Ekebe Mbụme

◼ Nte esop ekpenyene ndikọn̄ ofụri n̄wed ndise efakutom ke Ufọkmbono Obio Ubọn̄?

Ih, ẹkpenyene ndidian ofụri n̄wed ndise efakutom ke n̄kpọ nnyụn̄ n̄kọn̄ ke ibibene Ufọkmbono Obio Ubọn̄. Owo ikpenyeneke ndidian n̄wed efakutom emi ke obukpọk ntọt. Enye ekpenyene ndiwụt kpukpru adan̄a efakutom emi ẹdemede ẹnọ esop ye mme adan̄a efakutom kiet kiet ye nọmba esie. Ẹkpenyene ndiwụt mme adan̄a efakutom esop kiet kiet emi ẹdade ukem Ufọkmbono Obio Ubọn̄ ẹnam n̄kpọ. Emi ayan̄wam mme asuanetop ye mbufa mbon oro ẹnyenede udọn̄ n̄ko ndibiere m̀mê efakutom ewe esop ke mmimọ idụn̄. Ndiwụt mme ebiet emi ẹnịmde Ukpepn̄kpọ N̄wed Esop ke n̄wed ndise efakutom ayan̄wam kpukpru owo n̄ko ndidiọn̄ọ ukpepn̄kpọ n̄wed emi ẹbaharede mmọ ẹsịn. Ẹkpenyene ndinam n̄wed efakutom oro edi eke idahaemi.

Ndiwụt utọ n̄wed efakutom emi an̄wam nditi kpukpru mme asuanetop nte ke edieke ẹkemede, ke ọyọfọn ndinyene ọkpọkpọ efakutom. N̄wed efakutom emi an̄wam mbon oro ẹyomde ndimek efakutom emi ekperede ufọk mmọ. Ke ndusụk idaha enye ekeme nditre ubiatini ke mme mbono an̄wautom, anamde andinịm ekeme ndinọ otu mme asuanetop kiet kiet usọp usọp ẹka ebiet emi ẹdemede ẹnọ mmọ ndinam utom.

N̄wed efakutom emi ọnọ uyarade n̄ko nte ke ẹtịm esop man ẹkwọrọ etop Obio Ubọn̄ ọyọhọ ọyọhọ ke efakutom emi ẹdemede ẹnọ enye.—Luke 9:6.