Edifiak-nse Eke Ufọkn̄wed Utom Ukara Abasi

Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua May 3 esịm August 23, 1999. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịm fiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄wed ndụn̄ọde ẹtienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ kiet kiet ẹtienede mi ẹdi Akpanikọ m̀mê Nsu:

1. Iyomke mme ete ye eka ẹsiak mmọn̄ ke mme edumbet Bible man ẹnam n̄kpọ ke eti ibuot ye nditọ mmọ. [fy p. 108 ikp. eki. 14]

2. N̄wed Genesis eke Bible edemede mbuọtidem ke Jehovah ye idotenyịn ke “mfri” edidiọn̄ oro ẹken̄wọn̄ọde. (Gen. 3:15) [w83 8/1 p. 31 ikp. eki. 11]

3. Exodus inen̄ekede inyene se ọwọrọde ke ọyọhọ isua ikie-20 emi. [w83 12/1 p. 8 ikp. eki. 3]

4. Mbon oro ẹdide ata ọkpọikpọi ubuene idụhe ke idaha nditịp okụk nsịn ndida mmenede mme udọn̄ n̄kpọ Obio Ubọn̄. [w97 9/15 p. 5 ikp. eki. 7]

5. Ndinọ mme ete ye eka ye mme ete ete ye eka eka nnyịn usiene edi ubak utuakibuot nnyịn nnọ Jehovah. (1 Tim. 5:4) [w97 9/1 p. 4 ikp. eki. 1-2]

6. Ke akpa, edinịm Sabbath ekedi idiọn̄ọ ke ufọt Jehovah ye kpukpru idụt. [Edikot Bible eke urua ke urua; se rs-E p. 345 ikp. eki. 3.]

7. Ke ini eyen okponde ekem nditọn̄ọ ndinam mme ubiere idemesie, enye enyene ndusụk udomo mbiomo oro ọkọride-kọri kaban̄a mme edinam esie, akpan akpan kaban̄a ibet Abasi. (Rome 14:12) [fy p. 135 ikp. eki. 17]

8. Moses ekewet n̄wed Leviticus ke isua 1513 M.E.N. [w84 4/1 p. 23 ikp. eki. 2]

9. Mme ikọ Jesus oro ẹwetde ke Luke 21:20, 21 ẹma ẹsu ke 66 E.N. ke ini udịmekọn̄ Rome ke idak ndausụn̄ Etubom Titus ẹkefiakde edem ẹkpọn̄ Jerusalem. [w97 4/1 p. 5 ikp. eki. 3-4]

10. Ukpepn̄kpọ Epicurus ekedi n̄kpọndịk ọnọ mme Christian koro enye ọkọkọn̄ọde ke ekikere unana mbuọtidem esie, emi ẹtịn̄de ẹban̄a ke 1 Corinth 15:32. [w97 11/1 p. 24 ikp. eki. 5]

Bọrọ mme mbụme ẹtienede mi:

11. Nso ke nnyịn ikpep ito edikpan oro ẹkekpande ndita ikpọn̄ oro ẹtịn̄de ke Leviticus 3:17? [Edikot Bible eke urua ke urua; se w84 4/1 p. 25 ikp. eki. 2.]

12. Ntak emi Jehovah ayakde Satan kpa Devil odu? (Ex. 9:15) [Edikot Bible eke urua ke urua; se w92 3/15 p. 10 ikp. eki. 14.]

13. Ke ini andibuana ke ubon osobode ọkpọsọn̄ udọn̄ọ, nso mme akpa usio-ukot ke ubon akpanam man enịm mme ebeiso n̄kpọ? (N̄ke 15:22) [fy p. 122 ikp. eki. 14]

14. Ke nso usụn̄ifiọk ke idụt Israel ekedi “obio oku”? (Ex. 19:6) [Edikot Bible eke urua ke urua; se w95 7/1 p. 16 ikp. eki. 8.]

15. Nso idi ukpụhọde ke ufọt enyịn oro “edide mmemmem” (NW) ye enye oro “ọdiọkde”? (Matt. 6:22, 23) [w97 10/1 p. 26 ikp. eki. 5]

16. Didie ke ẹkekeme nditịn̄ nte ke David akasan̄a “ke ofụri esịt nte enende” ke ini edide enye ama anam mme ndudue? (1 Ndi. 9:4) [w97 5/1 p. 5 ikp. eki. 2]

17. Nditọ Israel ndinam “kpa ntre” ke ebuana ye e esop akada aban̄a ewe mme ifetutom eyomfịn? (Ex. 39:32) [Edikot Bible eke urua ke urua; se w95 12/15 p. 12 ikp. eki. 9.]

18. Akpanikọ oro nte ke Jehovah akayarade idemesie nte “Ami ndudu emi ndudu” owụt nso? (Ex. 3:14) [Edikot Bible eke urua ke urua; se w95 3/1 p. 10 ikp. eki. 6.]

