed Inemesịt Ubon.” Ebiowo eneme ibuotikọ ye asuanetop iba m̀mê ita ẹmi ẹnyenede ukeme. Wụk ntịn̄enyịn ke utịtmbuba eke edin̄wam mbon efen ẹkụt ẹte ke ukpọhọde inemesịt ubon ọkọn̄ọ ke nditiene item Bible. (Se Inemesịt ubon, page 9-12.) Nam kiet ke otu mme nneme oro ẹnọde ekikere mi wụt. Wụt nte ẹkemede nditịm mfiakn̄ka.
Min. 18: “Ẹmen Obufa Edu Ẹsịne.” Utịn̄ikọ, odụn̄ọrede Ephesus 4:20-24. (Se Enyọn̄-Ukpeme eke March 1, 1993, page 14-18, ikpehe ekikere 4-17.) Nam an̄wan̄a nte nnyịn ision̄ode akani edu ifep inyụn̄ imende obufa isịne. Tịn̄ ban̄a ndusụk edu ẹmi mbon oro ẹnamde emi ẹwụtde.
Ikwọ 4 ye akam ediberi.
Urua Ọtọn̄ọde February 8
Ikwọ 12
Min. 10: Mme ntọt n̄kann̄kụk.
Min. 15: Mme udọn̄ n̄kann̄kụk.
Min. 20: “Nnyịn Ima Ibọ Ufọn Ito Mme Mbono ‘Usụn̄ Uwem Abasi.’” Mbụme ye ibọrọ. Wụt obufa n̄wed ye ediye uduot ekpri n̄wed, nyụn̄ wụt mme usụn̄ emi ikemede ndida mmọ nnam n̄kpọ nte ọfọnde.
Ikwọ 42 ye akam ediberi.
Urua Ọtọn̄ọde February 15
Ikwọ 40
Min. 10: Mme ntọt n̄kann̄kụk. Ntọt ibatokụk. Mbụk Ukara Abasi.
Min. 18: Didie ke Nnyịn Ibọ Ufọn Ito Edisịn Enyịn̄ ke Ufọkn̄wed Utom Ukara Abasi? Nneme otuowo oro esenyịn ufọkn̄wed esede aban̄a. Uduak ufọkn̄wed oro idịghe sụk ndinọ ukpep ke an̄wan̄wa utịn̄ikọ. Mme usụn̄ efen ẹdu oro nnyịn ibọde ufọn nnennen nnennen. (Se Ñwed-item Ufök-ñwed, page 12-13.) Nnyịn imekpep nte ẹnemede nneme ọfọn ye mbon efen. Ẹkpep nnyịn nditịn̄ ikọ an̄wan̄a, ndinyene nsọn̄ọnda, ye uko idemowo. Nnyịn imenyene usọ ke ndibọrọ mme mbụme ẹban̄ade se nnyịn inịmde ke akpanikọ ye ke ndinam mme ubiere nnyịn oro ẹkọn̄ọde ke Bible ẹn̄wan̄a. Ifiọk Bible nnyịn ọkọri, an̄wamde nnyịn nditịm nnyene uforo ke ndinọ mbon efen ikọ ntiense. Nnyịn imekpep ndinyịme mme ndudue nnyịn nnyụn̄ mbọ item, emi osụn̄ọde ke nnyịn ndinam n̄kpọ ye mbon efen emem emem. Ukpep emi ufọkn̄wed oro ọnọde nnyịn ke ofụri ofụri an̄wam nnyịn “nditịm ndot” (NW) nte mme isụn̄utom Abasi.—2 Cor. 3:5, 6.
Min. 17: “Nte Mme Andibuana ke Ubon Ẹdianade Kiet Man Ẹnyene Ọyọhọ Ebuana—Ke Ukpepn̄kpọ Bible.” Nneme otu ubon. Mmọ ẹdụn̄ọde nte mmọ ẹdade mme ekikere oro ẹnọde kaban̄a edikot Bible ye ukpepn̄kpọ ubon oro ẹkụtde ke Enyọn̄-Ukpeme eke May 15, 1996, page 14-15, ye Enyọn̄-Ukpeme eke October 15, 1992, page 16-17 ẹsịn ke edinam.
Ikwọ 57 ye akam ediberi.
Urua Ọtọn̄ọde February 22
Ikwọ 170
Min. 10: Mme ntọt n̄kann̄kụk.
Min. 15: Ndinọ Ikọ Ntiense ke Mme Ikpọ Ufọkidụn̄ ye Mme Okụre Ẹnyenede Mbon Ukpeme. (Edieke ikpọ ufọkidụn̄ m̀mê mme okụre ẹnyenede mbon ukpeme mîwakke ke efakutom mbufo, neme ibuotikọ oro “Ntak Onịmde N̄wetnnịm N̄kpọ Kaban̄a Mme Ufọk Oro Owo Mîkodụhe?” ke Utom Obio Ubọn̄ Nnyịn eke May 1995.) Nneme ye asuanetop iba m̀mê ita. Edi ọkpọsọn̄ n̄kpọ ndinọ mme andidụn̄ ikọ ntiense ke mme ufọkidụn̄ ẹmi ẹdade n̄kpọ unyene nneme okụre kpọt ẹnyene nneme. Edi ọkpọsọn̄ n̄kpọ n̄ko ke ebiet emi osobode andikpeme kpọt, ndien enye iyakke fi osobo ye mme andidụn̄ do. Kere ban̄a mme usụn̄ ndidemede udọn̄. Ke ido ufan, tịn̄ owo emi afo edide nte mbọhọidụn̄; kot enyeneufọk ke enyịn̄ edieke ẹwetde ke n̄wed urụk ukopikọ; tịn̄ ekemini ibuot nneme emi afo oyomde ndineme, mîdịghe kot ntọn̄ọikọ nnennen to n̄wed Reasoning, page 9-15; nyụn̄ nam an̄wan̄a nte ke oyom ndinọ tract, magazine, m̀mê ediye uduot ekpri n̄wed oro ọbọrọde akpan mbụme, nyụn̄ tịn̄ mbụme oro. Ke ebiet emi owo mîkemeke ndisobo, wet leta nọ mme odudụn̄ mîdịghe nọ mmọ ikọ ntiense ke efak nte mmọ ẹnyọn̄de n̄kpọ ẹdi ẹnyụn̄ ẹwọrọde. Kaban̄a mme andikpeme, nọ mmọ n̄wed ete ẹwụt andinyene ufọk m̀mê mbonubon esie, nyụn̄ siak etịbe n̄wed nọ enye. Nam usụn̄ edisobo oro ẹdade ẹnam n̄kpọ ke n̄kann̄kụk ye mbon oro ẹdụn̄de ke ikpọ ufọkidụn̄ emi enyenede nti utịp wụt.
Min. 20: Nte Ẹkemede Ndikụt Idatesịt ke Ndinam Mbet. Utịn̄ikọ emi ọkọn̄ọde ke Enyọn̄-Ukpeme eke February 15, 1996, page 19-22.
Ikwọ 91 ye akam ediberi.