Ndutịm Esoputom

Urua Ọtọn̄ọde March 13

Ikwọ 118

Min. 10: Mme ntọt n̄kann̄kụk. Mme ntọt ẹsatde-sat ẹto Utom Obio Ubọn̄ Nnyịn.

Min. 15: “Nnyịn Ikwọrọ Eti Mbụk.” Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ. Nọ uwụtn̄kpọ ban̄a mme in̄wan̄în̄wan̄ akpan n̄kpọ oro ẹdude ke N̄wed Abasi ẹmi ẹkemede ndisio nto n̄wed Ifiọk ke ini ẹnọde enye ke utom ukwọrọikọ.

Min. 20: “Nte Nnyịn Imekeme Ndinam April 2000 Edi Mfọnn̄kan Ọfiọn̄ Oro Akanam Inyenede?” (Ikpehe ekikere 1-11) Mbụme ye ibọrọ. Siak n̄wakn̄kan ibat mme asiakusụn̄ unọ un̄wam oro ẹnyenede ke mbụk esop ke ndondo emi. Nam ndusụk owo oro ẹdude ke otu ẹmi ẹbụk mme ọkpọkpọ ufọn oro mmọ ẹnyenede ẹto edifori ebuana mmọ ke utom ukwọrọikọ. Sịn udọn̄ nọ esop ndinam n̄kpọ mbịne obufa n̄wakn̄kan ibat mme asiakusụn̄ unọ un̄wam ke April. Dụn̄ọde mme n̄kpọ ẹnamde owo ẹdot ẹmi ẹwụtde ke n̄wed Utom Nnyịn, page 113-114. Mme asuanetop ẹmi ẹyomde ndinam usiakusụn̄ unọ un̄wam ẹkeme ndibọ n̄wed eben̄e ke mbono esop emi asuanade.

Ikwọ 187 ye akam ediberi.

Urua Ọtọn̄ọde March 20

Ikwọ 21

Min. 10: Mme ntọt n̄kann̄kụk. Ntọt ibatokụk.

Min. 15: “Nso ke Ami N̄keme Ndinam?” Ada ukpepn̄kpọ n̄wed esop eneme ibuotikọ ye asan̄autom unamutom kiet m̀mê iba. Ke ntak nsio nsio mmeme, ndusụk asuanetop ẹkeme ndikere ke mmimọ ikeme nditịp esisịt nsịn ke utom esop. Dụn̄ọde ndusụk ke otu ediwak usụn̄ ẹmi ikemede nditịp n̄kpọ akamba akamba nsịn ke ndisọn̄ọ esop idem ye ndinam utom Obio Ubọn̄ aka iso. Beri ke ndiwụt nte owo kiet kiet ekemede ‘Ndibuana ke Akpatre Ibatutom.’—Se n̄wed Utom Nnyịn, page 108-110.

Min. 20: “Nte Nnyịn Imekeme Ndinam April 2000 Edi Mfọnn̄kan Ọfiọn̄ Oro Akanam Inyenede?” (Ikpehe ekikere 12-18) Mbụme ye ibọrọ. Sịn ibio ibio nnamn̄wụt ke nte ẹkpekotde ọkpọkpọ ọdiọn̄ọ owo edi Editi. Dụn̄ọde ọfiọn̄ April ke 2000 Calendar, nyụn̄ tịn̄ mme mbono an̄wautom ẹmi ẹdiomide ke n̄kann̄kụk. Ti kpukpru owo ẹnam eti ndutịm ndibuana adan̄a nte ẹkekeme ke utom ukwọrọikọ ke ọfiọn̄ emi, ke ntem, ẹnamde n̄kpọ ẹbịne kpukpru owo ke esop nditiene mbuana. Sịn udọn̄ nọ kpukpru mbon oro ẹkemede ndinam usiakusụn̄ unọ un̄wam ndibọ n̄wed eben̄e ke mbono esop asuanade.

Ikwọ 65 ye akam ediberi.

