Ndutịm Esoputom
TỊM FIỌK: Utom Obio Ubọn̄ Nnyịn oyodiomi Esoputom ọnọ urua kiet kiet ke ini mbono. Mme esop ẹkeme ndinam mme ukpụhọde nte ẹyomde man ẹyak ufan̄ ẹnọ edidụk Mbono District “Mme Anam Ikọ Abasi.” Ke ebiet odotde, ẹda minit 15 ke akpatre Esoputom mbemiso ẹkade mbono ẹfiak ẹdụn̄ọde akpan item ke esịne-esịt ọfiọn̄ emi. Sịn udọn̄ nọ kpukpru owo ndida minit ifan̄ nse ndutịm oro ẹmịn̄de-mịn̄ mbemiso ikpehe edinam usenubọk ye uwemeyo ẹtọn̄ọde nnyụn̄ ntie n̄kere se ẹdinemede. Emi ayanam edi mmemmem ndiwụk ntịn̄enyịn ke ndutịm nnyụn̄ n̄wet mbio mbio n̄wetnnịm n̄kpọ oro ẹnyenede ufọn. Ke urua iba esịm inan̄ oro ẹtienede mbono, ẹnyene ndidiomi edidụn̄ọde mme akpan n̄kpọ ndutịm ke minit 30 ke Esoputom. Adan̄aoro, owo kiet kiet oyodu ke mben̄eidem nditịn̄ ibio ibio ikọ ke ini nditọete ita oro ẹdotde oro ẹdisede ẹban̄a ikpehe emi ẹdidọhọde mmọ ẹnam oro. Mme utọ ikọ oro ẹkeme ndiwụt nte ẹkemede ndida se owo ekekpepde ke mbono nnam n̄kpọ ke uwem owo ye ke an̄wautom. Ẹkeme ndisat ibio ibio ifiọkutom kiet m̀mê iba mbụk. Eti ntịmidem ofụri owo edi ukpọhọde ke ndinam ikpehe Esoputom emi enyene inem onyụn̄ ọnọ ukpep.
Urua Ọtọn̄ọde September 11
Ikwọ 125
Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.
Min. 15: “Nte Afo Emesiwụt Esịtekọm ọnọ Ndisana N̄kpọ?” Utịn̄ikọ emi ebiowo ọnọde. Sọn̄ọ tịn̄ mme ufọn edidụk ofụri usen mbono district ita oro.
Min. 20: “Da Mme N̄kpọntịbe Ndondo Emi Demede Udọn̄.” Nneme otuowo ye mme nnamn̄wụt. Siak nsio nsio n̄kpọntịbe ndondo emi oro ẹkedemerede udọn̄ ke n̄kann̄kụk. Nso editịmede esịt kaban̄a ini iso ke mmọ emi ẹdemede? Ke adade ekpri n̄wed Nte Ẹkpetọn̄ọde Ẹnyụn̄ Ẹkade Iso ke Nneme Bible, page 3-4, nọ ndusụk ekikere ke nte ẹkpetịmde ntọn̄ọikọ oro edidade ekesịm nneme Bible. Nam nnamn̄wụt iba oro ẹdide ata idem n̄kpọ, emi ẹketịmde idem edifọn edifọn.
Ikwọ 224 ye akam ediberi.
Urua Ọtọn̄ọde September 18
Ikwọ 2
Min. 13: Mme ntọt n̄kann̄kụk. Ntọt ibatokụk.
Min. 16: “Nọ N̄kpan̄utọn̄ ke Ikọ Abasi.” Mbụme ye ibọrọ. Sọn̄ọ tịn̄ mme ntak oro kpukpru nnyịn ikpodude ke itie nnyịn ke ini ikpehe edinam kiet kiet ọtọn̄ọde.
Min. 16: “Mụm Eti Edu Oro Ọnọde Abasi Ubọn̄ Kama.” Ebiowo eneme ibuotikọ ye otu ubon. Mmọ ẹdụn̄ọde se oyomde mmọ ẹnam man ẹmụm eti ndutịm, nti edu, usanaidem, ye ukamaidem ye edu uwem oro enịmde eti uwụtn̄kpọ ke an̄wan̄wa ebiet, ẹkama.
Ikwọ 203 ye akam ediberi.
Urua Ọtọn̄ọde September 25
Ikwọ 93
Min. 15: Mme ntọt n̄kann̄kụk. Ti mme asuanetop ẹtọt ibatutom an̄wautom eke September. Dụn̄ọde Ekebe Mbụme.
Min. 13: “Ufọn Jehovah Ofori Nnyịn.” Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ.—Se Insight, Eboho 2, page 804, ikpehe ekikere 6-7.
Min. 17: “Uwem Ẹdu ke Itiendịk!” Nneme otuowo. Sio mme akpan n̄kpọ ke mme itien̄wed oro ẹsiakde ẹsịn ke ibuotikọ wụt.
Ikwọ 30 ye akam ediberi.
Urua Ọtọn̄ọde October 2
Ikwọ 169
Min. 15: Mme ntọt n̄kann̄kụk. Tọt esop ban̄a san̄asan̄a edisuan oro ẹdiomide ẹnọ Mbụk Obio Ubọn̄ Nọ. 36, emi editọn̄ọde ke Monday, October 16, tutu esịm Friday, November 17. Sịn udọn̄ nọ kpukpru owo, ọkọrọ ye mme uyen ye mbufa owo, ndinam n̄kpọ mbịne nditiene nnyene ọyọhọ ebuana. Mme ada ukpepn̄kpọ ẹkpenyene nditọn̄ọ idahaemi ndisịn udọn̄ nnọ nnyụn̄ ntịm kpukpru owo oro ẹdude ke otu mmọ ndibuana ifịk ifịk nte ẹkekeme. Sịn mme ifiọkutom oro ẹbọpde-bọp ẹtode akpatre Mbụk Obio Ubọn̄ oro ẹkesuande.
Min. 15: “Nte N̄kpenyene Ndiwọrọ Idụn̄?” Utịn̄ikọ emi ebiowo ọnọde. Nam an̄wan̄a ntak oyomde ẹwụt ọniọn̄ ke ndinam ubiere ndiwọrọ n̄ka ebiet en̄wen. Neme nte ẹkpedade item oro ẹkụtde ke Mme N̄ke 22:3 ẹsịn ke edinam. Sịn se ẹtịn̄de ẹban̄a edidu ke ukpeme oro ẹkụtde ke Enyọn̄-Ukpeme eke August 15, 1988, page 22.
Min. 15: Nnyịn Ikanam Didie Isua Oko? Utịn̄ikọ emi esenyịn utom ọnọde. Dụn̄ọde mme akpan n̄kpọ udọn̄ ẹtode ibatutom esop eke isua utom 2000. Toro nti utom ẹkenamde. Sio mme ebiet ẹkemede ndiyom ẹnam n̄kọri wụt. Wụk ntịn̄enyịn ke nte esop akanamde n̄kpọ ke edidụk mbono esop, editọn̄ọ nnyụn̄ nnịm mme ukpepn̄kpọ Bible, ye ediwọrọ an̄wautom kpukpru ini. Wụt nti utịtmbuba kaban̄a isua emi edide.
Ikwọ 205 ye akam ediberi.