19. Nso ukpepn̄kpọ ke ẹkpep ke n̄kpọntịbe abuanade Nadab ye Abihu oro ẹwetde ke Leviticus 10:1, 2? [Edikot Bible eke urua ke urua; se w84 4/1 p. 25 ikp. eki. 3.]

20. Ke idak Ibet Moses, ntak emi ediman eyen akanamde n̄wan edi “edidehe”? (Lev. 12:2, 5) [Edikot Bible eke urua ke urua; se w84 4/1 p. 25 ikp. eki. 5.]

Dọn̄ (mme) ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:

21. Okposụkedi utịbe utịbe usọbọ mîdụhe inọ ndobo, ete m̀mê eka oro ọbọkde nditọ ikpọn̄ ekeme ndiyọ enye ye odudu otode __________________________, emi ẹkemede ndinyene ebe ke ndiyịre ke __________________________. (1 Tim. 5:5) [fy p. 112 ikp. eki. 21]

22. N̄kpọ mmọn̄eyet nditịbe ke uwem owo ekeme ndisụn̄ọ nto __________________________ mîdịghe edi ke ntak __________________________ nnyịn. [w97 5/15 p. 22 ikp. eki. 7]

23. N̄wed Exodus ayarade Jehovah nte akwa __________________________ ye __________________________ ye __________________________. [w83 12/1 p. 11 ikp. eki. 8-10]

24. Edi se nnyịn idide akpan akpan ke __________________________, idịghe __________________________, ayarade se nnyịn inen̄erede idi ke esịtidem. [w97 10/15 p. 29 ikp. eki. 4]

25. Edieke usọrọ idọk enyenede ebuana ye __________________________ m̀mê __________________________, mme ata Christian ẹkeme ndifep ndiyat Jehovah esịt ebe ke ndisịn ndinyene __________________________ ekededi ke utọ utuakibuot oro asabarede owo do. [w97 9/15 p. 9 ikp. eki. 6]

Mek nnennen ibọrọ ke mme utịn̄ikọ kiet kiet oro ẹtienede mi:

26. “Isua ikie inan̄” oro ẹkịkde mfri Abraham ọkọtọn̄ọ ke ini Ishmael akasakde Isaac nsahi ke (1943; 1919; 1913) M.E.N. onyụn̄ etre ye edinyan̄a nsio ke ufụn Egypt ke (1543; 1519; 1513) M.E.N. (Gen. 15:13) [w83 8/1 p. 30 ikp. eki. 14-15]

27. Edide ubon ọyọ ọkpọsọn̄ udọn̄ọ nte okụtde unen m̀mê iyọhọ enen̄ede ọkọn̄ọ ke (ifụre ke n̄kan̄ okụk; ido; ndutịm insurance) mme andibuana ke enye. (N̄ke 17:22) [fy p. 120 ikp. eki. 10]

28. Ẹkot owo emi ọdọhọde ke esịt esie ete ke “Abasi idụhe” “ndisịme” koro enye (ananade eti ido uwem; edide ọkọi; ananade ukeme ukere n̄kpọ). (Ps. 14:1) [w97 10/1 p. 6 ikp. eki. 8]

29. Ke ini Adam ye Eve ẹkesọn̄de ibuot, ata akpan n̄kpọ oro mmọ ẹkeduọkde ekedi (mfọnmma; itie ebuana ye Abasi; in̄wan̄ ebietidụn̄) mmọ, emi ekedide ukpọhọde inemesịt mmọ. [w97 10/15 p. 6 ikp. eki. 2]

30. N̄wed (Genesis; Exodus; Leviticus) etịn̄ ndien ndien aban̄a se ẹyomde man ẹdi edisana. [w84 4/1 p. 23 ikp. eki. 1]

Wet mme itien̄wed Abasi ẹtienede mi ẹkekem ye mme utịn̄ikọ ẹwetde mi ke idak:

Ex. 5:2; Ex. 21:29; N̄ke 1:8; Gal. 5:20; Jas. 1:14, 15

31. Ẹkeme ndisio owo ekededi emi ọdọhọde ke idi Christian emi esisịnde idem ndien ndien ye unana edikabade esịt ke afai afai ibụmede iyatesịt, esịnede edimia mbonubon esie, mfep. [fy p. 150 ikp. eki. 23]

32. Nte nnyịn inamde n̄kpọ ọtọn̄ọ ke nte nnyịn ikerede n̄kpọ. [fy p. 148 ikp. eki. 18]

33. Jehovah Abasi esisuene kpukpru mbon oro ẹsọn̄de ibuot ẹsịn ndifiọk idaha esie nte Abasi. [Edikot Bible eke urua ke urua; se w92 12/15 p. 13 ikp. eki. 18.]

34. Okposụkedi Bible ọnọde ete akpan mbiomo unọ nditọ ukpep, eka n̄ko enyene akpan udeme. [fy p. 133 ikp. eki. 12]

35. Ibet ikenyịmeke ẹwụt owo mbọm ke ini ẹwotde owo ke ntak unana ntịn̄enyịn. [Edikot Bible eke urua ke urua; se w95 11/15 p. 11 ikp. eki. 5.]