Urua Ọtọn̄ọde March 27

Ikwọ 119

Min. 10: Mme ntọt n̄kann̄kụk. Ti kpukpru owo ndiyak ibatutom an̄wautom eke March nnọ. Tọt enyịn̄ mbon oro ẹdinamde usiakusụn̄ unọ un̄wam ke April. Nam an̄wan̄a nte ke ini ibehe ikaha ndisịn n̄wed eben̄e. Tịn̄ ofụri ndutịm mbono an̄wautom oro ẹdiomide ẹnọ ọfiọn̄ oro. Sịn udọn̄ nọ kpukpru owo ndibuana ke utom ukwọrọikọ ke utịturua emi, ẹtọn̄ọde April ke eti usụn̄. Nnyịn idinọ Enyọn̄-Ukpeme ye Awake! ke ọfiọn̄ oro. Wụt ibuotikọ kiet ye akpan n̄kpọ ndida nnyene nneme ke mbufa nsiondi kiet kiet ẹmi ẹkemede ndida nnyene neme uforo uforo. Akpana kpukpru owo ẹnyene ediye uduot ekpri n̄wed Oyom ẹnyụn̄ ẹdomo ndida enye ntọn̄ọ mme ukpepn̄kpọ Bible ye mbon oro ẹnyenede udọn̄.

Min. 10: Mme udọn̄ n̄kann̄kụk.

Min. 25: “Da Mme N̄wed Nnyịn Nam N̄kpọ ke Eti Ibuot.” Nneme mbụme ye ibọrọ. Ke ama ekeneme ikpehe ekikere 7, nam mbio mbio nnamn̄wụt iba m̀mê ita akamade ndusụk ekikere oro ẹnọde ke ikpehe ekikere 4-7.

Ikwọ 195 ye akam ediberi.

Urua Ọtọn̄ọde April 3

Ikwọ 72

Min. 10: Mme ntọt n̄kann̄kụk ye mme ifiọkutom an̄wautom. Da mme ifiọkutom eke ndondo emi oro ẹsatde-sat ẹmi ẹtode efakutom n̄kann̄kụk sịn udọn̄ nnọ mbon en̄wen ndibuana.

Min. 17: “Ndikpep Prọfesi Daniel.” Mbụme ye ibọrọ. Tịn̄ ibio ibio nte ikemede ndibọ ufọn nto edikpep n̄wed Daniel eke Bible. (Se ibuot 1, ikpehe ekikere 15-17, ke n̄wed Prọfesi Daniel.) Sịn udọn̄ nọ kpukpru owo ndidụk Ukpepn̄kpọ N̄wed Esop kpukpru ini.

Min. 18: Nte Ami N̄kpenyene Nditịn̄ Akwa Idiọkn̄kpọ? Ufiop ufiop utịn̄ikọ emi ebiowo ọnọde, ẹtịn̄de ẹnọ n̄kparawa owo. Ediwak mfịna ẹdemede ke n̄kaowo eyomfịn oro ẹnyenede idiọk utịp ke idem n̄kparawa owo: mbiara idaha ido uwem, n̄kọri afai, mbumehe uda n̄kpọsọn̄ ibọk, ye unana edinyene ukpono nnọ odudu ukara. Ndusụk uyen ẹdu uwem esịt iba, ẹdịpde idiọk eduuwem mmọ. Emi edi ata n̄kpọndịk ọnọ idaha eke spirit ofụri esop. Ndusụk mmọ ẹnam akwa idiọkn̄kpọ ẹnyụn̄ ẹdomo ndidịp. Edieke afo ọfiọkde ete ke eyenete ke esop ama anam n̄kpọ emi edide akwa edibiat ibet Abasi, nso ke afo akpanam? Neme edumbet oro ẹwụtde ke Leviticus 5:1. (Se Enyọn̄-Ukpeme eke August 15, 1997, page 27-30.) Tịn̄ ban̄a n̄wed Young People Ask, page 68-69, nyụn̄ nam an̄wan̄a se owo ekpenyenede ndinam ke utọ idaha oro.

Ikwọ 68 ye akam ediberi.