Mme Ntọt
◼ Mme n̄wed ẹnọde ke January: N̄wed ekededi oro enyenede page 192 oro ẹkemịn̄de mbemiso 1986 emi esop enyenede ke itie unịm n̄wed ke etịbe edide ₦40. Mme esop oro mînyeneke mme utọ n̄wed oro ẹkeme ndinọ Afo Emekeme Ndidu Uwem ke Nsinsi ke Paradise ke Isọn̄ (ekpri udomo ₦100; akamba udomo ₦195). February: Ukpọhọde Inemesịt Ubon. March: Ifiọk Oro Adade Osịm Nsinsi Uwem. Ẹyesịn san̄asan̄a ukeme nditọn̄ọ mme ukpepn̄kpọ Bible. April: Idem Enyọn̄-Ukpeme ye Awake! kiet kiet. Kama ediye uduot ekpri n̄wed Oyom ndinọ mbon oro ẹnyenede udọn̄, nyụn̄ domo nditọn̄ọ mme ukpepn̄kpọ Bible.
◼ Kpukpru mme asuanetop ẹmi ẹma ẹkena baptism ẹmi ẹdụkde Esoputom ke urua January 10 ẹkeme ndibọ kad Advance Medical Directive/Release ẹnyụn̄ ẹbọ Identity Card ẹnọ nditọ mmọ.
◼ Ọtọn̄ọde ke February, ndien ke mîbịghike ikan March 5, obufa utịn̄ikọ an̄wa mme esenyịn circuit edidi “Ata Armageddon—Ntak-a? Ini Ewe?”
◼ Mme esop ẹkpenyene ndinam mme ndutịm oro ẹdotde ndinịm Editi isua emi ke Wednesday, April 19, ke utịn ama okosụhọde. Okposụkedi ẹkemede ndibak ntọn̄ọ utịn̄ikọ, edimen mme n̄kpọ idiọn̄ọ Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Ẹnam ndụn̄ọde ke n̄kann̄kụk man ẹfiọk ini emi utịn esisụhọrede ke n̄kan̄ mbufo. Okposụkedi esop kiet kiet akpamade ndinịm usọrọ Editi esie, emi ekeme nditre ndidi mmemmem ndinam kpukpru ini. Ke ebiet emi ediwak esop ẹsidade Ufọkmbono Obio Ubọn̄ ẹnam n̄kpọ, ekeme ndidi esop kiet m̀mê awakde akan oro ekeme ndibọ itie efen ndida nnam n̄kpọ ke mbubịteyo oro. Ke ebiet ẹkemede, nnyịn inọ ekikere ite ẹyak minit 40 ebe mbemiso ẹtọn̄ọde edinam en̄wen man kpukpru owo ẹkeme ndibọ ufọn ọyọhọ ọyọhọ nto edinam oro, ayakde ini odu ndikọm isenowo nnyụn̄ nsịn udọn̄ nnọ mbufa mbon oro ẹnyenede udọn̄. Ẹkpenyene ndikere n̄ko mban̄a nte n̄kpọisan̄ ẹwakde ke usụn̄ ye itie ubon ubomisọn̄, esịnede edisio ye edimen mme akaisan̄. Mbiowo ẹkpenyene ndibiere mme ndutịm oro ẹdifọnde ikan ke n̄kann̄kụk.
◼ Ẹdinọ akpan utịn̄ikọ ini Editi eke 2000 ke Sunday, April 16. Ibuotikọ utịn̄ikọ oro edidi “Ntak Emi Ubonowo Oyomde Ufak.” Ẹyenọ n̄wed utịn̄ikọ. Mme esop oro ẹnyenede edidi esenyịn circuit, mbono circuit, m̀mê usen akpan mbono ke utịturua oro ẹdinọ akpan utịn̄ikọ oro ke urua oro etienede. Esop ndomokiet ikpenyeneke ndinọ akpan utịn̄ikọ emi mbemiso April 16, 2000.