Mme Ntọt
◼ Mme n̄wed ẹnọde ke August: Ẹkeme ndida ekededi ke otu ndiye uduot n̄kpri n̄wed oro ẹnyenede page 32 ẹtienede mi nnam n̄kpọ: Dara Uwem ke Isọn̄ ke Nsinsi!, Ke Ini Owo Oro Afo Amade Akpade, Nso Idi Uduak Uwem? Didie ke Afo Ekeme Ndikụt Enye?, Nso Itịbe inọ Nnyịn ke Ini Nnyịn Ikpade?, Nte Abasi Enen̄ede Ekere Aban̄a Nnyịn?, Nte Afo Ekpenyene Ndinịm Abasi-Ita-ke-Kiet ke Akpanikọ?, ye Ukara Emi Edidade Paradise Edi. Ẹkeme ndinọ ndiye uduot n̄kpri n̄wed oro N̄wed Ofụri Owo ye Spirit Mme Akpan̄kpa—Nte Mmọ Ẹkeme Ndin̄wam Fi m̀mê Ndinọ Fi Unan? Nte Mmọ Ẹnen̄ede Ẹdu? ke ebiet odotde. September: Ifiọk Oro Adade Osịm Nsinsi Uwem. October: Kpukpru usem—Mme editobo Enyọn̄-Ukpeme ye Awake! November: Nso ke Abasi Oyom Oto Nnyịn? mîdịghe Ifiọk Oro Adade Osịm Nsinsi Uwem.
◼ Ke obio kiet kiet ke nsio nsio ini ke isua, mme ini nduọkodudu ererimbot ẹsidu ẹmi ẹsinamde nditọwọn̄ ẹtre n̄wed ẹnyụn̄ ẹnamde mbonutom ẹtre utom. Mmọ ẹmi ẹsinọ esop nti ifet ndinyene n̄kaiso ebuana ke an̄wautom. Mbiowo ẹkpenyene ndibem iso nnam ndutịm mban̄a mme ini ẹmi ẹnyụn̄ ẹbak ẹtọt esop ẹban̄a mme ndutịm oro ẹnamde kaban̄a unọ ikọ ntiense otu ke mme ini nduọkodudu.
◼ Ẹnọ mme babru oro ẹkemde ẹsọk esop kiet kiet ndikama ke isua utom 2000. Mbọk ẹda mme babru ẹmi ẹnam n̄kpọ ye mbufiọk. Ẹkpenyene ndida mmọ nnam se ẹkenamde mmọ ẹnọ kpọt.
◼ Esop kiet kiet ọyọbọ babru Literature Inventory (S-18) ita. Ewetn̄wed esop ekpenyene ndisobo ye asan̄autom akamade n̄wed ke ntọn̄ọ ntọn̄ọ August onyụn̄ enịm usen ndibat mme n̄wed ẹdude ke esop ke utịt ọfiọn̄ oro. Ana ẹbat ata edibabat kpukpru n̄wed ẹdude, ndien ẹnyene ndiwet ofụri ibat nsịn ke babru Literature Inventory. Ẹkeme ndibọ ofụri ibat magazine ẹdude nto asan̄autom akamade magazine. Mbọk ẹnọ akpa ikọn̄ oro ẹsọk N̄ka okûbịghi akan September 6. Sịn udiana ikọn̄ ke usịn n̄wed mbufo. Ẹkeme ndida ọyọhọ ikọn̄ ita nte babru uwetn̄kpọ. Ewetn̄wed esop ekpenyene ndise enyịn ke nte ẹwetde n̄kpọ ke babru emi, ndien esenyịn oro etiede ibuot ekpenyene ndidụn̄ọde babru oro ẹwetde n̄kpọ ẹdọn̄ ẹyọhọ. Ewetn̄wed ye esenyịn oro etiede ibuot ẹyesịn ubọk ke babru oro.
◼ Ọtọn̄ọde ke August 18, 1999, ẹsịm August 31, 1999, N̄ka ayadian ibat ofụri n̄wed ẹmi ẹdude ke Igieduma. Ke ntak udian ibat emi, owo idinọhọ mme n̄wed oro esop otobode ọwọrọ ke mme usen ẹmi. N̄ko ẹyeberi itie udep n̄wed ke August 18 esịm August 20, 1999, ndien n̄ko owo idinyamke n̄wed ke ini ẹmi.
◼ Obufa Ọkpọ Umụm Ndise Odude:
Noah—He Walked With God —Ikọmbakara
Mme asuanetop: ₦800; mme asiakusụn̄: ₦640.